မြောက်ဦးယဉ်ကျေးမှုအမွေအနှစ်ဒေသအား ကမ္ဘာ့အမွေအနှစ်စာရင်းဝင်သတ်မှတ်နိုင်ရေး အတွက် အဆိုပြုစာတွဲမူကြမ်းကို(၂၀၁၉)ခုနှစ် စက်တင်ဘာလ (၃၀) မတိုင်မီတင်သွင်းသွားမယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာနက သိရပါတယ်။ လက်ရှိ မြောက်ဦးဒေသမှာ ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ ၀န်ထမ်း (၃၇)ဦးအပါအ၀င် ကမ္ဘာ့အမွေအနှစ်ဆိုင်ရာ အတွေ့အကြုံရှိဝန်ထမ်းတွေနဲ့ အချက်အလက်ကောက်ယူနေတယ်လို့သိရပါတယ်။ ကမ္ဘာ့အမွေအနှစ်စာရင်းတင်သွင်းဖို့အတွက် အတွေ့အကြုံ ရှိတဲ့ နိုင်ငံခြားသားပညာရှင်တွေကို နိုင်ငံတော်စရိတ်နဲ့ ငှားပြီး မြောက်ဦးဒေသရဲ့ ဂုဏ်ရည်၊မြောက်ဦးဒေသရဲ့ ထူးခြားထင်ရှားတဲ့ အချက်တွေကို ရေးသားနေ တယ်လို့သိရပါတယ်။ရေးသားမှုအနေနဲ့ (၉၀)ရာခိုင်နှုန်းပြီးစီးနေပြီလို့ သိရပါတယ်။ ရေရှည်စီမံခန့်ခွဲမှု အစီအစဉ်ရေးဆွဲမှုမှာလည်း (၈၀)ရာခိုင်နှုန်းထိပြီးစီးနေပြီလို့သိရပါတယ်။လက်ရှိမှာတော့ မြေပြင်အချက်အလက်တွေကောက်ယူနိုင်ဖို့အတွက်ကတော့ ပြီးစီးဖို့ နှောင့်နှေး နေတယ်လို့ သိရပါတယ်။

မြောက်ဦးယဉ်ကျေးမှုအမွေအနှစ်ဒေသအား ကမ္ဘာ့အမွေအနှစ်စာရင်းဝင်ဖြစ်စေရေးအတွက် ပြည်တွင်းပြည်ပပညာရှင်များ၊ ဌာနဆိုင်ရာများ၊ ဒေသတွင်းအဖွဲ့အစည်းများ၊ အမွေအနှစ်ချစ်မြတ်နိုးသူများပူးပေါင်း ပါဝင်ကြသည့် အပြင် ယူနက်စကိုနှင့် ပြည်ပနိုင်ငံများဖြစ်သည့် တရုတ် ပြည်သူ့ သမ္မတနိုင်ငံ၊ အီတလီနိုင်ငံတို့မှ ပူးပေါင်းဆောင်ရွက်ပေးနေတာလို့သိရပါတယ်။မြောက်ဦးယဉ်ကျေးမှု အမွေအနှစ်ဒေသအား ကမ္ဘာ့အမွေအနှစ် စာရင်းဝင်သတ်မှတ်နိုင်ရေး အတွက် အဆိုပြုစာတွဲမူကြမ်းကို (၂၀၁၉)ခုနှစ် စက်တင်ဘာလ (၃၀)မတိုင်မီတင်သွင်းနိုင်ဖို့ အချက်အလက်တွေအကုန်မပြီးစီးနိုင်ပေမယ့် ရသမျှ အချက်အလက်တွေနဲ့ပဲ တင်သွင်းဖို့ကို ကမ္ဘာ့အမွေအနှစ်ကော်မတီက ခွင့်ပြုတာကြောင့် တင်သွင်းသွားမှာလို့ သိရပါတယ်။

မြောက်ဦးယဉ်ကျေးမှုအမွေအနှစ်ဒေသအား ကမ္ဘာ့အမွေအနှစ်စာရင်းဝင်သတ်မှတ်နိုင်ရေး အတွက် အဆိုပြုစာတွဲအချောကိုတော့ (၂၀၂၀) ပြည့်နှစ် ဇန်န၀ါရီလ လကုန်မှာ တင်သွင်းသွားမယ်လို့သိရပါတယ်။ မြောက်ဦးယဉ်ကျေးမှုအမွေအနှစ်ဒေသအား ကမ္ဘာ့အမွေအနှစ် စာရင်းဝင် သတ်မှတ်နိုင်ရေးအတွက် (၂၀၁၇)ခုနှစ် ဇန်န၀ါရီလက စတင်ပြီး ကော်မတီိများဖွဲ့စည်ပြီး လုပ်ငန်းဆောင်ရွက်ခဲ့တာလို့ သိရပါတယ်။

 

 

Related News