အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေး-OSC  အထွေထွေရောဂါကုဆေးခန်းကို မေလ(၁၁)ရက်က မြောက်ဥက္ကလာပမြို့နယ်ရှိ OSC အထွေထွေရောဂါကုဆေးရုံမှာ ဖွင့်လှစ်ခဲ့ပါတယ်။

အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံ အလုပ်သမားတွေ ရုံးချိန်ပြင်ပ ကျန်းမာရေးစောင့်ရှောက်မှုအတွက် ပြင်ပလူနာဝန်ဆောင်မှု ကို ပုဂ္ဂလိကဆေးရုံ၊ ဆေးခန်းတွေနဲ့ပူးပေါင်းပြီး ပြုလုပ်နေတယ်လို့သိရပါတယ်။လူမှုဖူလုံရေး အာမခံအလုပ်သမားတွေ  ရုံးချိန်ပြင်ပကျန်းမာရေးစောင့်ရှောက်မှု အတွက် ပြင်ပလူနာဝန်ဆောင်မှုကို မြောက်ဥက္ကလာပမြို့နယ်ရှိ OSC ဆေးရုံနဲ့ချိတ်ဆက်ပြီး လူမှုဖူလုံရေး-OSC  အထွေထွေရောဂါကုဆေးခန်းကို ဖွင့်လှစ်ခဲ့တာဖြစ်တယ်လို့သိရပါတယ်။

လူမှုဖူလုံရေးအာမခံအလုပ်သမားတွေ ရုံးချိန်ပြင်ပကျန်းမာရေးစောင့်ရှောက်မှုအတွက် ပုဂ္ဂလိကဆေးရုံတွေနဲ့ ပူးပေါင်းဆောင်ရွက်ရတာဟာ အာမခံအလုပ်သမားတွေအနေနဲ့ ပြင်ပလူနာဆေးကုသမှုတွေမှာ သတ်မှတ်ထားတဲ့ မြို့နယ်တွေအတွင်း ကျန်းမာရေးစောင့်ရှောက်မှုတွေကို ယခင်ကထက်အလွယ်တကူ လက်လှမ်းမီ ကုသနိုင်စေဖို့အတွက် ရည်ရွယ်ပြုလုပ်တာဖြစ်တယ်လို့သိရပါတယ်။ လူမှုဖူလုံရေး-OSC  အထွေထွေရောဂါကုဆေးခန်းမှာ လက်ရှိအာမခံအလုပ်သမားတစ်ဦးကို ငွေကျပ်(၅၄၄၅)ကျပ်နှုန်းနဲ့ အလုပ်သမား(၄၀၀၀)နီးပါးအတွက် စာချုပ်ချုပ်ထားတယ်လို့သိရပါတယ်။

လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ အဖွဲ့ပိုင်ဆေးရုံကြီး (၃)ရုံ၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၅) ခန်း၊ကဲဝဲလ်ဆေးခန်း (၄) ခန်း၊ တိုင်းရင်ဆေးကုခန်း (၁) ခန်းနဲ့ ရွေ့လျားဆေးကုသယာဉ်(၂) စီးတို့နဲ့ ၀န်ဆောင်မှုပေးနေတယ်လို့သိရပါတယ်။ ဒါ့အပြင် လူမှုဖူလုံရေးအာမခံအလုပ်သမားတွေ ကျန်းမာရေးစောင့် ရှောက်မှုပြင်ပ လူနာဝန်ဆောင်မှုကို ရန်ကုန်တိုင်းဒေသကြီးအပြင် နေပြည်တော်၊ မြစ်ကြီးနား ၊ တောင်ကြီး၊ မြိတ်မြို့နဲ့ မန္တလေးတိုင်းဒေသကြီးတို့မှာ လက်ရှိဆောင်ရွက်ပေးပြီးဖြစ်တယ်လို့သိရပါတယ်။ဒီအခမ်းအနားကို အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စုဝန်ကြီး ဦးသိန်းဆွေ၊ ရန်ကုန်တိုင်းဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်းနဲ့ တာဝန်ရှိသူများ တက်ရောက်ခဲ့ပါတယ်။

 

Related News