မြန်မာနိုင်ငံရွှေလုပ်ငန်းရှင်များအသင်းက ကြီးမှူး ဖွင့်လှစ်တဲ့ ပထမဆုံးအကြိမ် ရွှေအသိပညာဒါနသင်တန်း (၁/၂၀၁၉)ကို ဖေဖော်ဝါရီလ (၉)ရက်က ရန်ကုန်မြို့ ပြည်သူ့ရင်ပြင်ရှိ Myanmar Culture Vallery  ရွှေ၊ လက်ဝတ်ရတနာ ရွှေဖြင့်ပြုလုပ်သော အနုပညာပစ္စည်းများ၊ အသုံးအဆောင်ပစ္စည်းများ တင်ပို့၊ တင်သွင်းခြင်း One Stop Service Centre  မှာဖွင့်လှစ်သင်ကြားနေတာဖြစ်ပါတယ်။  ရွှေလက်ဝတ်ရတနာ ရွှေဖြင့်ပြုလုပ်သော အနုပညာပစ္စည်းများ၊ အသုံးအဆာင်ပစ္စည်းများ တင်ပို့၊ တင်သွင်းခြင်း One Stop Service Centre  ကို ကုန်သည်တွေလာရောက်မှုနည်းပါးခြင်း၊ မြန်မာနိုင်ငံရဲ့ရွှေလုပ်ငန်းတွေပိုမိုဖွံ့ ဖြိုးတိုးတက်လာစေခြင်း၊  ပြည်ပက ရွှေထည်လက်ဝတ် ရတနာတွေ ပြည်တွင်းကိုတင်သွင်းလာတဲ့အခါ  မိမိနို်င်ငံက ထွက်ရှိတဲ့ လက်ဝတ်ရတနာတွေကိုလည်း ပြန်လည်တင်ပို့ရောင်းချနိုင်စေခြင်း  စတဲ့ရည်ရွယ်ချက်တွေနဲ့ ဒီရွှေအသိပညာဒါန သင်တန်းကို ဖွင့်လှစ်တာသင်ကြားတာဖြစ်တယ်လို့သိရပါတယ်။ 


သင်တန်းမှာ ရွှေထုတ်လုပ်မှုအပိုင်း၊ ရွှေသန့်စင်မှုအပိုင်းတွေအပြင် သန့်စင်ပြီးသားရွှေတွေကို ဈေးကွက်မှာ အရောင်းအ၀ယ်ပြုလုပ်တာတွေ၊ ပန်းထိမ်အပ်တဲ့ ပုံစံတွေ၊ ပန်းထိမ်မှာ တွေ့ကြုံရတဲ့ အခက်အခဲတွေ နဲ့ ရွှေဆိုင်ဖွင့်လှစ်တဲ့လုပ်ငန်း စတဲ့ သင်တန်းတွေကို ပို့ချသွားမှာ ဖြစ်ပါတယ်။ ဒါ့အပြင် အာဆီယံနိုင်ငံနဲ့ တန်းတူဖြစ်အောင် ငွေကြေးနဲ့ ဘဏ်စနစ် အကြောင်းတွေကိုလည်း သင်ကြားသွားမှာဖြစ်တယ်လိုိ့ သိရပါတယ်။လက်ရှိမှာ သင်တန်းကို ရွှေဆိုင်ဖွင့်ထားသူတွေ၊ ပန်းထိမ်လုပ်ငန်းလုပ်ကိုင်နေသူတွေ ၊  ဘွဲ့လွန်သင်တန်းတက်နေတဲ့ ကျောင်းသားကျောင်းသူတွေ တက်ရောက်နေတယ်လို့သိရပါတယ်။

ယခုဖွင့်လှစ်တဲ့ ရွှေအသိပညာဒါနသင်တန်းကို သင်တန်းကာလအနေနဲ့ (၈)ရက်ကြာသင်ကြားပေးသွားမှာဖြစ်ပြီး ဒီသင်တန်းတက်ရောက်ဖို့ အတွက် မြန်မာနိုင်ငံရွှေလုပ်ငန်းရှင်များအသင်းက အသင်းဝင်တစ်ဦးရဲ့ ထောက်ခံချက်နဲ့ တက်ရောက်ရမှာဖြစ်ပါတယ်။ ယခုပထမအကြိမ် ဖွင့်လှစ်သင်ကြားနေတဲ့ သင်တန်းမှာ  သင်တန်းသားဦးရေ (၁၀၀) ထိသာ လက်ခံသင်ကြားပေးမှာဖြစ်တယ်လို့သိရပါတယ်။ 

 

Related News