အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံ အလုပ်သမားတွေရဲကျန်းမာရေးစောင့်ရှောက်မှုအတွက် ပုဂ္ဂလိကဆေးရုံတွေမှာ အတွင်းလူနာအဆင့်ထိကုသပေးနိုင်ဖို့ ဆောင်ရွက်နေတယ်လို့သိရပါတယ်။ အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံ အလုပ်သမားတွေ ရုံးချိန်ပြင်ပကျန်းမာရေးစောင့်ရှောက်မှုအတွက် ပြင်ပလူနာဝန်ဆောင်မှုကို ပုဂ္ဂလိကဆေးရုံ၊ဆေးခန်းတွေနဲ့ပူးပေါင်းပြီး ဆောင်ရွက်နေတယ်လို့သိရပါတယ်။လူမှုဖူလုံရေးအာမခံအလုပ်သမားတွေ  ရုံးချိန်ပြင်ပကျန်းမာရေးစောင့်ရှောက်မှုအတွက် ပြင်ပလူနာဝန်ဆောင်မှုကို မြောက်ဥက္ကလာပမြို့နယ်ရှိ OSC ဆေးရုံနဲ့ချိတ်ဆက်ပြီး လူမှုဖူလုံရေး-OSC  အထွေထွေရောဂါကုဆေးခန်းကို ပြီးခဲ့တဲ့ မေလ(၁၁)ရက်ကဖွင့်လှစ်ခဲ့ပြီး ပုဂ္ဂလိကဆေးရုံတွေမှာ အတွင်းလူနာအဆင့် ထိကုသပေးနိုင်ဖို့ ဆောင်ရွက်နေတယ်လို့သိရပါတယ်။

လူမှုဖူလုံရေးအာမခံအလုပ်သမားတွေ ရုံးချိန်ပြင်ပကျန်းမာရေးစောင့်ရှောက်မှုအတွက် ပုဂ္ဂလိကဆေးရုံတွေနဲ့ ပူးပေါင်းဆောင်ရွက်ရတာဟာ အာမခံအလုပ်သမားတွေအနေနဲ့ ပြင်ပလူနာဆေးကုသမှုတွေမှာ သတ်မှတ်ထားတဲ့ မြို့နယ်တွေအတွင်း ကျန်းမာရေးစောင့်ရှောက်မှုတွေကို ယခင်ကထက်အလွယ်တကူ လက်လှမ်းမီကုသနိုင်စေဖို့အတွက် ရည်ရွယ်ပြုလုပ်တာဖြစ်တယ်လို့သိရပါတယ်။လူမှုဖူလုံရေး-OSC  အထွေထွေရောဂါကုဆေးခန်းမှာ လက်ရှိအာမခံအလုပ်သမားတစ်ဦးကို (၅၄၄၅)ကျပ်နှုန်းနဲ့ အလုပ်သမား(၄၀၀၀)နီးပါးအတွက် စာချုပ်ချုပ်ထားတယ်လို့သိရပါတယ်။ ပုဂ္ဂလိကဆေးရုံတွေအနေနဲ့ လူမှုဖူလုံရေးအာမခံအလုပ်သမားတွေကို ပြင်ပလူနာအဆင့်အပြင်အတွင်းလူနာအဆင့်ထိကုသရတာက ကုသရာမှာအဆင်ပြေမှုရှိတယ်လို့ပြောပါတယ်။

လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ အဖွဲ့ပိုင်ဆေးရုံကြီး (၃)ရုံ၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၅) ခန်း၊ကဲဝဲလ်ဆေးခန်း (၄) ခန်း၊ တိုင်းရင်ဆေးကုခန်း (၁) ခန်းနဲ့ ရွေ့လျားဆေးကုသယာဉ် (၂) စင်းတို့နဲ့ ၀န်ဆောင်မှုပေးနေတယ်လို့သိရပါတယ်။ ဒါ့အပြင် လူမှုဖူလုံရေးအာမခံအလုပ်သမားတွေ ကျန်းမာရေးစောင့် ရှောက်မှုပြင်ပလူနာဝန်ဆောင်မှုကို ရန်ကုန်တိုင်းဒေသကြီးအပြင် နေပြည်တော်၊ မြစ်ကြီးနား ၊ တောင်ကြီး၊ မြိတ်မြို့နဲ့ မန္တလေးတိုင်းဒေသကြီး တို့မှာလက်ရှိဆောင်ရွက်ပေးပြီးဖြစ်တယ်လို့သိရပါတယ်။


 

Related News