ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့(YRTA)မှ YBS(၃)နှစ်တာကာလအတွင်းမှာ သယ်ယူပို့ဆောင်ရေး လုပ်ငန်းတွေနဲ့ပတ်သက်ပြီး လုပ်ဆောင်ချက်များရှင်းလင်းပွဲကို မေလ(၁၁)ရက်က (YRTA)ရုံးချုပ်မှာ ပြုလုပ်ခဲ့ပါတယ်။ ရန်ကုန်တိုင်းဒေသကြီးအစိုးရအဖွဲ့က ပြောင်းလဲတာဝန်ယူချိန်ကစတင်ပြီး သယ်ယူပို့ဆောင်ရေးကဏ္ဍကို ပိုမိုကောင်းမွန်အောင် ဖော်ဆောင်ဖို့ ဆောင်ရွက်ခဲ့တယ်လို့သိရပါတယ်။YRTAကို ရန်ကုန်တိုင်းဒေသကြီးအစိုးရအဖွဲ့က (၂၀၁၆)ခုနှစ် ဇူလိုင်လ(၈)ရက်မှာ ရန်ကုန်တိုင်းဒေသကြီး ၀န်ကြီးချုပ် အပါအ၀င် အဖွဲ့ဝင်(၁၆)ဦးနဲ့စတင်ဖွဲ့စည်းပေးခဲ့ပြီး (၂၀၁၇)ခုနှစ် ဇန်န၀ါရီလ(၁၆) ရက်မှာတော့ မထသကနေ YBS စနစ်ကို စတင်လုပ်ဆောင်ခဲ့တာဖြစ်ပါတယ်။

လက်ရှိမှာတော့ (YRTA) အနေနဲ့သယ်ယူပို့ဆောင်ရေးကဏ္ဍမှာ ဘတ်(စ်)ကားလိုင်း တစ်ခုထဲတင်မကဘဲ City Taxi မှတ်ပုံတင်ခြင်း၊ ကုန်စည်ပို့ဆောင်ရေးယာဉ်များနဲ့ပတ်သက်တဲ့လုပ်ငန်းများ၊ ကျောင်းကားစနစ်၊Yangon Water Bus ပြေးဆွဲမှုတွေ အပါအ၀င် မြို့ပတ်ရထားလမ်း အဆင့်မြှင့်တင်မှုအပိုင်းတွေကိုလည်း (၃)နှစ်တာအတွင်းမှာ ပူးပေါင်းဆောင်ရွက်ပေးခဲ့တယ်လို့ သိရပါတယ်။ ဒါ့အပြင်သယ်ယူပို့ဆောင်ရေး ကဏ္ဍတွေမှာ ပိုမိုကျယ်ပြန့်စွာ ဆောင်ရွက်နိုင်ဖို့အတွက်လည်း ရန်ကုန်တိုင်းဒေသကြီးအစိုးရအဖွဲ့က (၂၀၁၉)ခုနှစ် ဧပြီလမှာ YRTA ကို အဖွဲ့ဝင်(၂၂)ဦးနဲ့ တိုးမြှင့်ဖွဲ့စည်းပေးခဲ့တယ်လို့ သိရပါတယ်။

YRTA ရဲ့ (၃) နှစ်တာအတွင်း လုပ်ဆောင်မှုတွေကို ပြည်သူလူထု သိရှိစေဖို့အတွက် ပထမဆုံးအကြိမ် အနေနဲ့ ရှင်းလင်းပြောကြားခဲ့တာ ဖြစ်ပါတယ်။ YRTA အနေနဲ့လည်း မိမိတို့ဆောင်ရွက်နေတဲ့ လုပ်ငန်းအားနည်းချက်၊ဖြည့်သွင်းရမယ့် အချက်တွေကိုလည်း ပူးပေါင်းဆောင်ရွက် သွားမှာဖြစ်သလို  မီဒီယာတွေရဲ့အကြံပြုချက်တွေနဲ့YBS စီးနင်းတဲ့ ခရီးသွားပြည်သူတွေရဲ့ အဆင်ပြေမှု၊မပြေမှုတွေကိုလည်း တင်ပြနိုင်သလို ဆွေးနွေးညှိနှိုင်းမှုတွေလည်းပြုလုပ်သွားမယ်လို့ သိရပါတယ်။

YRTA အနေနဲ့ သယ်ယူပို့ဆောင်ရေးလုပ်ငန်းတွေနဲ့ပတ်သက်ပြီး လုပ်ဆောင်နေတဲ့ လုပ်ငန်းစဉ်တွေကို ပြည်သူတွေကျယ်ကျယ်ပြန့်ပြန့်သိရှိစေဖို့ အတွက် အစည်းအဝေးတွေကို တစ်လနှစ်ကြိမ် မီဒီယာတွေနဲ့တွေ့ဆုံပြီး ရှင်းလင်းသွားမှာဖြစ်တယ်လို့ သိရပါတယ်။

 

 

Related News