မြန်မာနိုင်ငံရဲ့ အဓိကသယ်ယူပို့ဆောင်ရေးကဏ္ဍတစ်ခုဖြစ်တဲ့ ရထားပို့ဆောင်ရေးကဏ္ဍကို အဆင့် မြှင့်တင်မှုတွေ ဆောင်ရွက်လျက်ရှိတယ်လို့ မေလ (၁၃)ရက် က နေပြည်တော်ရှိ ပြန်ကြားရေးဝန်ကြီးဌာနရုံးမှာ ပြုလုပ်ခဲ့တဲ့ နိုင်ငံတော်အစိုးရ၏ ပြည်သူ့အတွက် တတိယ(၁) နှစ်တာကာလအတွင်း ဆောင်ရွက်ခဲ့မှုများနဲ့ပတ်သက်သည့် သတင်းစာရှင်းလင်းပွဲက သိရှိခဲ့ရပါတယ်။  မြန်မာနိုင်ငံမှာ လက်ရှိအမြန်ရထား (၃၉)စီး၊ စာပို့ရထား (၅၃)စီး၊ လူစီးကုန်တင်ရထား (၄၇)စီးနဲ့ မြို့ပတ်ဆင်ခြေဖုံးရထား (၂၂၁)စီး ပြေးဆွဲလျက် ရှိပါတယ်။ အဆင့် မြှင့်တင်မှုတွေ လိုအပ်တဲ့ စက်ခေါင်းနဲ့ တွဲဆိုင်းတွေကို အသစ်ဝယ်ယူဖြည့်တင်းမှုတွေ အပါအ၀င် အရေးပါတဲ့ ရထားလမ်း ပိုင်းတွေကိုလည်း အဆင့်မြှင့်တင်မှုလုပ်ငန်းတွေ ဆောင်ရွက်လျက်ရှိတယ်လို့ ပို့ဆောင်ရေးနှင့်ဆက်သွယ်ရေး ၀န်ကြီးဌာနမှ အမြဲတမ်းအတွင်းဝန် ဦးဝင်းခန့်က ပြောပါတယ်။ 

မြန်မာနိုင်ငံရဲ့ ရထားပို့ဆောင်ရေးကဏ္ဍကို အဆင့်မြှင့်တင်မှုတွေ ဆောင်ရွက်ရာမှာ ရန်ကုန်မြို့ပတ်ရထားလမ်း အဆင့်မြှင့်တင်ခြင်းတွေ၊ အရှည်(၃၈၅)မိုင်ရှိတဲ့ ရန်ကုန်-မန္တလေးမီးရထားလမ်းပိုင်း အဆင့် မြှင့်တင်ခြင်းတွေ၊ အရှည်(၁၂၉)မိုင်ရှိတဲ့ ပဲခူး- မော်လမြိုင် မီးရထားလမ်း အကြီးစား ပြင်ဆင်ခြင်းတွေ၊ အရှည် (၃၄၀) မိုင်ရှိတဲ့ မန္တလေး-မြစ်ကြီးနား မီးရထားလမ်းပိုင်း အကြီးစားပြင်ဆင်ခြင်းတွေ အပါအ၀င် အရှည် (၁၆၆)မိုင်ရှိတဲ့ ရန်ကုန်-ပြည်မီးရထား လမ်းပိုင်းအကြီးစားပြင်ဆင်ခြင်းတွေ ဆောင်ရွက်လျက်ရှိတယ်လို့ သိရပါတယ်။ ဒါ့အပြင် အဆင့်မြှင့်တင် မှုတွေဆောင်ရွက်ရာမှာ လိုအပ်တဲ့ စက်ခေါင်းနဲ့ တွဲဆိုင်းသစ်တွေကို နေပြည်တော်စက်ခေါင်းသစ် တပ်ဆင်ထုတ်လုပ်ရေးစက်ရုံနဲ့ မြစ်ငယ် လူစီးတွဲတည်ဆောက်ရေး စက်ရုံတွေကို တည်ဆောက်ပြီး ဆောင်ရွက်လျက်ရှိတယ်လို့ ပို့ဆောင်ရေးနှင့် ဆက်သွယ်ရေးဝန်ကြီးဌာနက သိရပါတယ်။ ရထားပို့ဆောင်ရေးကဏ္ဍအဆင့် မြှင့်တင်မှုတွေထဲမှာ ရန်ကုန်မြို့တော်ရဲ့ ယာဉ်ကြောကြပ်တည်းမှုတွေကို အောင်မြင်စွာဖြေရှင်းနိုင်ဖို့ရာ အတွက်လူထုမြို့ပြရထား ပို့ဆောင်ရေးစီမံကိန်းကိုလည်း ထိရောက်လျင်မြန်စွာ အကောင်အထည်ဖော်နိုင်ရန် ဆောင်ရွက်လျက်ရှိတယ်လို့ သိရပါတယ်။ 

 

Related News