လက်ရှိအချိန်ဟာ ကျောက်ဆည်ဘက်မှာ ဒီမွန်အမျိုးအစားငရုပ်တွေထွက်ရှိနေတာဖြစ်ပြီး ဒီငရုပ်တွေကို အခြောက်မလုပ်မီအစိုအတိုင်းအအေးခန်းကားတွေနဲ့ တရုတ်ကိုတင်ပို့နေရတာကြောင့် ငရုပ်ဈေးတွေ တက်လာတယ်လို့သိရပါတယ်။ မြန်မာနိုင်ငံမှာ ငရုပ်ကတစ်နှစ်ပတ်လုံးနေရာလှည့်ပြီးထွက်ရှိတာဖြစ်ပြီး ပြီးခဲ့တဲ့ဖေဖော်ဝါရီလက မြစ်ဝကျွန်း ပေါ်ငရုပ်တွေထွက်တဲ့အချိန်မှာလည်း တရုတ်ဘက်ကအ၀ယ်လိုက်ခဲ့တယ်လို့သိရပါတယ်။ ယခုကျောက်ဆည်ဘက်က ဒီမွန်ငရုပ်ထွက်ချိန်မှာလည်း တရုတ်ဘက်ကအ၀ယ်လိုက်နေတာကြောင့် ဘုရင့်နောင်ကုန်စည်ဒိုင်မှာပြီးခဲ့တဲ့ တစ်ပတ်ကထက် ငရုပ်တစ်ပိဿာကို (၃၀၀)ခန့်ဈေးထပ်တက်တယ်လို့သိရပါတယ်။ငရုပ်အသစ်ထပ်မံထွက်ရှိရင်လည်းတရုတ်က တောက်လျှောက်အ၀ယ်လိုက်နေတာကြောင့် ဈေးထပ်တက်လာနိုင်ပြီး ငရုပ်စိုက်တောင်သူတွေ အတွက် အဆင်ပြေနိုင်တယ်လို့သိရပါတယ်။

ဘုရင့်နောင်ကုန်စည်ဒိုင်မှာ ဒီမွန်ငရုပ်အမျိုးအစားတစ်ပိဿာကိုငွေကျပ် (၃၇၀၀)၊(၃၈၀၀)၊ မြစ်ဝကျွန်းပေါ် ငရုပ်ရှည် တစ်ပိဿာကို ငွေကျပ်(၃၅၀၀)မှ (၃၇၀၀)ကျပ်၊မြစ်ဝကျွန်းပေါ်ငရုပ်ပွတစ်ပိဿာကို ငွေကျပ် (၇၅၀၀)၊(၈၀၀၀)ကျပ်၊အိန္ဒိယငရုပ်ရှည်တစ်ပိဿာကိုငွေကျပ် (၄၃၅၀)ကျပ် ပေါက်ဈေးရှိတယ်လို့သိရပါတယ်။လက်ရှိမှာတော့ နယ်ဘက်တွေမှာ ငရုပ်ကိုတရုတ်ဖက်ကလုဝယ်နေတဲ့အနေအထားတွေရှိနေပြီး တရုတ်ကအ၀ယ်ရပ်သွားရင်တော့ဈေးပြန်ကျသွားနိုင်တယ်လို့သိရပါတယ်။ တရုတ်ကအ၀ယ်များတာအပါအ၀င် ပြီးခဲ့တဲ့နှစ်က ငရုပ်စိုက်ပျိုးမှုနည်းတာကြောင့်လည်း အခုနှစ်မှာအခုလိုဈေးတက်ရတာဖြစ်တယ်လို့လည်းသိရပါတယ်။ လာမယ့်မိုးတွင်းကာလမှာတော့ပျော်ဖွယ်မြို့ဘက်မှာ ငရုပ်သစ်တွေ ထပ်ထွက်မှာဖြစ်ပြီး ပေါက်ဈေးကတော့ တရုတ်က ၀ယ်ယူမှုအခြေအနေမှာမူတည်နေတယ်လို့သိရပါတယ်။ 


 

Related News