ရခိုင်ပြည်နယ်အတွင်း လူသားချင်းစာနမှု အကူအညီထောက်ပံ့ပေးရေး ၊ ပြန်လည်နေရာချထားရေး ဖွံ့ဖြိုးရေးစီမံကိန်း (UEHRD) ကော်မတီရဲ့ အစည်းအဝေးကို မေလ(၁၉)ရက်က ရန်ကုန်မြို့ ရွှေလီလမ်း က UEHRD (ရန်ကုန်) ရုံးခွဲရှိရာ NRPC ရုံးမှာ ပြုလုပ်ခဲ့ပါတယ်။UEHRD ကော်မတီရဲ့ ဒုတိယဥက္ကဋ္ဌဖြစ်တဲ့ ပြည်ထောင်စုဝန်ကြီး ဒေါက်တာဝင်းမြတ်အေးက ကော်မတီအဖွဲ့ဝင် များနဲ့တွေ့ဆုံပြီး ရှေ့လုပ်ငန်းစဉ်တွေ ၊ UEHRD နေပြည်တော်ရုံးနဲ့ ရန်ကုန်ရုံးကြား ဆက်သွယ်ဆောင်ရွက်နိုင်မယ့် အခြေအနေတွေ ဆွေးနွေးခဲ့ကြပါတယ်။ အစည်းအဝေး ဒုတိယပိုင်းမှာတော့ UEHRD အထောက်အကူပြူ အဖွဲ့ဝင်တွေနဲ့ ထပ်မံတွေ့ဆုံခဲ့ပါ။ UEHRD ရဲ့ ရည်ရွယ်ချက်တွဖြစ်တဲ့ လူသားချင်းစာနာမှုအကူ အညီပေးရေး ၊ ပြန်လည်နေရာချထားရေးနဲ့ ရခိုင်ပြည်နယ်ဖွံ့ဖြိုးတိုးတက်ရေးအတွက် ဆောင်ရွက်မှုတွေ အောင်မြင်စေဖို့ ဆက်လုပ်ဆောင်ရမယ့် အပိုင်းတွေ၊ UEHRD လုပ်ငန်းစဉ်အကြောင်း အများပြည်သူတွေ ပိုမိုသိရှိကြဖို့ လိုအပ်တဲ့အခြေအနေတွေကို ဆွေးနွေးကြပါတယ်။ 

ရခိုင်ပြည်နယ်အတွင်း လူသားချင်းစာနမှု အကူအညီထောက်ပံ့ပေးရေး ၊ ပြန်လည်နေရာချထားရေး ၊ ဖွံ့ဖြိုးရေးစီမံကိန်း (UEHRD) ဟာ ပြည်ထောင်စုအဆင့်စီမံကိန်းတစ်ခုဖြစ်ပြီး နိုင်ငံတော်၏အတိုင်ပင်ခံ ပုဂ္ဂိုလ်က ဥက္ကဋ္ဌအဖြစ်တာဝန်ယူကာ ဖွဲ့စည်းထားတာဖြစ်ပါတယ်။UEHRD စီမံကိန်းကိုတော့ အစိုးရ ၊ ကုလသမဂ္ဂအဖွဲ့အစည်းတွေ ၊ NGO ၊ INGO တွေ ၊ ပုဂ္ဂလိက လုပ်ငန်းရှင်တွေ၊ စေတနာ့ဝန်ထမ်းတွေ ပူးပေါင်းပါဝင်ဆောင်ရွက်နေကြတာဖြစ်ပြီး ပြန်လည်ထူထောင်ရေးနဲ့ ဖွံ့ဖြိုးရေးအတွက် လုပ်ငန်းရှင်တွေပါတဲ့ လုပ်ငန်းအဖွဲ့(၁၀)ဖွဲ့ကိုလည်း ဖွဲ့စည်းထားပါ တယ်။UEHRD ကိုတော့ ၂၀၁၇ခုနှစ် အောက်တိုဘာ(၁၇)ရက် မှာ စတင်ဖွဲ့စည်းခဲ့တာဖြစ်ပြီး အခုဆို (၁)နှစ်ခွဲ သက်တမ်းရှိပြီဖြစ်ပါ တယ်။ 

 

 

Related News