ပညာအလင်းစာကြည့်တိုက် တိုးချဲ့ကလေးစာဖတ်ဆောင်ဖွင့်ပွဲနှင့် ကလေးကဗျာ ရွတ်ဆိုပြိုင်ပွဲ၊ စာအုပ်စတုဒီသာပေးလှူပွဲကို မတ်လ(၁၇)ရက်က ရန်ကုန်တိုင်းဒေသကြီး ဒဂုံမြို့သစ်(တောင်ပိုင်းမြို့နယ်) (၅၆)ရပ်ကွက်၊ ဆုပြည့်ရတနာ(၄)လမ်းမှာ ပြုလုပ်ခဲ့တာဖြစ်ပါတယ်။

ယခု ပညာအလင်းစာကြည့်တိုက်ကိုတော့ ဒဂုံမြို့သစ်(တောင်ပိုင်းမြို့နယ်) (၅၆)ရပ်ကွက်၊ ဆုပြည့်ရတနာ(၄)လမ်းမှာနေထိုင်တဲ့ ရပ်ကွက်နေပြည်သူတစ်ဦးက လှူဒါန်းဆောက်လုပ်ပေးခဲ့တာဖြစ်ပါတယ်။ ပညာအလင်းစာကြည့်တိုက်ကို ယခင်ကတည်းက ပထမစာကြည့်တိုက်ပိုင်ရှင်တွေအနေနဲ့ရပ်ကွက်အတွင်းမှာဖွင့်လှစ်ထားခဲ့ပေမယ့် အကြောင်းအမျိုးမျိုးကြောင့် စာကြည့်တိုက်ကို ခေတ္တပိတ်ထားခဲ့ရတာဖြစ်ပြီး (၂၀၁၈)ခုနှစ် အောက်တိုဘာလ(၅)ရက်မှာ ပထမစာကြည့်တိုက်ပိုင်ရှင်ထံကနေလွှဲပြောင်းယူခဲ့တယ်လို့သိရပါတယ်။ ကလေးတွေအနေနဲ့ စာကြည့်တိုက်နဲ့ လမ်းနဲ့အလှမ်းဝေးနေတဲ့ အတွက် ယခုအခါမှာတော့ စာကြည့်တိုက်ကို လမ်းနဲ့နီးအောင် ပြန်လည်ပြုပြင်တိုးချဲ့ပြီး ကလေးစာဖတ်ဆောင်အဖြစ် ပြန်လည်ဖွင့်လှစ်ပေးခဲ့တာဖြစ်တယ်လို့သိရပါတယ်။ စာကြည့်တိုက်မှာ ကလေးတွေဖတ်ရှုဖို့အတွက်  အများအားဖြင့် ကလေးတွေနှစ်သက်နိုင်မယ့် ကာတွန်းစာအုပ်တွေနဲ့ဗဟုသုတ ရရှိစေနိုင်မယ့် စာအုပ်တွေကို စာကြည့်တိုက်မှာ ထားရှိပေးထားတယ်လို့သိရပါတယ်။  ဒါ့အပြင် ကလေးတွေရဲ့ ပညာရေးပိုင်းနဲ့ ပတ်သက်တဲ့ စာအုပ်တွေ၊ စာစီစာကုံးစာအုပ်တွေကို လည်း ပြင်ပစာအုပ်တိုက်တွေကနေ ၀ယ်ယူစုဆောင်းပေးထားတယ်လို့သိရပါတယ်။

ကလေးစာဖတ်ဆောင်ဆိုပေမယ့် ရပ်ကွက်အတွင်းက အသက်ရွယ်အပိုင်းအခြားမရွေးလာရောက်ဖတ်ရှုနိုင်တယ်လို့လည်းသိရပါတယ်။  ပညာ့အလင်းစာကြည့်တိုက်မှာ အခြားတန်ဖိုးကြီး စာအုပ်တွေလည်းထားရှိပေးထားတာကြောင့် ပညာအလင်းစာကြည့်တိုက်ကနေအိမ်အထိငှားရမ်း သွားမယ်ဆိုရင်တော့ စာကြည့်တိုက်အသင်းဝင်ကတ်ပြားထုတ်ပေးမှာဖြစ်တယ်လို့သိရပါတယ်။ အသင်းဝင်ကတ်ပြားရှိတဲ့သူတွေအနေနဲ့ တစ်ရက်ကို စာအုပ် (၂)အုပ်နှုန်းဖြင့် အိမ်ကို  ငှားရမ်းဖတ်ရှုနိုင်မှာဖြစ်တယ်လို့ သိရပါတယ်။ ရပ်ကွက်အတွင်းမှာနေထိုင်တဲ့ ကလေးတွေကို စာဖတ်ရှိန်မြှင့်တက်စေဖို့အတွက် ကလေးစာဖတ်ဆောင်ကို ဆောက်လုပ်လှူဒါန်းခဲ့တာလို့ လှူဒါန်းမှုနဲ့ပတ်သက်ပြီး အခုလိုပြောပါတယ်။

 ပညာအလင်းစာကြည့်တိုက်ကို နေ့စဉ်ပိတ်ရက်မရှိဖွင့်လှစ်ပေးထားမှာဖြစ်ပြီး စာကြည့်တိုက်အတွင်းက အရှေ့ကလေးစာဖတ်ဆောင်ကိုတော့ မနက် (၆)နာရီကနေည(၇)နာရီအတွင်း ကလေးတွေလာရောက်ဖတ်ရှုနိုင်တယ်လို့သိရပါတယ်။ အိမ်ကိုငှားရမ်းဖတ်ရှုမယ့်သူတွေကိုတော့ ညနေ(၃)နာရီကနေ ည(၇)နာရီအတွင်း အခမဲ့ငှားရမ်းပေးသွားမှာဖြစ်တယ်လို့သိရပါတယ်။

 

 

Related News