ပြည်သူများယုံကြည်ကိုးစားအားထားပြီး ဖြောင့်မတ်မှန်ကန်မျှတသည့် တရားစီရင်ရေးဖြစ်ထွန်းစေရန် တရားသူကြီး၊ အမှုသည်နှင့်သက်သေများတရားခွင်တွင်ကျမ်းသစ္စာကို တိကျလေးနက်စွာ ကျိန်ဆိုရေးအဆိုကို ဒုတိယအကြိမ်အမျိုးသား လွှတ်တော် (၁၁)ကြိမ်မြောက်ပုံမှန်အစည်းအ၀းဒဿမနေ့အစည်းအဝေးမှာ  အတည်ပြုလိုက်ပါတယ်။ နိုင်ငံတကာမှာကျင့်သုံးခြင်းမရှိသေးတဲ့တရားသူကြီးများ နေ့စဉ်ကျမ်းသစ္စာကျိန်ဆိုခြင်းဟာ ပြည်သူတွေအတွက်ယုံကြည်မှု မြင့်မားလာနိုင်တယ်ဆိုပေမယ့်တရားသူကြီးတွေအတွက်အယုံအကြည်တန်စေတဲ့ကိစ္စတွေပေါ်ပေါက်လာနိုင်တာကြောင့် အဆိုကိုမှတ်တမ်းအဖြစ်သာထားရှိဖို့ ပြည်ထောင်စုတရားလွှတ်တော်ချုပ်တရားသူကြီးက ပြန်လည်ဖြေရှင်း ဆွေးနွေးခဲ့ ပါတယ်။


အဆိုကို အမျိုးသားလွှတ်တော်မှာ  ဖေဖော်ဝါရီလ(၇)ရက်နဲ့ ရက်(၈)ရက်တို့မှာ ပြုလုပ်ခဲ့တဲ့ ဒုတိယအကြိမ် အမျိုးသား လွှတ်တော်(၁၁)ကြိမ်မြောက်ပုံမှန်အစည်းအဝေးတွေမှာ လွှတ်တော်ကိုယ်စား လှယ်(၁၄)ဦးကဆွေးနွေးခဲ့တာပါ။ အဆိုနဲ့ ပတ်သက်ပြီး ဆွေးနွေးမှုတွေ၊ ပြန်လည်ရှင်းလင်းခြင်းတွေပြုလုပ်ပြီးနောက် အမျိုးသားလွှတ်တော်ရဲ့အဆုံးအဖြတ်ကို ရယူခဲ့ရာ ဆန္ဒမဲပေးခွင့်ရှိသူပေါင်း (၁၉၇)ဦးမှ ထောက်ခံဆန္ဒမဲပေါင်း(၁၆၅)မဲ ကန့်ကွက်ဆန္ဒမဲပေါင်း (၉)မဲ နဲ့ ကြားနေဆန္ဒမဲပေါင်း (၃)မဲရှိခဲ့ပြီးထောက်ခံဆန္ဒမဲများခဲ့တာကြောင့် အဆိုကိုအတည်ပြုလိုက်တာပါ။ပြည်သူများယုံကြည်ကိုးစားအားထားပြီး ဖြောင့်မတ်မှန်ကန်မျှတသည့် တရားစီရင်ရေးဖြစ်ထွန်းစေရန် တရားသူကြီး၊ အမှုသည်နှင့် သက်သေများတရားခွင်တွင်ကျမ်းသစ္စာကို တိကျလေးနက်စွာ ကျိန်ဆိုရေး အဆိုကို ဧရာဝတီတိုင်းဒေသကြီး မဲဆန္ဒနယ်အမှတ်(၁)မှ အမျိုးသားလွှတ်တော်ကိုယ်စားလှယ် ဦးစိုးမိုးက ဇန်န၀ါရီ လ(၂၃)ရက်က ပြုလုပ်ခဲ့တဲ့ ဒုတိယအကြိမ် အမျိုးသားလွှတ်တော်(၁၁)ကြိမ်မြောက် ပုံမှန်အစည်းအဝေး တတိယနေ့အစည်းအဝေးမှာ တင်သွင်းခဲ့တာပါ။

 

Related News