တိုင်းဒေသကြီးအဆင့် သဘာဝဘေးအန္တရာယ်စီမံခန့်ခွဲမှု အခြေခံသင်တန်းကို ဘေးအန္တရာယ်ဆိုင်ရာစီမံခန့်ခွဲမှု ဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှာ သင်ကြားပေးသွားမှာဖြစ်ပြီး မတ်လ(၁၂)ရက်က သင်တန်းဖွင့်ပွဲ အခမ်းအနားပြုလုပ် ခဲ့ပါတယ်။ တိုင်းဒေသကြီးအဆင့် သဘာဝဘေးအန္တရာယ်စီမံခန့်ခွဲမှုအခြေခံသင်တန်းကို လူမှုဝန်ထမ်း၊ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန၊ သဘာဝဘေးအန္တရာယ်စီမံခန့်ခွဲမှုဦးစီးဌာန အပါအ၀င် မိုးလေ၀သနှင့် ဇလဗေဒညွှန်ကြားမှုဦးစီးဌာန၊ တိုင်းကျန်းမာရေးဦးစီးဌာန၊ မြန်မာနိုင်ငံမီးသတ်တပ်ဖွဲ့၊ ကြက်ခြေနီအသင်းတို့နဲ့ သက်ဆိုင်ရာ မိတ်ဖက်အဖွဲ့အစည်းတွေက ပူးပေါင်းဖွင့်လှစ်တာဖြစ်ပါတယ်။

အခုဖွင့်လှစ်တဲ့ သင်တန်းကိုတော့ ရန်ကုန်တိုင်းဒေသကြီး အနောက်ပိုင်းခရိုင်(၁၃)မြို့နယ်မှာရှိတဲ့ မြို့နယ်ရုံးတွေက ဌာနဆိုင်ရာ ၀န်ထမ်းတွေ၊ စေတနာ့ဝန်ထမ်းတွေ နဲ့ ဘွဲ့ရကျောင်းသားလူငယ်တွေ အပါအ၀င် စုစုပေါင်း(၅၉)ဦးတက်ရောက်သင်ကြားခဲ့တာဖြစ်ပါတယ်။တိုင်းဒေသကြီးအဆင့် သဘာဝဘေးအန္တရာယ်စီမံခန့်ခွဲမှု အခြေခံသင်တန်းကို ဖွင့်လှစ်ရတာက ပြည်သူလူထုအတွက် သဘာဝဘေးအန္တရာယ် စီမံခန့်ခွဲမှုတွေကို ချောမွေ့စွာဆောင်ရွက်နိုင်ရန်၊ သင်တန်းသားတွေအနေနဲ့ ဒီလိုသင်တန်းတွေက တစ်ဆင့် မိမိရဲ့ကျေးရွာ၊ရပ်ကွက်တွေမှာ သဘာဝဘေးအန္တရာယ်ဆိုင်ရာ စီမံခန့်ခွဲမှုတွေကိုပြန်လည်မျှဝေခြင်းဖြင့် စီမံခန့်ခွဲမှု စနစ်ကောင်းမွန်လာစေရန် အတွက် ရည်ရွယ်ဖွင့်လှစ်ခဲ့တာ ဖြစ်ပါတယ်။အခုဖွင့်လှစ်သင်ကြားပေးနေတဲ့ တိုင်းဒေသကြီးအဆင့် သဘာဝဘေးအန္တရာယ်စီမံခန့်ခွဲမှု အခြေခံသင်တန်းကိုတော့ မတ်လ(၁၂)ရက်မှ (၁၅)ရက်အထိ စာတွေ့၊လက်တွေ့ သင်ခန်းစာများနဲ့ သင်ကြားပေးသွားမယ်လို့ သိရပါတယ်။သင်တန်းဖွင့်ပွဲအခမ်းအနားကို ရန်ကုန်တိုင်း ဒေသကြီးအစိုးရအဖွဲ့ လူမှုရေးဝန်ကြီး ဦးနိုင်ငံလင်းနှင့် တာဝန်ရှိသူများ တက်ရောက်ခဲ့ကြပါတယ်။

 

 

Related News