(၂၀၁၉)ခုနှစ်မှာ မြန်မာနိုင်ငံခရီးသွားဝင်ရောက်မှုအခြေအနေဟာ (၂၀၁၈)ခုနှစ်ကာလတူနှိုင်းယှဉ်ရင်(၂၂)ရာခိုင်နှုန်းအထိ တိုးတက်လာခဲ့တယ်လို့ သိရပါတယ်။ မြန်မာနိုင်ငံကို တရုတ်နိုင်ငံမှ ခရီးသွားဝင်ရောက်မှု ၂၀၁၉ခုနှစ် မတ်လမှာလူဦးရေ(၁)သိန်း (၆)သောင်းခန့်အထိ လာရောက်ခဲ့ပြီး  (၂၀၁၈)မတ်လကထက် (၁၃၁)ရာခိုင်နှုန်း ပိုမိုဝင်ရောက်ခဲ့ကာ ခရီးသွားဝင်ရောက်မှုအများဆုံးတိုးတက်တဲ့ နိုင်ငံဖြစ်လာတယ်လို့ သိရပါတယ်။

ပြီးခဲ့တဲ့(၂၀၁၈)ခုနှစ် အောက်တိုဘာလက စတင်ပြီး တရုတ်နိုင်ငံကို ဆိုက်ရောက်ဗီဇာနဲ့ ၀င်ရောက်နိုင်ဖို့ကို ဖြေလျှော့ပေးခဲ့ပြီးနောက်ပိုင်း တရုတ်နိုင်ငံမှ အခုလို ခရီးသွားဝင်ရောက်မှုပိုမိုများပြားလာတာလို့ သိရပါတယ်။ ခရီးသွားဝင်ရောက်မှု ဒုတိယတိုးတက်တဲ့ နိုင်ငံအဖြစ် ကိုရီးယားနိုင်ငံက(၂၀၁၉)ခုနှစ် မတ်လမှာခရီးသွားဦးရေ သုံးသောင်း (၇)ထောင်ကျော် မြန်မာနိုင်ငံကို လာရောက်ခဲ့ပြီး (၂၀၁၈)ခုနှစ် မတ်လကထက် ခရီးသွားဦးရေ ထက်ဝက်နီးပါး ပိုမိုဝင်ရောက်ခဲ့တယ်လို့ သိရပါတယ်။

(၂၀၁၉)ခုနှစ်မတ်လမှာဂျပန်နိုင်ငံက မြန်မာနိုင်ငံကို ခရီးသွားလာရောက်မှုတိုးတက်တဲ့ တတိယအများဆုံးနိုင်ငံဖြစ်ခဲ့ပြီး ခရီးသွား(၃)သောင်း(၄)ထောင်ကျော် ၀င်ရောက်ခဲ့ကာ (၂၀၁၈)ခုနှစ် မတ်လကထက် (၂၁)ရာခိုင်နှုန်းထိ တိုးတက်လာခဲ့တယ် လို့ သိရပါတယ်။ အနောက်နိုင်ငံတွေအနေနဲ့ အီတလီ၊ သြစတြီးယားနဲ့ စပိန်နိုင်ငံတွေက ခရီးသွားဝင်ရောက်မှုမှာ အခု(၂၀၁၉)ခုနှစ်မှာ ၀င်ရောက်မှုတိုးတက်လာတယ်လို့ သိရပါတယ်။(၂၀၁၈)ခုနှစ်မှာ မြန်မာနိုင်ငံကို နိုင်ငံခြားခရီးသွားဝင်ရောက်မှုမှာ(၃)သန်းခွဲခန့်ရှိခဲ့ပြီး လေကြောင်း၊ ရေကြောင်းနဲ့ ၀င်ရောက်တာဟာ (၁)သန်းကျော်ပဲရှိပြီး ကျန်တာတွေက နယ်စပ်ဝင်ပေါက်တွေကနေ ၀င်ရောက်တာ ဖြစ်တယ်လို့ သိရပါတယ်။

 

 

Related News