အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနက စည်းကမ်းလိုက်နာမှုမရှိတဲ့ စက်ရုံအလုပ်ရုံတွေကိုတရားစွဲဆိုရာမှာ အထည်ချုပ်စက်ရုံတွေ အများဆုံးဖြစ်တယ်လို့ သိရပါတယ်။ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနက အလုပ်ရုံ၊ စက်ရုံ၊ ဆိုင်များနဲ့ အလုပ်ဌာနတွေကို (၁၉၅၁)ခုနှစ်အလုပ်ရုံများ အက်ဥပဒေ၊ (၁၉၅၁)ခုနှစ် ခွင့်ရက်နဲ့ အလုပ်ပိတ်ရက်အက်ဥပဒေ၊ (၂၀၁၆)ခုနှစ် ဆိုင်များနှင့် အလုပ်ဌာနများဥပဒေ၊ (၂၀၁၆)ခုနှစ် အခကြေးငွေ ပေးချေရေးဥပဒေစတဲ့  ဥပဒေ (၄)ခုနဲ့ စစ်ဆေးစည်းကြပ်လျက်ရှိတယ်လို့ သိရပါတယ်။ စည်းကမ်းလိုက်နာမှုမရှိတဲ့ စက်ရုံအလုပ်ရုံတွေကို တရားစွဲဆိုရာမှာအထည်ချုပ်စက်ရုံတွေ အများဆုံးဖြစ်တယ်လို့ ရန်ကုန်တိုင်းဒေသကြီး အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနမှ စစ်ဆေးရေးမှူး ဦးကျော်ကျော်ထွန်းက ပြောပါတယ်။ 

စက်ရုံ၊ အလုပ်ရုံတွေကို တရားစွဲဆိုထားတဲ့ အမှုတွေနဲ့ ၀န်ခံကတိထိုးထားတဲ့ အမှုတွေကတော့ အချိန်ပိုနဲ့ပတ်သက်ပြီး အများပြည်သူ ရုံးပိတ်ရက်တွေမှာ အလုပ်သမားသဘောတူညီမှု မရှိတာတွေနဲ့ သက်ဆိုင်ရာဌာနတွေရဲ့ ခွင့်ပြုမိန့်မရတာတွေကြောင့် အများဆုံးဖြစ်တယ်လို့ သိရပါတယ်။ (၂၀၁၉)ခုနှစ် မေလ(၁၅)ရက်အထိ တရားစွဲဆိုထားတဲ့စက်ရုံ၊ အလုပ်ရုံ (၁၈)ရုံနဲ့ ၀န်ခံကတိထိုးထားတဲ့စက်ရုံ (၁၅)ရုံထိရှိတယ်လို့ ရန်ကုန်တိုင်းဒေသကြီးအလုပ်ရုံနှင့် အလုပ်သမား ဥပဒေစစ်ဆေးရေးဦးစီးဌာနမှ စစ်ဆေးရေးမှူး ဦးကျော်ကျော်ထွန်းက ပြောပါတယ်။ 

အလုပ်ရုံနဲ့အလုပ်သမားဥပဒေစစ်ဆေးရေးဦးစီးဌာနအနေနဲ့ စက်ရုံတွေကို စီမံချက်နဲ့အညီ လုပ်ငန်းခွင်ဘေးအန္တရာယ် ကင်းရှင်းရေးနဲ့ ကျန်းမာရေးအပြင် အလုပ်သမားဥပဒေတွေကို လိုက်နာမှုရှိ၊ မရှိ စစ်ဆေးနေပြီး ရှောင်တခင်စစ်ဆေးတာတွေနဲ့ တိုင်ကြားထားတာတွေကြောင့် စစ်ဆေးမှုတွေလည်းရှိနေတယ်လို့ သိရပါတယ်။

 

 

Related News