လာမည့်(၂၀၂၄)ခုနှစ်မှာလူဦးရေနှင့်အိမ်အကြောင်းအရာသန်းခေါင်စာရင်းကိုထပ်မံကောက်ယူသွားမယ်လို့ အလုပ်သမားလူဝင်မှု၊ ကြီးကြပ်ရေးနှင့်ပြည်သူ့အင်အားဝန်ကြီးဌာနပြည်ထောင်စုဝန်ကြီး ဦးသိန်းဆွေကမတ်လ (၁၁)ရက်က ပြုလုပ်တဲ့ ကြားဖြတ်လူဦးရေသန်းခေါင်စာရင်းကောက်ယူရေးဗဟိုကော်မတီပထမအကြိမ်လုပ်ငန်းညှိနှိုင်းအစည်းအဝေးမှာ ပြောကြားခဲ့တာဖြစ်ပါတယ်။

မြန်မာနိုင်ငံအနေနဲ့ ပြီးခဲ့တဲ့ (၂၀၁၄)ခုနှစ်က လူဦးရေနှင့်အိမ်အကြောင်းအရာ သန်းခေါင်စာရင်းကို နောက်ဆုံး ကောက်ယူခဲ့တာပါ။ သာမာန်အားဖြင့်လူဦးရေနှင့်အိမ်အကြောင်းအရာ သန်းခေါင်စာရင်းများကို (၁၀)နှစ်လျှင် တစ်ကြိမ်နှုန်းကောက်ယူရတာကြောင့် လာမည့် (၂၀၂၄)မှာ ထပ်မံကောက်ယူရမှာဖြစ်ပြီး ရရှိလာတဲ့ အချက် အလက်တွေကိုတော့(၂၀၂၅)ခုနှစ်မှသာထုတ်ပြန်နိုင်မှာဖြစ်တယ် လို့အလုပ်သမား၊လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေကပြောပါတယ်။

လာမည့်(၂၀၂၄)ခုနှစ်မှာ လူဦးရေးသန်းခေါင်စာရင်းကိုမကောက်ယူခင်မှာ ခေတ်ကာလနှင့်အညီဖြစ်ပေါ်နေတဲ့ လူဦးရေတွေနဲ့ လူမှုစီးပွားရေးဆိုင်ရာ အချက်အလက်တွေကိုအနီးစပ်ဆုံးခန့်မှန်းသိရှိနိုင်စေဖို့အတွက် (၂၀၁၉)ခုနှစ် ကြားဖြတ် လူဦးရေသန်းခေါင်စာရင်းကို လာမည့်နိုဝင်ဘာလမှာ(၁၄)ရက်ကြာ ကောက်ယူသွားမယ် လို့သိရ ပါတယ်။ (၂၀၂၄)မှာ လူဦးရေနှင့်အိမ်အကြောင်းအရာသန်းခေါင်စာရင်းကောက် ယူရာ မှာ ခေတ်မီနည်းပညာတွေကို အသုံးပြုနိုင်ရေးအတွက် ရည်ရွယ်ပြီး လာမည့်(၂၀၁၉)ခုနှစ် ကြားဖြတ် လူဦးရေသန်းခေါင်စားရင်း ကောက်ယူရာမှာ Computer- Assisted Personal Interviewing (CAPI) နည်းစနစ်ကို အသုံးပြုပြီး မိုဘိုင်းတက်ပလက်တွေကိုအသုံးပြုကာကောက်ယူသွားမယ်လို့သိရပါတယ်။

၂၀၁၉ခုနှစ် ကြားဖြတ် လူဦးရေသန်းခေါင်စားရင်းကို စုစုပေါင်းငွေကျပ် သန်း(၂၇၆၀)ကျော် အသုံးပြုကောက်ခံသွားမှာ ဖြစ်ပြီး ရရှိလာတဲ့ စာရင်းအချက်အလက်တွေကို တော့လာမည့်(၂၀၂၀) ဇွန်လမှာ အတည်ပြု ထုတ်ပြန်နိုင်ဖို့ လျာထားဆောင်ရွက်ထားတယ်လို့ သိရပါတယ်။

 

 

Related News