လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှ မသန်စွမ်း သက်ကြီးသင်တန်းကျောင်းဖွင့်လှစ်ထားပြီး (၂/၂၀၁၉) သင်တန်းအတွက် သင်တန်းသားစိစစ်လက်ခံနေတယ်လို့သိရပါတယ်။ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှ မသန်စွမ်းသက်ကြီးသင်တန်းကျောင်းမှာ ကိုယ်အင်္ဂါချို့ယွင်းသူ၊ အကြားအာရုံချို့ယွင်းသူ၊သူငယ်နာအကြောတင်းသူ၊ ပိုလီယိုအကြောသေသူစတဲ့မသန်စွမ်းသူတွေကို အသက်မွေးဝမ်းကြောင်းပညာသင်ကြားပေးနေတာပါ။ သင်တန်းတက်ရောက်မယ့်သူတွေကိုတော့ အသက်(၁၈)နှစ်မှ(၄၅)နှစ်အထိသတ်မှတ်ထားတယ်လို့သိရပါတယ်။သင်တန်းသင်ကြားပေးရတဲ့ရည်ရွယ်ချက်ကတော့ မသန်စွမ်းသူတွေအနေနဲ့ မိသားစုနဲ့အခြားသူများအပေါ် မှီခိုလိုစိတ်ပပျောက်ပြီးမိမိကိုယ်ကိုရပ်တည်လိုစိတ်တွေရှိပြီး ရပ်တည်နိုင် အောင်လေ့ကျင့်သင်ကြားပေးနေတာ ဖြစ်တယ်လို့သိရပါတယ်။သင်တန်းသားတွေကတော့ EA 1, EA 2, ဆေးနိမ့်စစ်သည်တွေနဲ့ အရပ်ဘက်မသန်စွမ်းသူတွေလည်းပါဝင်တယ်လို့ မသန်စွမ်းသက်ကြီးသင်တန်းကျောင်း မှ ကျောင်းအုပ် ဦးကျော်ဇင်ဦး ကပြောပါတယ်။

မသန်စွမ်းသက်ကြီးသင်တန်းကျောင်းမှာ (၃)လသင်တန်းအဖြစ် စက်ချုပ်သင်တန်း၊ ဓါတ်ပုံသင်တန်း၊ တံဆိပ်ရိုက်သင်တန်း၊ ဆံသသင်တန်း၊ ကွန်ပျူတာသင်တန်းတို့ကိုသင်ကြားပေးပြီး (၁)နှစ်သင်တန်းအဖြစ် ရေဒီယိုအီလက်ထရွန်နစ်သင်တန်းတွေကိုသင်ကြားပေးနေတာပါ။သင်တန်းဆင်းပြီး သင်တန်းသားတွေကို တော့ သက်ဆိုင်ရာလုပ်ငန်းအလိုက် အလုပ်အကိုင်ရှာဖွေချိတ်ဆက်ပေးတယ်လို့သိရပါတယ်။သင်တန်းတက်ရောက်တဲ့သူတွေကတော့ ဒီသင်တန်းကပညာတွေနဲ့ကိုယ့်အားကိုယ်ကိုးနိုင်အောင်၊ ရပ်တည် နိုင်အောင်၊ ဘ၀တူမသန်စွမ်းသူတွေကိုပြန်လည်ကူညီနိုင်အောင် ဒီသင်တန်းကိုတက်ရောက်ရတာဖြစ်တယ်လို့ ပြောပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှ မသန်စွမ်း သက်ကြီးသင်တန်းကျောင်းမှာသင်တန်းတက်ရောက်သူတွေကို လူမှုဝန်ထမ်းဦးစီးဌာနမှ စားရိတ်ငြိမ်းတာဝန်ယူပြီး အိပ်ဆောင်မှာနေထိုင်ရေးနဲ့ နယ်မှသင်တန်းသား၊သင်တန်းသူတွေအတွက် အိမ်အပြန်ခရီးစရိတ်ထောက်ပံ့ပေးတယ်လို့သိရပါတယ်။ 


 

 

Related News