ပထမအကြိမ်  ကြားဖြတ်လူဦးရေသန်းခေါင်စာရင်းကောက်ယူရေးဗဟိုကော်မတီ၏ လုပ်ငန်းညှိနှိုင်း အစည်းအဝေးကို နေပြည်တော်မှာ ပြုလုပ်ခဲ့ပါတယ်။ကြားဖြတ်လူဦးရေသန်းခေါင်စာရင်းကောက်ယူရေးဗဟိုကော်မတီ၏ ပထမအကြိမ်လုပ်ငန်းညှိနှိုင်း အစည်းအဝေးကို မတ်လ(၁၁)ရက်က နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနရုံးမှာပြုလုပ်ခဲ့ပြီး ကော်မတီ၏ဥက္ကဋ္ဌဖြစ်တဲ့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေအပါအ၀င် ဗဟိုကော်မတီမှာပါဝင်တဲ့ သက်ဆိုင်ရာ ၀န်ကြီးဌာနတွေက တာဝန်ရှိသူတွေ တက်ရောက်ခဲ့ပါတယ်။ 

လာမည့်နိုဝင်ဘာလမှာ ကောက်ယူသွားမယ် ကြားဖြတ်လူဦးရေ သန်းခေါင်စာရင်းကို အောင်မြင်စွာကောက်ယူနိုင်ရေးအတွက် ဆက်စပ် ပတ်သက်နေတဲ့ ၀န်ကြီးဌာနတွေနဲ့ညှိနှိုင်းပူးပေါင်းပါဝင်ပြီးအကြံညဏ်တွေရယူဖို့အတွက် ဒီအစည်းအဝေးကို ပြုလုပ်ခဲ့တာလို့ သိရပါတယ်။ ဒါ့အပြင် ကြားဖြတ်လူဦးရေ သန်းခေါင်စာရင်းကောက်ယူရာမှာ ကြိုတင်ပြင်ဆင်တဲ့အနေနဲ့ ကောက်ကွက်မြေပုံတွေကို Update ပြုလုပ်ခြင်း၊ အထွေထွေအုပ်ချုပ်ရေးဦးစီးဌာနက ပူးပေါင်းကူညီနိုင်ရေး၊ မိုဘိုင်းတက်ပလက်တွေ အသုံးပြုကာကောက်ယူသွားမှာဖြစ်တဲ့အတွက် SIM Card နှင့် မြန်နှုန်းမြှင့် အင်တာနက်ရရှိရေး၊ သန်းခေါင်စာရင်းကောက်ယူရာမှာမိုဘိုင်း တက်ပလက်တွေကို ကောင်းမွန်စွာအသုံးပြုနိုင်မဲ့ လူငယ် လူရွယ်တွေကို ခေါ်ယူနိုင်ရေးနှင့် စာရင်းကောက်ယူရာမှာ အသုံးပြုမယ့် အသုံးစရိတ်များ၊ အလှူရှင် ခေါ်ယူနိုင်ရေးစတာတွေ အပါအ၀င် အများပြည်သူပိုမိုသိရှိနိုင်ရေးအတွက် အသိပညာပေးလုပ်ငန်းများဆောင်ရွက်နိုင်ရေးတို့ကို ဆွေးနွေးခဲ့ကြတယ်လို့ သိရပါတယ်။ ကြားဖြတ်လူဦးရေသန်းခေါင်စာရင်းကောက်ယူရေးဗဟိုကော်မတီကို နိုင်ငံတော်သမ္မတရုံးရဲ့ အမိန့်ကြော်ငြာစာအမှတ် (၁၄/၂၀၁၉)နဲ့ ပြီးခဲ့တဲ့ ဇန်န၀ါရီလ၂၃ရက်က စတင်ဖွဲ့စည်းခဲ့တာလို့ သိရပါတယ်။ 

 

Related News