ရန်ကုန်တိုင်းဒေသကြီးအစိုးရအဖွဲ့မှ ပထမအသုတ် ရောင်းချပေးထားတဲ့ တန်ဖိုးနည်း၊ တန်ဖိုးသင့်အိမ်ရာများကို ၀ယ်ယူခွင့်ရရှိသူတွေအနေနဲ့ မတ်လ(၈)ရက်မှ ဧပြီလကုန်အတွင်း လာရောက်ဆက်သွယ်ပြီး ဘဏ်နဲ့ ချိတ်ဆက် ၀ယ်ယူနိုင်ပြီဖြစ်ပြီး အဲ့ဒီထဲက မဝယ်ဖြစ်တဲ့ အခန်းတွေနဲ့ ရောင်းဖို့ ကျန်ရှိနေတဲ့ အခန်းတွေကို ပေါင်းပြီး ဒုတိယအသုတ်အဖြစ်ဆက်လက်ရောင်းချပေးသွားမယ်လို့ သိရပါတယ်။ 
ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနကို အိမ်ရာဝယ်ယူခွင့်တင်ထားတဲ့ လျှောက်လွှာပေါင်း (၆၀၂၇)စောင်ထဲကမှ ပထမအသုတ်အဖြစ် (၈၆၄)ခန်းကို ဒဂုံဆိပ်ကမ်း၊လှိုင်သာယာ၊ မြောက်ဥက္ကလာပ၊ ရွှေပြည်သာ၊ ဒဂုံမြို့သစ်(တောင်ပိုင်း)နဲ့ သင်္ဃန်းကျွန်းစတဲ့မြို့နယ်တွေမှာ ဆောက်လုပ်ပြီးစီးထားတဲ့  အိမ်ရာတွေကိုရောင်းချပေးခဲ့ပါတယ်။ အဲ့ဒီထဲက (၇၂၂)ဦးက ဆက်သွယ်ဝယ် ယူဖို့ စာရင်းပေးခဲ့ပေမယ့် ဘဏ်ရဲ့လုပ်ထုံးလုပ်နည်းများနဲ့ ကိုက်ညီမှုမရှိတဲ့သူတွေ၊ နေရာနဲ့အထပ်မကြိုက်တာတွေစတဲ့ အကြောင်း အမျိုးမျိုး ကြောင့် မယူဖြစ်တဲ့ အခန်းပေါင်း (၁၆၅)ခန်းကျန်ရှိနေတယ်လို့ သိရပါတယ်။ ဒါကြောင့် မယူဖြစ်တဲ့ (၁၆၅)ခန်းနဲ့ ရောင်းရန်ကျန်(၁၄၂)ခန်း၊ စုစုပေါင်းကျန်ရှိနေသေးတဲ့ (၃၀၇)ခန်းကို ဒုတိယအသုတ်အဖြစ် မကြာခင်မှာ ဆက်လက်ရောင်းချပေးသွားမယ်လို့ ပြောပါတယ်။

ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနရဲ့ ပြည်သူ့အိမ်ရာဝယ်ယူခွင့်တန်းစီဇယားမှာ ပြည်သူ၊ နိုင်ငံဝန်ထမ်း၊ ပုဂ္ဂလိက၀န်ထမ်း၊ အငြိမ်းစားဆိုပြီး အုပ်စုလေးစု ခွဲခြားသတ်မှတ်ထားတာဖြစ်ပြီး၊ အိမ်ရာဝယ်ယူခွင့်ကို လာရောက်လျှောက်ထားတဲ့ လျှောက်လွှာတွေအရ ပြည်သူ ၃၅ ရာခိုင်နှုန်း၊ နိုင်ငံဝန်ထမ်း ၂၅ ရာခိုင်နှုန်း၊ ပုဂ္ဂလိက၀န်ထမ်း ၂၅ ရာခိုင်နှုန်း၊ အငြိမ်းစား ၁၅ ရာခိုင်နှုန်းရှိပြီး ပြည်သူတွေရဲ့ ၀ယ်ယူခွင့်အများဆုံး ဖြစ်ခဲ့တယ်လို့ သိရပါတယ်။ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ဆောက်လုပ်ပြီး ရန်ကုန်တိုင်းဒေသကြီးအစိုးရအဖွဲ့မှ ရောင်းချပေးထားတဲ့ တန်ဖိုးနည်း၊တန်ဖိုးသင့်အိမ်ရာများကို ၀ယ်ယူခွင့်ရရှိသူတွေအနေနဲ့ ငွေပေးချေမှုစနစ်(၂)မျိုးနဲ့ ၀ယ်ယူ နိုင်တာဖြစ်ပါတယ်။ အခုလို ၀ယ်ယူရာ မှာ  မြို့ပြနှင့်အိမ်ရာဖွံ့ဖြိုးရေးဦးစီးဌာနမှာ တစ်ခါထဲ ငွေအကျေ ပေးချေနိုင်သလို ဆောက်လုပ်ရေး၊ အိမ်ရာနှင့်အခြေခံ အဆောက်အအုံ ဖွံ့ဖြိုးရေးဘဏ်နဲ့ ချိတ်ဆက်ပြီး(၁၅)နှစ်အရစ်ကျစနစ်နဲ့လည်း ၀ယ်ယူနိုင်မှာဖြစ်ပါတယ်။
 

Related News