သီရိမင်္ဂလာကမ္ဘာအေးစေတီတော်မှာရွှေဇ၀ါယွန်းပန်းချီအပိုင်း (၃၊ ၄၊ ၅) နှင့် သစ္စေးရိုးပန်းရွှေချပန်းချီအပိုင်း (၂) အောင်ပွဲရေစက်ချ အလှူမင်္ဂလာအခမ်းအနားကို မေလ (၁၁)ရက်က ရန်ကုန်မြို့ သီရိမင်္ဂလာကမ္ဘာအေးစေတီတော်မှာ ပြုလုပ်ခဲ့ပါတယ်။ 

ရေစက်ချအလှူမင်္ဂလာအခမ်းအနားမှာ နိုင်ငံတော်သံဃမဟာနာယကအဖွဲ့ ဒုတိယဥက္ကဋ္ဌ၊ နိုင်ငံတော်သံဃမဟာနာယကအဖွဲ့ အကျိုးတော်ဆောင်၊ သာသနာရေးနှင့်ယဉ်ကျေးမှုဝန်ကြီးဌာန ဒုတိယအမြဲတမ်းအတွင်းဝန် ဦးဇာနည်ဝင်းတို့ တက်ရောက်ခဲ့ကြ ပါတယ်။ သီရိမင်္ဂလာကမ္ဘာအေးစေတီတော်အတွင်း ယခင်က မှန်ကြမ်းစီဆေးသွင်းကပ်လှူထားခဲ့ပြီး နှစ်ကာလကြာရှည်လာတဲ့အခါ မှန်တွေကွာကျပြီး အမြင်မတင့်တယ်တော့ တာကြောင့် မှန်ကြမ်းစီဆေးသွင်းနေရာမှာ ယခုကပ်လှူနေတဲ့ ရွေဇ၀ါယွန်းတွေကို အစားထိုးလဲလှယ် ကပ်လှူပူဇော်ခဲ့တာဖြစ်ပါတယ်။ 

သီရိမင်္ဂလာကမ္ဘာအေးစေတီတော်မှာ ကပ်လှူနေတဲ့ရွှေဇ၀ါယွန်းတွေကတော့ အေဒီ (၁၃/၁၄)က ယွန်းပညာဖြစ်ပြီး ရွှေဇ၀ါယွန်းအပြင်၊ သစ္စေးသရိုးပန်းရွှေချပန်းချီတွေကိုလည်း ကပ်လှူပူဇော်ထားတယ်လို့ သိရပါတယ်။ အခုကပ်လှူပူဇော်တဲ့ ရွှေဇ၀ါယွန်းနဲ့ သစ္စေးသရိုးပန်းရွှေချပန်းချီတွေက မိုးဒဏ်၊ လေဒဏ်နဲ့ လေဒဏ်ထိခြင်းမရှိပါက နှစ်(၄၀)လောက်တာ ရှည်ခံနိုင်တယ်လို့ သိရပါတယ်။
သီရိမင်္ဂလာကမ္ဘာအေးစေတီတော်မှာ ရွှေဇ၀ါယွန်းကပ်လှူပူဇော်တာကို (၂၀၁၅)ခုနှစ်က စတင်ခဲ့ပြီးရွှေဇ၀ါယွန်း ပန်းချီအပိုင်း(၃၊ ၄၊ ၅) ကပ်လှူပူဇော်မှုအတွက် စုစုပေါင်းကုန်ကျစရိတ်မှာ ငွေကျပ်(နှစ်ထောင်နှစ်ရာ့ခုနှစ်ဆယ့်ကိုးသိန်းခန့်)၊ သစ္စေး သရိုးပန်းရွှေချပန်းချီအပိုင်း(၂)မှာ စုစုပေါင်းကုန်ကျစရိတ် ငွေကျပ်သိန်း(၆၅၀)ကုန်ကျခံဆောက်လုပ်လှူဒါန်းခဲ့တာဖြစ်ပါတယ်။

 

 

Related News