နိုင်ငံတော်အစိုးရအနေနဲ့ လျှပ်စစ်ဓာတ်အားထုတ်လုပ်မှု ကုန်ကျစရိတ်အတွက် နေ့စဉ်ငွေကျပ် (၁ဒသမ၂)ဘီလီယံနဲ့ (၁ဒသမ၅)ဘီလီယံကြား စိုက်ထုတ်သုံးစွဲနေရတယ်လို့မေလ(၉)ရက်က နေပြည်တော်မှာရှိတဲ့ ပြန်ကြားရေးဝန်ကြီးဌာနရုံးမှာ ပြုလုပ်ခဲ့တဲ့ နိုင်ငံတော်အစိုးရ၏ ပြည်သူ့ အတွက် တတိယတစ်နှစ်တာ ကာလအတွင်း ဆောင်ရွက်ခဲ့မှုများနဲ့ ပတ်သက်တဲ့ သတင်းစာရှင်းလင်းပွဲက သိရှိခဲ့ရတာပါ။ လျှပ်စစ်နှင့်စွမ်းအင်ဝန်ကြီးဌာနအနေနဲ့ လျှပ်စစ်ဓာတ်အားထုတ်လုပ်မှုကုန်ကျစရိတ်အတွက် တစ်နှစ်ကိုငွေကျပ်(၅၀၀) ဘီလီယံကျော်အထိ စိုက်ထုတ်သုံးစွဲနေရတာပါ။ ယခုလိုစိုက်ထုတ်သုံးစွဲနေရတာတွေကို ကာမိဖို့ရာအတွက်  လျှပ်စစ်ဓာတ်အားခကို တိုးမြှင့်ကောက်ခံဖို့ နိုင်ငံတကာအဖွဲ့အစည်းတွေနဲ့ မိတ်ဖက် အဖွဲ့အစည်းတွေက တိုက်တွန်းထား တာရှိတယ်လို့ လျှပ်စစ်နှင့်စွမ်းအင်ဝန်ကြီးဌာန အမြဲတမ်း အတွင်းဝန် ဦးတင်မောင်ဦးက ပြောပါတယ်။

လျှပ်စစ်ဓာတ်အားထုတ်လုပ်မှု ကုန်ကျစရိတ်ကို ကာမိဖို့ရာအတွက် မကြာခင်မှာ လျှပ်စစ်ဓာတ်အားခ နှုန်းထားတွေကို ပြုပြင်ပြောင်းလဲမှုတွေ ဆောင်ရွက်သွားမယ်လို့ သိရပါတယ်။ လျှပ်စစ်ဓာတ်အားခနှုန်းထားတွေကို ပြုပြင်ပြောင်းလဲမှုတွေ ဆောင်ရွက်ဖို့ရာအတွက် နိုင်ငံတော် အကြီးအကဲတွေကို တင်ပြထားရာမူအားဖြင့်လက်ခံထားတယ်လို့ လျှပ်စစ်နှင့်စွမ်းအင်ဝန်ကြီးဌာန အမြဲတမ်းအတွင်းဝန် ဦးတင်မောင်ဦးက ပြောပါတယ်။ လျှပ်စစ်ဓာတ်အားခ နှုန်းထားတွေကိုတိုးမြှင့်ပြီး ကောက်ခံပါက ပြည်သူတွေအနေနဲ့ မလိုလားအပ်တဲ့ လျှပ်စစ်ဓာတ်အားသုံး စွဲမှုတွေကို လျော့ချလာမှာဖြစ်တဲ့အတွက်  ထုတ်လုပ်မှုကုန်ကျစရိတ်တွေကို လျော့နည်းလာနိုင်မယ်လို့ ဦးတင်မောင်ဦးက ပြောပါတယ်။မြန်မာနိုင်ငံဟာ အရှေ့တောင်အာရှနိုင်ငံတွေထဲမှာ ဓာတ်အားခနှုန်းထားကောက်ခံမှုအနည်းဆုံး နိုင်ငံဖြစ်တယ်လို့ သိရပါတယ်။

 

Related News