ပြည်တွင်းပြည်ပ မှအဆိပ်သင့်အစားအစာများပပျောက်ရေးအတွက်  ကျန်းမာရေးပညာပေး၊ စာတမ်းဖတ်ပွဲနှင့် ကျန်းမာရေးစကားဝိုင်းကို မတ်လ(၁၇)ရက်က ရန်ကုန်တိုင်းဒေသကြီး၊မြောက်ပိုင်းခရိုင် မှော်ဘီမြို့ မြို့မဈေးခန်းမမှာ  ပြုလုပ်ခဲ့တာဖြစ်ပါတယ်။ကျန်းမာရေးပညာပေး၊ စာတမ်းဖတ်ပွဲနှင့် ကျန်းမာရေးစကားဝိုင်းပြုလုပ်ရတာက ကလေးငယ်တွေမုန့်ပဲ သရေစာစားရာမှာ အန္တရာယ်ကင်းရှင်းစေပြီး  ပြည်တွင်းပြည်ပမှအဆိပ်သင့် မုန့်ပဲသွားရည်စာများကို မစားသုံးစေဖို့ ၊တိုင်းရင်းသားရိုးရာမုန့်တွေကိုစားသုံးခြင်းဖြင့် တိမ်မြုပ်ပျောက်ကွယ်နေတဲ့ မြန်မာမုန့်များပြန်လည်ပေါ်ပေါက်လာစေဖို့စတဲ့ ရည်ရွယ်ချက်တွေနဲ့ပြုလုပ်ခဲ့တာဖြစ်ပါတယ်။

အခုပြုလုပ်ခဲ့တဲ့ ကျန်းမာရေးပညာပေးစာတမ်းဖတ်ပွဲနှင့် ကျန်းမာရေးစကားဝိုင်းမှာတော့ မြန်မာမုန့်များနဲ့ ပတ်သက်တဲ့ အကြောင်းအရာများ ပြောကြားခြင်း၊ ဆရာမဒေါ်အေးအေးသန်း(စက်မှု)မှ “ကြိုတင်ကာကွယ်အစားအသောက်အန္တရာယ်”ခေါင်းစဉ်နဲ့စာတမ်းဖတ်ကြားခြင်း၊  ”ပါဝင်ဆင်နွှဲမုန့်တိုက်ပွဲ”ခေါင်းစဉ်ဖြင့် ”စကားဝိုင်းဖွဲ့ဆွေးနွေးခြင်းစတာတွေကို  ပြုလုပ်ခဲ့ကြတာ ဖြစ်ပါတယ်။ကျန်းမာရေးပညာပေး၊ စာတမ်းဖတ်ပွဲနှင့် ကျန်းမာရေးစကားဝိုင်းကို ပြန်ကြားရေးနှင့်ပြည်သူ့ဆက်ဆံရေးဦးစီးဌာနနဲ့ မြို့နယ်လုံးဆိုင်ရာလူငယ်ပရဟိတအဖွဲ့တို့ ပူးပေါင်းပြီး ပြုလုပ်တာဖြစ်တယ်လို့ သိရပါတယ်။

 

 

Related News