စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့မှ  မြန်မာနေထိုင်မှုအခြေအနေအဓိကညွှန်ကိန်း အစီရင်ခံစာ ရှင်းလင်းခြင်းနှင့် ဖြန့်ဝေခြင်း အခမ်းအနားကို မတ်လ(၁၇)ရက်က Rose Garden Hotel မှာ ပြုလုပ်ခဲ့ပါတယ်။

မြန်မာနေထိုင်မှုအခြေအနေ အဓိကညွှန်ကိန်းအစီရင်ခံစာပြုလုပ်ရာမှာ စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့အနေနဲ့ World Bank, UNDP တို့နဲ့ ပူးပေါင်းလုပ်ဆောင်ခဲ့တယ်လို့သိရပါတယ်။ မြန်မာနေထိုင်မှုအခြေအနေအဓိကညွှန်ကိန်းအစီရင်ခံစာက တိုင်းဒေသကြီးနဲ့ ပြည်နယ်အလိုက်ဖွံ့ဖြိုးရေး လိုအပ်ချက်များကို ဖြည့်ဆည်းနိုင်ဖို့ရည်ရွယ်ပြီး ပြုလုပ်ခဲ့တာလို့သိရပါတယ်။ မြန်မာနေထိုင်မှုအခြေအနေစစ်တမ်း (၂၀၁၇)ကို (၂၀၁၆)ခုနှစ် ဒီဇင်ဘာလမှ (၂၀၁၇)ခုနှစ်ဒီဇင်ဘာလအတွင်း ၀န်ထမ်းအင်အား(၁၅၃)ဦးနဲ့ကောက်ယူခဲ့တယ်လို့ သိရပါတယ်။ စစ်တမ်းကောက်ယူရာမှာ မြန်မာနိုင်ငံမှ မြို့နယ်ပေါင်း(၂၉၆)မြို့နယ်မှာရှိတဲ့ အိမ်ထောင်စုပေါင်း (၁၃၇၉၀၃)စုကို မေးမြန်းနိုင်ခဲ့တယ်လို့ သိရပါတယ်။

မြန်မာနေထိုင်မှုအခြေအနေအဓိကညွှန်ကိန်းအစီရင်ခံစာအရ လျှပ်စစ်ကဏ္ဍ၊ ဆက်သွယ်ရေးကဏ္ဍ နဲ့ သန့်ရှင်းတဲ့ သောက်သုံးရေရရှိမှု စတဲ့ကဏ္ဍတွေ ပါဝင်တယ်လို့သိရပါတယ်။ အခုအစီရင်ခံစာကို ထုတ်ပြန်နိုင်ခဲ့သလို ပိုမိုအသေးစိတ်ကျတဲ့ အချက်အလက်တွေပါဝင်တဲ့ အစီရင်ခံစာတွေကိုဆက်လက်ထုတ်ပြန်သွားဖို့ရှိတယ်လို့သိရပါတယ်။

မြန်မာနေထိုင်မှုအခြေအနေအဓိကညွှန်ကိန်းအစီရင်ခံစာရှင်းလင်းခြင်းနှင့်ဖြန့်ဝေခြင်းအခမ်းအနားကို ရန်ကုန်တိုင်းဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်း၊ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ် ဦးဆန်းမြင့်၊ ဌာနဆိုင်ရာတာဝန်ရှိသူများ၊ ဖွံ့ဖြိုးမှု မိတ်ဖက်များ၊ ရန်ကုန်စီးပွားရေးတက္ကသိုလ်မှတာဝန်ရှိသူများ၊ မြန်မာနိုင်ငံစာရင်းအင်းပညာအသင်းနဲ့ အခြားပြင်ပသုတေသန အဖွဲ့အစည်း များမှ တာဝန်ရှိသူတွေ တက်ရောက်ခဲ့ပါတယ်။

 

 

Related News