မြန်မာ့ကော်ဖီကဏ္ဍ ရေရှည်ဖွံ့ဖြိုးတိုးတက်စေရေးအတွက် ရည်ရွယ်ပြီးပြုလုပ်တဲ့ Myanmar Coffee Forum 2019 ကို မေလ(၁၅)ရက်က မန္တလေးမြို့ Mercure Mandalay Hill Resort Hotel မှာ ကျင်းပခဲ့ပါတယ်။ Myanmar Coffee Forum 2019 ကိုစိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနက ဦးဆောင်ကျင်းပတာ ဖြစ်ပါတယ်။ ကော်ဖီကဏ္ဍ ဖွံ့ဖြိုးတိုးတက်စေရေးအတွက် ရည်ရွယ်ပြီး ကဏ္ဍစုံပါဝင်တဲ့ Coffee Board ဖွဲ့စည်းကာ ကော်ဖီစိုက်ပျိုးထုတ်လုပ်မှုကွင်းဆက်မှာ ပါဝင်တဲ့အဆင့်တိုင်းမှာ ပုဂ္ဂလိကကဏ္ဍနှင့် အစိုးရကဏ္ဍတို့ အချိုးညီညီပူးပေါင်း ပါဝင်ဆောင်ရွက်ရေး၊ ကော်ဖီစိုက်ပျိုးထုတ်လုပ်သူများအနေနဲ့ ထုတ်လုပ်မှုကွင်းဆက်အသီးသီးမှာ လိုအပ်တဲ့ ချေးငွေနဲ့ ပြည်ပနည်းပညာအထောက်အပံ့ရရှိရေး၊ ကော်ဖီစိုက်ပျိုးမှု၊ ကော်ဖီဈေးနှုန်းနဲ့ ကော်ဖီဈေးကွက် တိုးတက်ကောင်းမွန်ရရှိရေး စတဲ့ရည်ရွယ်ချက်တွေနဲ့ ကျင်းပရတာဖြစ်တယ်လို့ သိရပါတယ်။

ဒီ Coffee Forum ကို မြန်မာနိုင်ငံကော်ဖီအသင်း၊ ကော်ဖီစိုက်ပျိုးထုတ်လုပ်သူလုပ်ငန်းရှင်များ၊ ကော်ဖီစိုက်တောင်သူများ၊ ကော်ဖီနဲ့ ပတ်သက်တဲ့ ပညာရှင်တွေက ကော်ဖီကဏ္ဍတိုးတက်ရေးအတွက် အစုအဖွဲ့အလိုက် ဆွေးနွေးခဲ့တယ်လို့ သိရပါတယ်။ အခုပြုလုပ်ခဲ့တဲ့ Coffee Forum မှတစ်ဆင့် ကြုံတွေ့နေရတဲ့အခက်အခဲတွေ၊ အတွေ့အကြုံတွေ၊ နည်းပညာနဲ့ ရလဒ်ကောင်းတွေ၊ အကြံဥာဏ်တွေကို ဖလှယ်ပြီး ကော်ဖီကဏ္ဍတိုးတက်ရေးအတွက်အထောက်အကူ ဖြစ်စေမယ့် နည်းလမ်းတွေရရှိလာစေမှာ ဖြစ်တယ်လို့ သိရပါတယ်။

အခုပြုလုပ်ခဲ့တဲ့ Myanmar Coffee Forum 2019 ကို ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးဟင်နရီ ဗန်ထီးယူ၊ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ဒုတိယဝန်ကြီး လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး၊ မန္တလေးတိုင်းဒေသကြီးအစိုးရအဖွဲ့ဝန်ကြီးချုပ် ဒေါက်တာဇော်မြင့်မောင်နဲ့ အစိုးရအဖွဲ့ဝင်ဝန်ကြီးများ၊ တိုင်းဒေသကြီးလွှတ်တော်ဥက္ကဋ္ဌနဲ့ လွှတ်တော်ကိုယ်စားလှယ်များ၊  တိုင်းဒေသကြီးနှင့် ပြည်နယ်များမှ စိုက်ပျိုးရေးနှင့်မွေးမြူရေးဝန်ကြီးများ၊ မြန်မာနိုင်ငံကော်ဖီအသင်းမှတာဝန်ရှိသူများ၊ ကော်ဖီစိုက်ပျိုး ထုတ်လုပ်သူလုပ်ငန်းရှင်များ၊ ကော်ဖီစိုက်တောင်သူများ၊ ဌာနဆိုင်ရာတာဝန်ရှိသူများနှင့် ဖိတ်ကြားထားသော ပြည်တွင်းပြည်ပ ပညာရှင်များ တက်ရောက်ခဲ့ကြပါတယ်။

 

 

Related News