ရန်ကုန်တိုင်းဒေသကြီးက မြို့နယ်(၇) မြို့နယ်မှာ ဝက်သက်၊ ဂျိုက်သိုးကာကွယ်ဆေး အစုလိုက်ထိုးနှံပေးနေတာဖြစ်ပြီး လှိုင်သာယာမြို့နယ်မှာတော့ အသက်ကိုးလမှ ၁၅ နှစ်အရွယ်ကလေးငယ်ဦးရေ(၂)သိန်း(၃)သောင်းကို ကာကွယ်ဆေး ထိုးနှံပေးဖို့ ရည်မှန်းထားပါတယ်။ ဖေဖော်ဝါရီလ၁၇ ရက်ကစပြီး လှိုင်သာယာမြို့နယ်မှာ ဝက်သက်၊ ဂျိုက်သိုးကာကွယ်ဆေးထိုးနှံပေးနေတာဖြစ်ပြီး အထိုင်စုရပ် အဖြစ် ကျေးလက်ကျန်းမာရေးဌာန (၈)ခုမှာ ထိုးနှံပေးနေပါတယ်။ အထိုင်စုရပ်တွေအပြင် သားဖွားဆရာမတွေ ပါဝင်တဲ့ ဆေးထိုး အဖွဲ့ (၅၆)ဖွဲ့က ရပ်ကွက်ဓမ္မာရုံ၊ ရပ်ကွက်အုပ်ချုပ်ရေးမှူးရုံးတွေမှာ လှည့်လည် ထိုးနှံပေးလျက်ရှိပါတယ်။ ဝက်သက်၊ ဂျိုက်သိုး ကာကွယ်ဆေး စတင်ထိုးနှံပေးတဲ့ ဖေဖော်ဝါရီလ ၁၇ ရက်ကနေ ဆေးထိုးနှံပြီးလေးရက်မြောက်ဖြစ်တဲ့ ဖေဖော်ဝါရီလ ၂၀ ရက် အထိ လှိုင်သာယာမြို့နယ်မှာ အသက်ကိုးလကနေ (၁၅)နှစ်အရွယ်အထိ ကလေးငယ်ဦးရေ ခုနစ်သောင်းကျော်ခန့်ကို ထိုးနှံ ပေးပြီးဖြစ်တယ်လို့သိရပါတယ်။

ဝက်သက် ရောဂါလူနာကို လှိုင်သာယာမြို့နယ် ရွှေလင်ပန်းကျေးရွာအုပ်စုကနေ စတင် တွေ့ရှိခဲ့တယ်လို့သိရပါတယ်။ ဒါကြောင့် မိဘတွေအနေနဲ့ စိုးရိမ်ပြီး ကာကွယ်ဆေးလာရောက်ထိုးနှံပေးတာလို့ ရွှေလင်ပန်းစက်မှုဇုန်အတွင်းနေထိုင်တဲ့ မိဘတစ်ဦးက ပြောပြပါတယ်။ ဝက်သက်ရောဂါကပ်ရောဂါအသွင်ဖြစ်ပွားနေတဲ့ ရန်ကုန်တိုင်းဒေသကြီးထဲက မြို့နယ် (၇)မြို့နယ်မှာ ဝက်သက်၊ ဂျိုက်သိုးကာ ကွယ်ဆေး အစုလိုက်ထိုးနှံပေးနေတာဖြစ်ပြီး လှိုင်သာယာမြို့နယ်လည်း အပါအဝင်ဖြစ်ပါတယ်။ ဆေးထိုးကာလကိုတော့ ဖေဖော်ဝါရီလ ၁၇ ရက်ကနေ ၂၈ ရက်အထိသတ်မှတ်ထားပေမယ့် လူဦးရေများတဲ့ လှိုင်သာယာမှာတော့ ငါးရက်အပို ဆောင်းကာ ကျူးကျော်ရပ်ကွက်တွေထဲထိ ကာကွယ်ဆေးလိုက်လံထိုးနှံပေးသွားမယ်လို့သိရပါတယ်။ 


 

Related News