ရန်ကုန်မြို့တွင်းပြေးဆွဲနေတဲ့ YBSယာဉ်တွေရဲ့(၆၀)ရာခိုင်နှုန်းကျော်ဟာ ကုမ္ပဏီပိုင်ယာဉ်တွေအဖြစ်သို့ ပြောင်းလဲပြေးဆွဲ နေတယ်လို့ မေလ(၁၅)ရက်က YRTA ရုံးချုပ်မှာ ပြုလုပ်ခဲ့တဲ့ ရန်ကုန်တိုင်းဒေသကြီးသယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်ဖွဲ့(YRTA) အစည်းအဝေးက သိရပါတယ်။ ရန်ကုန်တိုင်းဒေသကြီးအစိုးရအဖွဲ့က (YBPC) ကုမ္ပဏီနဲ့ (YUPT) ကုမ္ပဏီ(၂)ခုမှာ ယာဉ် အစီးရေ (၁၀၀၀) ကိုရင်းနှီးမြှုပ်နှံခဲ့ တယ်လို့သိရပါတယ်။ ဒီလို YBS ယာဉ်သစ်တွေကို ထပ်မံရင်းနှီးမြှုပ်နှံဖို့ ကုမ္ပဏီတွေလည်း လိုအပ်တာကြောင့် သက်ဆိုင်ရာအဖွဲ့အစည်းတွေနဲ့ တွေ့ဆုံပြီး ကုမ္ပဏီစနစ်မြှင့်တင်ရေးကိုပါ YBS(3)နှစ်တာအတွင်းမှာ ဆောင်ရွက်ခဲ့တယ်လို့ သိရပါတယ်။ အခုလိုဆောင်ရွက်မှုတွေကြောင့်  နေ့စဉ်ပြေးဆွဲနေတဲ့ YBS ယာဉ်အစီးရေက (၄၃၀၀)၀န်းကျင် ရှိပြီး ဒီထဲကမှ အစီးရေ (၂၇၀၀)ကျော်ဟာ ကုမ္ပဏီပိုင်ယာဉ်တွေအဖြစ် ပြေးဆွဲနေပြီဖြစ်ပါတယ်။

ယခင်က သယ်ယူပို့ဆောင်ရေးကဏ္ဍမှာ City Bus ၊ မီနီဘတ်(စ်)၊ ဒိုင်နာယာဉ်၊ ဟိုင်းလတ်ယာဉ်တွေနဲ့ ပြေးဆွဲပေးခဲ့ပြီး YBS စနစ်စတင်ပြောင်းလဲချိန်မှစပြီး အများပိုင်စနစ်နဲ့ ယာဉ်အမျိုးအစားတွေကိုပါ ပြောင်းလဲခဲ့သလို ယာဉ်တွေကိုလည်း ဘယ်မောင်းစနစ်၊ ရှေ့တက်၊ နောက်ဆင်းစနစ်တွေကိုပါ ပြောင်းလဲခဲ့ပါတယ်။ အခုလိုပြောင်းလဲတာက မကြာခင်မှာ လုပ်ဆောင်တော့မယ့် ကဒ်စနစ်မှာ အဆင်ပြေစေဖို့နဲ့ ယာဉ်အန္တရာယ်ကင်းရှင်းဖို့အတွက်လည်း ဆောင်ရွက်တာဖြစ်တယ်လိုိ့ သိရပါတယ်။ရန်ကုန်မြို့တွင်းမှာ လက်ရှိ ပြေးဆွဲနေတဲ့ YBS ယာဉ်လိုင်းပေါင်း (၁၀၀)၊ ယာဉ်စီးရေပေါင်း(၄၃၀၀)၀န်းကျင်နဲ့ ယာဉ်လမ်းကြောင်းပေါင်း(၁၂၃)လမ်းကြောင်းတို့နဲ့  ခရီးသည်(၁.၈)သန်းကို သယ်ယူပို့ဆောင်ပေးနေတယ်လို့ သိရပါတယ်။ ခရီးသည်လိုအပ်ချက်ရှိလာပါက ယာဉ်အစီးရေတွေနဲ့ ယာဉ်လမ်းကြောင်းတွေကို ထပ်မံတိုးချဲ့ပြေးဆွဲပေးသွားမယ်လို့ သိရပါတယ်။


 

 

Related News