ရန်ကုန်မြို့တော်စည်ပင်သာယာနယ်နမိတ်အတွင်း ခေတ်မီခရီးသည်နားခိုဆောင်(Bus Shelter)တွေဆောက်လုပ်ဖို့ လိုအပ်ချက်ရှိနေသေးတဲ့ဘတ်စ်ကားမှတ်တိုင်တွေမှာ ဆက်လက်ဆောက်လုပ်သွားဖို့အတွက်  လက်ရှိမှာ တင်ဒါခေါ်ယူနေတယ်လို့ ရန်ကုန်တိုင်းဒေသကြီးအစိုးရအဖွဲ့က ပြောကြားပါတယ်။ဘတ်စ်ကားမှတ်တိုင်တွေမှာ ခေတ်မီခရီးသည်နားခိုဆောင်(Bus Shelter)တွေဆောက်လုပ်ဖို့ ရန်ကုန်မြို့တော် စည်ပင်သာယာရေးကော်မတီက စည်ပင်သာယာနယ်နိမိတ်အတွင်းက လိုအပ်ချက်ရှိနေသေးတဲ့ဘတ်စ်ကားမှတ်တိုင်တွေမှာ ဆက်လက်ဆောက်လုပ်သွားဖို့အတွက်  လက်ရှိမှာပြည်တွင်းကကုမ္ပဏီတွေကို တင်ဒါခေါ်ယူ မှုတွေလုပ်ဆောင်နေတယ်လို့ လျှပ်စစ်၊စက်မှုလက်မှုနှင့်လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားပါတယ်။ ဒီအတွက် ပြီးခဲ့တဲ့ဇန်န၀ါရီလက အသိပေးကြော်ငြာတာတွေကို လုပ်ဆောင်ထားတယ်လို့လည်းဆိုပါတယ်။

တင်ဒါပုံစံတွေရောင်းချတာကိုလုပ်ဆောင်ပြီး တင်ဒါလုပ်ငန်းစဉ်တွေနဲ့အညီ အကောင်အထည်ဖော်ဆောင်ရွက်သွားမယ်လို့ ၀န်ကြီးကပြောကြားလိုက်ပါတယ်။ဒဂုံမြို့သစ်(မြောက်ပိုင်း)မြို့နယ်မှာအလွန်လိုအပ်လျက်နေတဲ့ ဘတ်(စ်)ကားမှတ်တိုင်အဆောက်အဦများကို အမြန်ဆုံးဆောင်ရွက်ပေးဖို့ အစီအစဉ်ရှိ/မရှိကို လက်ရှိကျင်းပနေတဲ့ ရန်ကုန်တိုင်းဒေသကြီးလွှတ်တော် အဋ္ဌမပုံမှန်အစည်းအဝေးမှာ တိုင်းဒေသကြီးလွှတ်တော်ကိုယ်စားလှယ် ဦးတင်ထွန်းနိုင်က မေးမြန်းခဲ့တာဖြစ်ပါတယ်။ရန်ကုန်မြို့တော်စည်ပင်သာယာရေးကော်မတီအနေနဲ့ ရန်ကုန်မြို့တော်အတွင်းဘတ်စ်ကားမှတ်တိုင်တွေမှာ (Bus Shelter)အတွက် သတ်မှတ်နယ်မြေအတွင်း မှတ်တိုင်ပေါင်း(၅၀၀)တည်ဆောက်ဖို့ ပြီးခဲ့တဲ့ နှစ်ကတည်းက တင်ဒါပေးလုပ်ဆောင်ခဲ့ရာ လက်ရှိမှာမှတ်တိုင် (၁၄၅)ခုတည်ဆောက်ခဲ့ပြီးဖြစ်တယ်လို့သိရပါတယ်။

 

 

 

Related News