ဗိုလ်တထောင် ကျိုက်ဒေးအပ်ဆံတော်ဦးစေတီတော် ရွှေသင်္ကန်းကပ်လှူမှုအတွက် ရေစက်ချလှူဒါန်းမှုနဲ့ အနေကဇာတင် အခမ်းအနားကို ကဆုန်လပြည့်နေ့မှာ ပြုလုပ်ဖို့စီစဉ်ထားပေမယ့် မေလ(၂၅)ရက်ကို ပြောင်းရွှေ့ပြုလုပ်တာက ကဆုန်လ ပြည့်နေ့မှာ ကဆုန်ညောင်ရေသွန်းပွဲအခမ်းအနားပြုလုပ်သွားမှာကြောင့် ရက်ရွှေ့ပြောင်းတာဖြစ်တယ်လို့ သိရပါတယ်။ ရွှေစင်ရွှေပြားများကို စေတီတော်ရဲ့ ငှက်ပျောဖူးတော်နဲ့ ခေါင်းလောင်းတော်တွေမှာ ကပ်လှူပူဇော်တာဖြစ်ပြီး ကျန်အပိုင်းတွေကိုတော့ မျက်ပါးရွှေကပ်လှူပူဇော်နေတယ်လို့သိရပါတယ်။မျက်ပါးရွှေကပ်လှူမှုက ရာနှုန်းပြည့်ပြီးစီးနေပြီဖြစ်ပြီး ရွှေစင်ရွှေပြားကပ်လှူမှုကတော့ ခေါင်းလောင်းတော်ရဲ့ ရင်စည်း ၊ခေါင်းလောင်းတော် အောက်ပိုင်းသာကပ်လှူဖို့ကျန်ရှိတော့တယ်လို့သိရပါတယ်။ကပ်လှူဖို့ကျန်ရှိနေတဲ့ အပိုင်းတွေက (၉)လက်မပတ်လည် တစ်ကျပ်သား ရွှေစင်ရွှေပြားများနဲ့ (၁၁)လက်မပတ်လည်  (၃)ကျပ်သား ရွှေစင်ရွှေပြားများကိုကပ်လှူပူဇော်သွားမှာဖြစ်ပြီး အချပ်ရေ (၇၀)သာကပ်လှူဖို့ကျန်ရှိတယ်လို့သိရပါတယ်။


ကဆုန်လပြည့်နေ့မတိုင်မီမှာ ရွှေစင်ရွှေပြားကပ်လှူမှုကို အပြီးသတ်ပြုလုပ်မှာဖြစ်ပြီး နောက်ရက်တွေမှာတော့ ငြမ်းစေတီကို ဖြုတ်ယူသွားမှာဖြစ်တယ်လို့သိရပါတယ်။ ရေစက်ချလှူဒါန်းမှုနဲ့ အနေကဇာတင်အခမ်းအနားမှာ ရွှေစင်ရွှေပြားသင်္ကန်းအလှူရှင်များ အားလုံး တက်ရောက်ကာ ရေစက်ချလှူ ဒါန်းနိုင်ဖို့ကိုလည်း စီစဉ်ထားတယ်လို့သိရပါတယ်။ ဗိုလ်တထောင်ကျိုက်ဒေးအပ်ဆံတော်ဦးစေတီတော်ကို ရွှေသင်္ကန်းအသစ်ပြန်လည်ကပ်လှူမှုအတွက်ကိုတော့ (၅)နှစ်သက်တမ်းထိ ထားရှိနိုင်မှာလို့ သိရပါတယ်။


 

Related News