လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ပြန်လည်ထူထောင်ရေးဦးစီးဌာနလက်အောက်ရှိ မူးယစ်ဆေးဖြတ်ပြီး သူတွေကိုပြန်လည်ထူထောင်ရေးလုပ်ငန်းဆောင်ရွက်ပေးဖို့အတွက် ပြန်လည်ထူထောင်ရေးစခန်း (ရန်ကုန်)မှာ သင်တန်းအပတ်စဉ်(၁/၂၀၁၉) ကို မေလ(၆)ရက်က ဖွင့်လှစ်ခဲ့ပြီး ဒီသင်တန်းမှာ သင်တန်းသားတွေ ရဲ့မိဘတွေကိုပါသင်တန်းပေးသွားမှာ ဖြစ်တယ်လို့ သိရပါတယ်။ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာန ကမ္ဘာအေးဘုရားလမ်းရှိ ပြန်လည်ထူထောင်ရေးစခန်း (ရန်ကုန်) ကို(၂၀၁၇)ခုနှစ် ဧပြီလက စတင်တည်ဆောက်ခဲ့ပြီး ဒီဇင်ဘာလ (၂၅)ရက်က ဖွင့်လှစ်ခဲ့တာဖြစ်ပါတယ်။  ပြန်လည်ထူထောင်ရေးစခန်း(ရန်ကုန်) မှာ မူးယစ်ဆေးဖြတ်ပြီး သူတွေကိုလက်ခံမှာဖြစ်ပြီး မူးယစ်ဆေးဖြတ်ပြီးကြောင်း ထောက်ခံစာကိုတော့ ရွာသာကြီးစိတ်ကျန်းမာရေးဆေးရုံနဲ့အစိုးရ အသိအမှတ်ပြုဆေးရုံဆေးခန်းတွေရဲ့ ထောက်ခံစာရရှိမှသာ တက်ရောက်နိုင်မှာ ဖြစ်ပါတယ်။ ဒီသင်တန်းမှာ သင်တန်းသားတွေအပြင် သင်တန်းသားတွေရဲ့မိဘတွေကိုပါ သင်ကြားသွားမှာဖြစ်ပြီး တစ်ပတ်ကို စနေ၊ တနင်္ဂနွေ (၂)ရက် သင်တန်းပို့ချသွားမှာဖြစ်ပါတယ်။

သင်တန်းသားတွေကို  စိတ်ဓါတ်ပိုင်းဆိုင်ရာလေ့ကျင့်မှု၊ ခန္ဓာကိုယ်ကျန်းမာဖို့အတွက် အားကစားနည်းတွေအပြင် အသက်မွေးဝမ်းကျောင်း ပညာတွေဖြစ်တဲ့ ဆပ်ပြာဆီလုပ်ငန်း၊တံဆိပ်ရိုက်လုပ်ငန်းနဲ့ စိုက်ပျိုးရေးလုပ်ငန်းတွေကို သင်ကြားပေးသွားမယ်လို့ သိရပါတယ်။ သင်တန်းဆင်းပြီးတဲ့ သင်တန်းသားတွေကို စေတနာ့ဝန်ထမ်းတွေက (၁)နှစ်အထိ စောင့်ကြည့်ထိန်းသိမ်းခြင်းတွေ လုပ်ဆောင်ပေးမှာ ဖြစ်ပါတယ်။ အခုလို ပြန်လည်ထူထောင်ရေးစခန်းတွေက မူးယစ်ဆေးဖြတ်ပြီးသူတွေအတွက် များစွာအထောက်အကူဖြစ်စေတယ်လို့ မူးယစ်ဆေးစွဲရောဂါသုတေသနအသင်းမှ  ဥက္ကဋ္ဌက ပြောပါတယ်။ ပြန်လည်ထူထောင်ရေးစခန်း (ရန်ကုန်)ရဲ့သင်တန်းအပတ်စဉ်(၁/၂၀၁၉)သင်တန်းကို (၃၅)ရက်ကြာသင်ကြားပေးတာဖြစ်ပြီး၊ သင်တန်းသားတွေ အနေနဲ့ သင်တန်းအပတ်စဉ် တစ်ခုနဲ့လုံလောက်မှုမရှိပါက သင်တန်းအပတ်စဉ်(၂)ခုအထိသင်ကြားပေးသွားမယ်လို့ သိရပါတယ်။ 

 

 

 

Related News