(၅၆) ကြိမ်မြောက် မြန်မာ့ကျောက်မျက်ရတနာပြပွဲကို နေပြည်တော်ရှိမဏိရတနာ ကျောက်စိမ်းခန်းမမှာ ၂၀၁၉ခုနှစ် မတ်လ ၁၁ရက်က စတင် ပြုလုပ်ခဲ့တယ်လို့ သိရပါတယ်။ (၅၆) ကြိမ်မြောက် မြန်မာ့ကျောက်မျက်ရတနာပြပွဲဖွင့်ပွဲအခမ်းအနားကို ဒုတိယသမ္မတ ဦးဟင်နရီဗန်ထီးယူ အပါအ၀င် ပြည်ထောင်စုဝန်ကြီး တွေနဲ့ မြန်မာနိုင်ငံကျောက်မျက်ရတနာ လုပ်ငန်းရှင်များ အသင်းချုပ်ကတာဝန်ရှိသူတွေတက်ရောက်ခဲ့ပါတယ်။ (၅၆) ကြိမ်မြောက် မြန်မာ့ ကျောက်မျက်ရတနာပြပွဲကို မတ်လ(၁၁)ရက်မှ ၂၀ရက်အထိ(၁၀)ရက်ကြာ ကျင်းပသွားမှာဖြစ်ပါတယ်။

ပြပွဲမှာရောင်းချဖို့အတွက် ပုလဲအတွဲစုစုပေါင်း(၂၇၄)တွဲ၊ ကျောက်မျက်အတွဲ(၅၀၀)နဲ့ ကျောက်စိမ်းအတွဲ (၆၉၇၄)တွဲ စုစုပေါင်း(၇၇၄၈)တွဲ ပါဝင်တယ်လို့ သိရပါတယ်။ ရောင်းချမှုတွေကို မတ်လ (၁၂) ရက်မှာ စတင်သွားမှာဖြစ်ပြီး အဲဒီနေ့မှာ ပုလဲအတွဲ(၁၈၂)တွဲ၊ မတ်လ(၁၃)ရက်မှာ ပုလဲအတွဲ (၉၂)တွဲ၊ မတ်လ (၁၄) ရက်မှာ ကျောက်မျက်အတွဲ ၅၀၀ကို ရောင်းချ သွားမယ်လို့ သိရပါတယ်။ ယခုပြပွဲမှာ အဓိကထားပြီး အများဆုံးရောင်းချမယ့် ကျောက်စိမ်းအတွဲတွေကိုတော့ မတ်လ(၁၅)ရက်ကနေ မတ်လ (၁၉)ရက်ထိ တစ်ရက်လျှင်အတွဲ၁၂၀၀နှုန်းနဲ့ အတွဲ၆၀၀၀ကိုလည်းကောင်း နောက်ဆုံးနေ့ဖြစ်တဲ့ မတ်လ ၂၀ရက်မှာတော့ အတွဲ(၉၇၄)တွဲကိုရောင်းချသွားမှာဖြစ်တယ်လို့ သိရပါတယ်။ယခုပြုလုပ်တဲ့ မြန်မာ့ကျောက်မျက်ရတနာပြပွဲကို ပြည်တွင်း၊ ပြည်ပရတနာကုန်သည် ၄၁၃၂ဦးက တက်ရောက်ပြီး တရုတ်နိုင်ငံသားအများဆုံးဖြစ်ကာ ၂၈၁၈ဦးအထိ တက်ရောက်ဖို့ စာရင်းပေးထားခဲ့တယ်လို့ သိရပါတယ်။

 

Related News