အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနက(၂၀၁၉)ခုနှစ် မေလ(၁၅)ရက်အထိ အထိစည်းကမ်းလိုက်နာမှုမရှိတဲ့ စက်ရုံအလုပ်ရုံ(၁၈)ရုံကိုတရားစွဲဆိုထားတယ်လို့ သိရပါတယ်။ အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနက အလုပ်ရုံ၊ စက်ရုံ၊ ဆိုင်များနဲ့ အလုပ်ဌာနတွေကို (၁၉၅၁)ခုနှစ် အလုပ်ရုံများအက်ဥပဒေ၊ (၁၉၅၁)ခုနှစ် ခွင့်ရက်နဲ့ အလုပ်ပိတ်ရက်အက်ဥပဒေ၊ (၂၀၁၆)ခုနှစ် ဆိုင်များနှင့် အလုပ်ဌာနများဥပဒေ၊ (၂၀၁၆)ခုနှစ် အခကြေး ငွေပေးချေရေးဥပဒေစတဲ့  ဥပဒေ (၄)ခုနဲ့ စစ်ဆေးစည်းကြပ်လျက်ရှိတယ်လို့သိရပါတယ်။ အခု(၂၀၁၉)ခုနှစ် မေလ(၁၅)ရက်အထိ စည်းကမ်းလိုက်နာမှုမရှိတာကြာင့် တရားစွဲဆိုထားတဲ့စက်ရုံ၊ အလုပ်ရုံကတော့ (၁၈)ရုံရှိပြီး ၀န်ခံကတိထိုးထား တဲ့စက်ရုံ (၁၅)ရုံထိရှိတယ်လို့ ရန်ကုန်တိုင်းဒေသကြီး အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနက စစ်ဆေးရေးမှူး ဦးကျော်ကျော်ထွန်း ကပြောပါတယ်။

စက်ရုံ၊ အလုပ်ရုံတွေကို တရားစွဲဆိုထားတဲ့ အမှုတွေနဲ့ ၀န်ခံကတိထိုးထားတဲ့ အမှုတွေကတော့ အချိန်ပိုနဲ့ ပတ်သက်ပြီး အများပြည်သူ ရုံးပိတ်ရက်တွေမှာ အလုပ်သမားသဘောတူညီမှုမရှိတာတွေနဲ့ သက်ဆိုင်ရာဌာနတွေရဲ့ ခွင့်ပြုမိန့်မရတောတွေကြောင့် အများဆုံးဖြစ်တယ်လို့ သိရပါတယ်။ ပြီးခဲ့တဲ့(၂၀၁၈)ခုနှစ်မှာ စည်းကမ်းလိုက်နာမှုမရှိလို့ တရားစွဲဆိုထားတဲ့စက်ရုံ၊ အလုပ်ရုံကတော့(၂၄)ရုံရှိပြီး ၀န်ခံကတိထိုးထား တဲ့စက်ရုံ (၄၁)ရုံထိရှိခဲ့တယ်လို့သိရပါတယ်။ အလုပ်ရုံနဲ့ အလုပ်သမားဥပဒေစစ်ဆေး ရေးဦးစီးဌာနအနေနဲ့ စက်ရုံတွေကို စီမံချက်နဲ့အညီ လုပ်ငန်းခွင်ဘေးအန္တရာယ်ကင်းရှင်းရေးနဲ့ ကျန်းမာရေးအပြင် အလုပ်သမားဥပဒေတွေကို လိုက်နာမှုရှိ၊ မရှိ စစ်ဆေးနေပြီး ရှောင်တခင်စစ်ဆေးတာတွေနဲ့ တိုင်ကြားထားတာတွေကြောင့် စစ်ဆေးမှုတွေလည်း ရှိနေတယ်လို့ သိရပါတယ်။


 

Related News