ရန်ကုန်တိုင်းဒေသကြီးအစိုးရအဖွဲ့ကကြီးမှူးပြီး ရန်ကုန်တိုင်း အင်းစိန်မြို့နယ်အရှေ့ကြို့ကုန်းရပ်ကွက်မှာရှိတဲ့ လောကချမ်းသာ အဘယ လာဘမုနိရုပ်ပွားတော်မြတ်ကြီး(ကျောက်တော်ကြီးဘုရား) အသံမစဲမဟာပဋ္ဌာန်း ရွတ်ဖတ်ပူဇော်ပွဲကို မေလ(၁၃)ရက်ကစပြီး စတင်ပြုလုပ်နေပြီဖြစ်ပါတယ်။ အခုပြုလုပ်တဲ့ အသံမစဲမဟာပဋ္ဌာန်းရွတ်ဖတ်ပူဇော်ပွဲဟာ လေးကြိမ်မြောက်ကျင်းပပြုလုပ်တာ ဖြစ်ပြီး ဖွင့်ပွဲအခမ်းအနားကိုတော့ မေလ(၁၃)ရက်က ရုပ်ပွားတော်မြတ်ကြီးရဲ့ အာရုံခံတန်ဆောင်းမှာ ကျင်းပပြုလုပ်ခဲ့ပါတယ်။ ဖွင့်ပွဲတော်အခမ်းအနားကို ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းနဲ့ဇနီင်္း၊ ရန်ကုန်မြို့တော်ဝန် ဦးမောင်မောင်စိုး နဲ့ ရန်ကုန်တိုင်းဒေသကြီးအစိုးရအဖွဲ့ဝင် ၀န်ကြီးတွေတက်ရောက်ခဲ့ကြပါတယ်။

အခမ်းအနားကို နမောတဿသုံးကြိမ်ရွတ်ဆိုဖွင့်လှစ်ခဲ့ပြီး ဆရာတော်ကြီးတွေက အန္တရာယ်ကင်းပရိတ်တရားရွတ်ပွားတာ၊ ရန်ကုန်တိုင်းဒေသကြီး ၀န်ကြီးချုပ်က သာသနာတော်ဆိုင်ရာလျှောက်ထားတာနဲ့ လှူဖွယ်ပစ္စည်းဆပ်ကပ်လှူဒါန်းတာတွေ ပြုလုပ်ခဲ့ပါတယ်။
ပဋ္ဌာန်းရွတ်ဖတ်ပူဇော်တာကိုတော့ (၅)ရက်တိုင်ပြုလုပ်မှာဖြစ်ပြီ မေလ(၁၇)ရက်မှာ ပဌာန်းအောင်ပွဲနဲ့ ဆွမ်းဆန်စိမ်းလောင်းလှူပွဲ ရုပ်ပွားတော်မြတ်ကြီး ရင်ပြင်တော်မှာ ပြုလုပ်မှာဖြစ်ပါတယ်။ရန်ကုန်တိုင်းဒေသကြီး အစိုးရအဖွဲ့အနေနဲ့ မြန်မာ့နှစ်ဆန်း နှစ်သစ်ကူးကာလမှာ တန်ခိုးကြီးဘုရားစေတီ(၉)ဆူမှာ (၄၅)ရက်တိုင်အသံမစဲမဟာပဋ္ဌာန်းရွတ်ဖတ်ပူဇော်ပွဲတွေကိုနှစ်စဉ်ပြုလုပ်လာတာ ဖြစ်ပါတယ်။ပထမဦးစွာ ရွှေတိဂုံစေတီတော်မြတ်ကြီးမှာ ဧပြီလ(၁၈)ရက်မှာစတင်ပြုလုပ်ခဲ့ပြီး အဲ့ဒီ့နောက် ဆူးလေစေတီတော်၊ ဗိုလ်တထောင်ဘုရား၊ ရွှေဘုန်းပွင့်စေတီတော်၊ ကျိုက္ကစံစေတီတော်တို့မှာ တစ်ဆူကို(၅)ရက်နှုန်းနဲ့ ပဋ္ဌာန်းရွတ်ဖတ်ပူဇော်ပွဲတွေ ပြုလုပ်ခဲ့ပြီးဖြစ်ပါတယ်။


 

 

Related News