ရန်ကုန်မြို့တော်စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနအနေနဲ့ ယခုနှစ်မဟာသင်္ကြန်ကာလမှာ ပုဂ္ဂလိကရေကစားမဏ္ဍပ်များရဲ့ ငှားရမ်းမှုအရေအတွက်အပေါ်မူတည်ပြီး ရွေ့လျားသန့်စင်ခန်း များငှားရမ်းပေးသွားမယ်လို့သိရပါတယ်။ယခုနှစ်မဟာသင်္ကြန်ကာလအတွင်း အများပြည်သူကျန်းမာရေးကိစ္စများအသုံးပြုနိုင်အောင် ရန်ကုန်မြို့တော် စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက နှစ်စဉ်လူစည်းကားတဲ့ နေရာတွေမှာ ရွေ့လျားသန့်စင်ခန်းများ ချထားဆောင်ရွက်ပေးခဲ့ပါတယ်။ ယခုနှစ်မှာတော့  ပြည်လမ်း အင်ယားကန်ဘောင်မှာ ရေကစားမဏ္ဍပ်တွေများတဲ့အပြင် လမ်းလျှောက်သင်္ကြန်လည်းရှိတာကြောင့် ပုံမှန်အတိုင်းချထားဆောင်ရွက်ပေးသွားမယ်လို့ သိရပါတယ်။ ဒါ့အပြင် ပုဂ္ဂလိက ရေကစားမဏ္ဍပ်တွေ၊ ဖျော်ဖြေရေးမဏ္ဍပ်တွေ များလာတဲ့အတွက် ပုဂ္ဂလိက ရေကစားမဏ္ဍပ်များရဲ့ ငှားရမ်းမှု အရေအတွက်အပေါ်မူတည်ပြီး ရွေ့လျားသန့်စင်ခန်းများကို ငှားရမ်းပေးသွားမှာဖြစ်ပြီး လက်ရှိမှာရွေ့လျားသန့်စင်ခန်း (၅၉)လုံး ကိုငှားရမ်းပေးပြီး ဖြစ်တယ်လို့သိရပါတယ်။ယခုနှစ်မှာ ထပ်တိုးလာတဲ့ အင်းယားလမ်းလမ်းလျှောက်သင်္ကြန်က ရွေ့လျားသန့်စင်ခန်းများ ငှားရမ်းပါက ငှားရမ်းပေးသွားမယ်လို့ သိရပါတယ်။ ဒါ့အပြင် ရွေ့လျားသန့်စင်ခန်းတွေကို စည်းကမ်းမဲ့စွာအသုံးပြုပြီး ပျက်စီးပါက တန်ဖိုးငွေရဲ့ နှစ်ဆပေးလျော်ရမယ်လို့ သိရပါတယ်။

 

 

Related News