ဘုရင့်နောင်ကုန်စည်ဒိုင်မှာ နယ်စုံကကြက်သွန်နီအထွက်များလာတာကြောင့်ကြက်သွန်နီဈေးတွေကျနေတယ်လို့ သိရပါတယ်။ဘုရင့်နောင်ကုန်စည်ဒိုင်မှာမေလ (၁၃)ရက်ကကြက်သွန်ကားအစီးရေ (၅၀)ကျော်ဝင်ရောက်ခဲ့တယ်လို့သိရပါတယ်။ ပြည်ပကို တင်ပို့ရတာကလည်း အလွန်နည်းပါးနေသလို ပြည်တွင်းမှာလည်း အ၀ယ်နည်းပြီး ကြက်သွန်နီအထွက်များ နေတာကြောင့်ဈေးကျတာဖြစ်တယ်လို့ သိရပါတယ်။ ဒါ့အပြင် နယ်ကုန်သည်တွေဆီမှာလည်း ကြက်သွန်နီလှောင်ထားတာတွေများပေမယ့် ကောင်းတာတွေလှောင်ပြီး နည်းနည်းညံ့တာတွေကို ရန်ကုန်ကိုရောင်းတာကြောင့်  ပစ္စည်းညံ့ပြီး ရောင်းမကောင်းတာကြောင့်ဈေးက ကျလာတာလို့ ဘုရင့်နောင်ကုန်စည်ဒိုင်ဥက္ကဋ္ဌက ဆိုပါတယ်။

ယခုနှစ်အတွက်ကြက်သွန်နီ စိုက်ပျိုးမှုများလာတဲ့အတွက်အထွက်လည်းများတယ်လို့ သိရပါတယ်။ ကြက်သွန်နီဈေးဟာပြီးခဲ့တဲ့လကထက် တစ်ပိဿာကို (၅၀)ကျပ်အခုလမှာ ဈေးကျတယ်လို့ သိရပါတယ်။ လက်ရှိကြက်သွန်နီဈေးဟာ ဆိပ်ဖြူကြက်သွန်နီတစ်ပိဿာကိုငွေကျပ် (၃၂၅)ကျပ်မှ (၅၅၀)၊ ရွှေဘိုကြက်သွန်နီ တစ်ပိဿာကို ငွေကျပ်(၄၀၀)မှ (၅၅၀)အထိပေါက်ဈေးရှိတယ်လို့ သိရပါတယ်။ ပခုက္ကူကြက်သွန်နီတစ်ပိဿာကိုတော့ ငွေကျပ် (၃၂၅)မှ ငွေကျပ် (၅၅၀)ထိပေါက်ဈေးရှိနေတယ်လို့ သိရပါတယ်။ဒါပေမယ့်ကြက်သွန်နီဈေးအနေနဲ့ အခုထက် အများကြီးထပ်ကျဖို့တော့မရှိတော့ဘူးလို့ သိရပါတယ်။ ဘုရင့်နောင်ကုန်စည်ဒိုင်မှာ ငရုပ်ကလွဲရင်ကျန်တဲ့ ကုန်စည်တွေက ဈေးကောင်းတာသိပ်မရှိဘဲ နယ်စပ်ကနေအာလူးနဲ့ ကြက်သွန်ဖြူများ တရားမ၀င် ၀င်ရောက်နေတာတွေရှိနေတာကြောင့်လည်း ဒီကုန်စည်တွေကတော့ ဈေးကွက်မှာဈေးမတက်လာဘူးလို့ သိရပါတယ်။


 

Related News