ဧရာဝတီတိုင်းဒေသကြီး၊ ပန်းတနော်မြို့နယ်ရှိ မြေဧကကိုးရာပေါ်မှာ တည်ဆောက်နေဆဲဖြစ်တဲ့ ငါးမွေးမြူရေးဇုန်ကို နိုင်ငံတကာအဆင့်မီ တည်ဆောက်မှာ ဖြစ်ပြီး မြန်မာနိုင်ငံငါးလုပ်ငန်းအဖွဲ့ချုပ်က အများပိုင်ကုမ္ပဏီထူထောင် စီမံကွပ်ကဲနေ တယ်လို့ သိရပါတယ်။ ဒီစီမံကိန်းကို မြန်မာနိုင်ငံငါးလုပ်ငန်းအဖွဲ့ချုပ်က ပြီးခဲ့တဲ့ ၂၀၁၇ နှစ်ကုန်ကတည်းက စတင်ခဲ့တာဖြစ်ပြီး ပန်းတနော်မြို့နယ်ရှိ မြေဧကကိုးရာပေါ်မှာ ငါးမွေးမြူရေးဇုန်တစ်ခု တည်ဆောက်နေတာပါ။ အဲ့ဒီငါးမွေးမြူရေးဇုန်မှာ ငါးတန်ကို အဓိကမွေးမြူမှာဖြစ်ပြီး ပြည်ပကို တင်ပို့သွားမယ်လို့ သိရပါတယ်။ ငါးမွေးကန်တွေကို ဧကလေးရာတူးထားပြီး ကျန်မြေဧကတွေပေါ်မှာ ငါးသားဖေါက်လုပ်ငန်းတွေ၊ အစာတောင့်စက်ရုံတွေ၊ အေးခဲစက်ရုံတွေနဲ့ ငါးတန်ကို အသားလွှာပြီး တန်ဖိုးမြှင့်ထုတ်လုပ်မယ့် စက်ရုံတွေ တည်ဆောက်နေတာဖြစ်ပါတယ်။

ဒါ့အပြင် ဇုန်အတွင်းလုပ်ကိုင်မယ့် ဝန်ထမ်းတွေ အတွက်ပါ ဝန်ထမ်းအိမ်ရာ ဆောက်လုပ်သွားမှာဖြစ်ပြီး နိုင်ငံတကာအဆင့်မီ ငါးမွေးမြူရေးဇုန် တစ်ခုဖြစ်အောင် အချိန်ယူ ဆောက်လုပ်နေတယ်လို့ သိရပါတယ်။မွေးမြူရေးဇုန်ကို အုတ်မြစ်ချဆောင်ရွက်နေတဲ့ အချိန်အတွင်းမှာ မြန်မာနိုင်ငံငါးလုပ်ငန်းအဖွဲ့ချုပ်က မတည်ထူထောင်ထားတဲ့ Global Earth အများပိုင်ကုမ္ပဏီက ငွေကြေးစိုက်ထုတ်ဆောင်ရွက်မှာ ဖြစ်ပါတယ်။ ငါးမွေးမြူရေးဇုန်စတင်ဖို့ လိုအပ်တဲ့ အခြေခံအဆောက်အုံတွေ ပြည့်စုံရင် တော့ ဇုန်အတွင်း ရင်းနှီးမြှုပ်နှံလိုတဲ့ ပြည်တွင်းပြည်ပလုပ်ငန်းရှင်တွေကို ရှယ်ယာထည့်ဝင်စေမယ်လို့ သိရပါတယ်။ငါးမွေးမြူဇုန်မှာ ငါးတန်ကို နိုင်ငံတကာမှာ မွေးမြူနေတဲ့အတိုင်း ပြောင်းလဲမွေးမြူသွားမှာဖြစ်ပြီး ဧကတစ်ရာ စမ်းသပ်မွေးမြူနေပါတယ်။ မွေးမြူရေးဇုန်ကို လာမယ့် ၂၀၂၁ ခုနှစ်မှာ အပြီးသတ်ဆောက်လုပ်နိုင်မယ်လို့ ရည်မှန်းထားပြီး မွေးမြူထုတ်လုပ်မယ့် ငါးတန်တွေကိုတော့ တရုတ်နိုင်ငံကို အဓိက တင်ပို့သွားဖို့ ရှိတယ်လို့ သိရပါတယ်။    

 

 

Related News