လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာနလက်အောက်ရှိ မူးယစ်ဆေးဖြတ်ပြီးသူတွေကို ပြန်လည်ထူထောင်ရေးလုပ်ငန်းဆောင်ရွက်ပေးဖို့အတွက် ပြန်လည်ထူထောင်ရေးစခန်းတွေ ဖွင့်လှစ်ထားပြီး ပြန်လည်ထူထောင်ရေးစခန်းတွေရဲ့သင်တန်းကာလကို(၃)လထိ ထပ်တိုးဖွင့်လှစ်သွားဖို့ ရှိတယ်လို့ သိရပါတယ်။ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာနလက်အောက်ရှိ မူးယစ်ဆေးဖြတ်ပြီးသူတွေကို ပြန်လည်ထူထောင်ရေးလုပ်ငန်းဆောင်ရွက်ပေးဖို့အတွက် ပြန်လည်ထူထောင်ရေးစခန်းတွေ ဖွင့်လှစ်ထားပြီး ပြန်လည်ထူထောင်ရေးစခန်းတွေမှာ မူးယစ်ဆေးဖြတ်ပြီးသူတွေကို လက်ခံမှာဖြစ်ပါတယ်။ မူးယစ်ဆေးဖြတ်ပြီးကြောင်း ထောက်ခံစာကိုတော့ ရွာသာကြီး စိတ်ကျန်းမာရေးဆေးရုံနဲ့ အစိုးရအသိအမှတ်ပြုဆေးရုံ ဆေးခန်းတွေရဲ့ ထောက်ခံစာရရှိမှသာ တက်ရောက်နိုင်မှာ ဖြစ်တယ်လို့ သိရပါတယ်။ ပြန်လည်ထူထောင်ရေးစခန်းတွေမှာ လက်ရှိသင်တန်းအပတ်စဉ်တစ်ခုကို သင်တန်းကာလ(၃၅)ရက်နဲ့ လေ့ကျင့်သင်ကြားပေးနေပြီး သင်တန်းရဲ့လိုအပ် ချက်အရသင်တန်းကာလကို(၃)လအထိ ထပ်တိုးသွားမယ်လို့ သိရပါတယ်။

ပြန်လည်ထူထောင်ရေးစခန်းတွေမှာ တက်ရောက်မယ့်သင်တန်းသားတွေကိုတော့ စိတ်ဓါတ်ပိုင်းဆိုင်ရာလေ့ကျင့်မှု၊ ခန္ဓာကိုယ်ကျန်းမာဖို့အတွက် အားကစားနည်းများအပြင် အသက်မွေးဝမ်းကျောင်းပညာတွေလည်း သင်ကြားပေးသွားမယ်လို့ သိရပါတယ်။ သင်တန်းဆင်းပြီးတဲ့ သင်တန်းသားတွေကိုလည်း စေတနာ့ဝန်ထမ်းတွေက(၁)နှစ်အထိ စောင့်ကြည့် ထိန်းသိမ်းခြင်းတွေ လုပ်ဆောင်ပေးမှာဖြစ်တယ်လို့ သိရပါတယ်။ မူးယစ်ဆေးဖြတ်ပြီးသူတွေအတွက် အခုလို ပြန်လည်ထူထောင်ရေးစခန်းတွေဟာ များစွာအထောက်အကူဖြစ်စေပြီး သင်တန်းချိန်(၃)လထိတိုးတာဟာ အဆင်ပြေမှုပိုရှိတယ်လို့ မူးယစ်ဆေးစွဲရောဂါသုတေသနအသင်းမှ  ဥက္ကဋ္ဌပါမောက္ခဒေါက်တာဂျော်ထက်ဒိုးက ပြောပါတယ်။ပြန်လည်ထူထောင်ရေးစခန်းတွေရဲ့သင်တန်းအပတ်စဉ်တစ်ခုကို သင်တန်းကာလ(၃)လထိ ထပ်တိုးဖွင့်လှစ်တာကို မန္တလေးတိုင်းဒေသကြီးရှိ မူးယစ်ပြန်လည်ထူထောင်ရေးစခန်းမှာ လာမယ့် မေလ(၂၀)ရက်စတင် ဖွင့်လှစ်သွားမယ်လို့ သိရပါတယ်။


 

Related News