ရန်ကုန်-မန္တလေး မီးရထားလမ်းအဆင့်မြှင့်တင်ရေးစီမံကိန်းအဆင့်(၁)ကိုဆောင်ရွက်ဖို့ရာအတွက် တင်ဒါအောင်မြင်ခဲ့တဲ့ FNS JV ကုမ္ပဏီနဲ့ မြန်မာ့မီးရထားတို့အကြား ချုပ်ဆိုမည့် ကန်ထရိုက်စာချုပ်လက်မှတ်ရေးထိုးခြင်းကို မတ်လ(၁၃)ရက်က နေပြည်တော် ဘူတာကြီးမှာရှိတဲ့ မြန်မာ့မီးရထားရုံးချုပ် မှာပြုလုပ်ခဲ့ပါတယ်။မြန်မာ့မီးရထားအနေနဲ့ ရန်ကုန်-မန္တလေးမီးရထားလမ်း အဆင့်မြှင့်တင်ရေးစီမံကိန်းကို ဂျပန်နိုင်ငံရဲ့ချေးငွေနဲ့ အဆင့်(၂)ဆင့်ခွဲကာဆောင်ရွက်သွားမှာဖြစ်ပြီး အဆင့်(၁)အနေနဲ့ ရန်ကုန်မှ တောင်ငူအထိ သတ်မှတ်ထားကာ အဆင့်(၂)အနေနဲ့ တောင်ငူမှမန္တလေးအထိ သတ်မှတ်ထားတယ်လို့ သိရပါတယ်။ ရန်ကုန်-မန္တလေးမီးရထား လမ်းအဆင့်မြှင့်တင်ရေးစီမံကိန်းအဆင့် (၁) ဖြစ်တဲ့ ရန်ကုန်မှ တောင်ငူအထိကို အပိုင်းသုံးပိုင်းခွဲကာအဆင့်မြှင့်တင်သွားမှာဖြစ်ပါတယ်။

ရန်ကုန်မှ-ပဲခူးအထိပထမပိုင်း၊  ပဲခူးမှညောင်လေးပင်အထိ ဒုတိယအပိုင်း၊ ညောင်လေးပင်မှ တောင်ငူအထိ တတိယအပိုင်း သတ်မှတ်ထားကာ ယခုကန်ထရိုက်စာချုပ် လက်မှတ်ရေးထိုးခဲ့တဲ့ လမ်းပိုင်းကတော့ပထမပိုင်းဖြစ်တဲ့ ရန်ကုန်မှ-ပဲခူးအထိလမ်းပိုင်းဖြစ်တယ်လို့ မြန်မာ့မီးရထား မြို့ပြအင်ဂျင်နီယာဌာနမှ အထွေထွေမန်နေဂျာ ဦးမောင်မောင်သွင်က ပြောပါတယ်။ရန်ကုန်-မန္တလေး မီးရထားလမ်း အဆင့်မြှင့်တင် ရေးစီမံကိန်းအဆင့်(၁) ဖြစ်တဲ့ ရန်ကုန်မှ တောင်ငူလမ်းပိုင်းအဆင့်မြှင့်တင်ခြင်းကို အချိန်ကာလသုံးနှစ်နဲ့ စောင့်ကြည့်ကာလ(၂)နှစ် သတ်မှတ်ထားပြီး အကောင်အထည်ဖော်ဆောင်ရွက်သွားမှာပါ။

အဆင့်မြှင့်တင်ခြင်းတွေထဲမှာ လက်ရှိရထားလမ်းကို အဆင့်မြှင့်တင်ပြုပြင်ခြင်း၊ မြေသားတာဘောင်များနဲ့ တံတားများပြုပြင်ခြင်း၊ မြို့ပြအင်ဂျင်နီယာပိုင်းဆိုင်ရာ အဆင့်မြှင့်တင်ခြင်းတွေ၊ ဆက်သွယ်ရေးနှင့် အချက်ပြစနစ်အဆင့်မြှင့်တင်ခြင်းတွေနဲ့ လမ်းပိုင်းပြေးဆွဲဖို့ရာအတွက် တွဲဆိုင်းအသစ်တွေဝယ်ယူဖြည့်တင်းခြင်းတွေပါဝင်တယ်လို့ သိရပါတယ်။အသံသွင်းပေးရန်-( ရန်ကုန်-မန္တလေးမီးရထားလမ်း အဆင့်မြှင့်တင် ရေးစီမံကိန်းအဆင့်(၁)ကို ဆောင်ရွက်ရမှာ ဖြစ်တဲ့အတွက် အရမ်းပျော်ရွင်မိပါတယ်။ အခုဒီလမ်းပိုင်းကိုမြန်မာနိုင်ငံနဲ့ မြန်မာနိုင်ငံသား တွေအတွက် လုံခြုံစိတ်ချမှုရှိတဲ့ လမ်းဖြစ်အောင်လုပ်ဆောင်သွားမှာပါ။

ကျွန်တော်တို့အနေနဲ့ မြန်မာမီးရထားနဲ့ ၁၉၆၀လောက်ထဲကစတင်ပြီး ဆက်ဆံရေးရှိခဲ့တယ်။အဲတာကြောင့်မို့ အခု မြန်မာမီးရထားနဲ့ဆက်ဆံရေး ဒီထက်ပိုမိုတိုးတက်ချင်ပါတယ်။)ရန်ကုန်-မန္တလေးမီးရထားလမ်းအဆင့် မြှင့်တင် ရေးစီမံကိန်းအဆင့်(၁)ကိုဆောင်ရွက်ဖို့ရာ အတွက် တင်ဒါအောင်မြင်ခဲ့တဲ့ FNS JVကုမ္ပဏီဟာ ဂျပန်နိုင်ငံက FUJITA၊ NIPPON SIGNAL၊ Sumitomo Cooperation တို့ ပူးပေါင်းထားတာဖြစ်တယ်လို့သိရပါတယ်။

 

 

Related News