တက္ကသိုလ်ဘာသာပြန်နှင့် စာအုပ်ထုတ်ဝေရေးဌာနက မွမ်းမံပြုစုပြီး ထုတ်ဝေတဲ့ တက္ကသိုလ်ပညာရပ်ဝေါဟာရစာအုပ်ကို မေလ ၁၀ ရက်က ရန်ကုန်တက္ကသိုလ်၊ စိန်ရတုခန်းမမှာ တရားဝင်မိတ်ဆက်ခဲ့ပါတယ်။ တက္ကသိုလ် ပညာရပ်ဝေါဟာရတွေကို ဝိဇ္ဇာ၊ သိပ္ပံဆိုင်ရာ အသိပညာရှင်၊ အတတ်ပညာရှင်တွေက လွန်ခဲ့တဲ့ နှစ်ပေါင်း ၇၀ ကတည်းကပြုစု ခဲ့တာပါ။ အဲ့ဒီ ဝေါဟာရတွေကို စုစည်းပြီး တက္ကသိုလ်ပညာရပ် ဝေါဟာရဆိုတဲ့ စာအုပ်ကို ၁၉၇၁ ကနေ ၁၉၇၄ ခုနှစ်အတွင်း အတွဲရှစ်တွဲ ထုတ်ဝေခဲ့ပါတယ်။ ၁၉၈၀ ပြည့်နှစ်မှာတော့ အတွဲရှစ်တွဲလုံးကို စုစည်းပြီး A ကနေ Z အထိ ဝေါဟာရတွေ ပါဝင်တဲ့ စာအုပ် ပထမဆုံးအကြိမ် ထုတ်ဝေခဲ့ပါတယ်။ ယခု တရားဝင်မိတ်ဆက်တဲ့ တက္ကသိုလ်ပညာရပ်ဝေါဟာရ စာအုပ်မှာလည်း  A ကနေ Z အထိ ဝေါဟာရတွေပါဝင်မှာဖြစ်ပြီး ဒုတိယအကြိမ် မွမ်းမံထုတ်ဝေတာပဲဖြစ်ပါတယ်။ လိုအပ်တဲ့ ဝေါဟာရတွေကို ပညာရှင်တွေနဲ့တိုင်ပင်ဖြည့်စွက်ထားပြီး ယခုခေတ်နဲ့ လျော်ညီ အောင် ပြုစုထားတယ်လို့သိရပါတယ်။ 

ဒီစာအုပ်က ဝိဇ္ဇာ၊ သိပ္ပံပညာရပ်တွေ လေ့လာလိုက်စားနေတဲ့ တက္ကသိုလ်ကျောင်းသားကျောင်းသူတွေ၊ ပညာရှင်တွေအတွက် ရည်ရွယ်ထုတ်ဝေ တာဖြစ်ပြီး စီးပွားရေးဘာသာရပ်၊ စက်မှုသိပ္ပံ၊ စိုက်ပျိုးရေးပညာ၊ ဆေးပညာ၊ ပညာရေးနှင့် တိရစ္ဆာန်ဆေးကုသခြင်းဆိုင်ရာ ဝေါဟာရတွေကို လေ့လာနိုင်မှာဖြစ်ပါတယ်။ ယခု ထုတ်ဝေဖြန့်ချိမယ့် တက္ကသိုလ်ပညာရပ် ဝေါဟာရစာအုပ်မှာ မြန်မာဘာသာစကားဖြင့် အနက်ဘာသာပြန် ထားပြီး A ကနေ F အထိ ဝေါဟာရတွေကို နောက်ဆက်တွဲစကားလုံးတွေ ထပ်မံဖြည့်စွက်ထားတယ်လို့သိရပါတယ်။ စာအုပ်မိတ်ဆက်ပွဲမှာ တက္ကသိုလ်ပညာရပ် ဝေါဟာရစာအုပ် အုပ်ရေလေးဆယ်ကို ရန်ကုန်တက္ကသိုလ်ထံ လှူဒါန်းခဲ့ပြီး နေပြည်တော်၊ အမျိုးသား စာကြည့်ကိုတော့ ဆယ်အုပ်လှူဒါန်းခဲ့တယ်လို့သိရပါတယ်။ စာအုပ်တစ်အုပ်ကို ကျပ် ခုနစ်ထောင့်ငါးရာနဲ့ ရောင်းချသွားမှာဖြစ်ပြီး တက္ကသိုလ် ဘာသာပြန်နှင့် စာအုပ်ထုတ်ဝေရေးဌာနကနေ မှာယူနိုင်တယ်လို့သိရပါတယ်။ 

 

Related News