ရန်ကုန်စတော့အိတ်ချိန်းကို နောက်ထပ် အများပိုင်ကုမ္ပဏီတစ်ခုထပ်မံဝင်ရောက်လာဖို့ရှိနေပြီး လက်ရှိ ပြင်ဆင်မှု အများအပြား ပြုလုပ်ပြီးဖြစ်တယ်လို့ ငွေကြေးသက်သေခံလက်မှတ်လုပ်ငန်း ကြီးကြပ်ရေးကော်မရှင်(SECM) ထံက သိရပါတယ်။ရန်ကုန်စတော့အိတ်ချိန်းမှာ လက်ရှိအချိန်ထိ FMI ၊ MTSH ၊ မြန်မာနိုင်ငံသားများဘဏ် ၊ ပထမ ပုဂ္ဂလိက ဘဏ် နဲ့ TMH တယ်လီကွန်း စတဲ့ အများပိုင်ကုမ္ပဏီငါးခုက စာရင်းဝင်ကုမ္ပဏီအဖြစ်ရှိနေပါ တယ်။

၂၀၁၈ ဇန်န၀ါရီ(၂၆)ရက် မှာ TMH တယ်လီကွန်း အများပိုင်ကုမ္ပဏီ ရန်ကုန်စတော့အိတ်ချိန်းကို ၀င်ရောက်လာပြီးနောက် (၁)နှစ်ကျော်အတွင်း နောက်ထပ် ကုမ္ပဏီသစ် ထပ်မံဝင်ရောက်လာခြင်း မရှိသေးတာ ဖြစ်ပါ တယ်။ 

ပြီးခဲ့တဲ့နှစ်အတွင်း ဂရိတ်ဟော်ခမ်းရေအားလျှပ်စစ်ထုတ်လုပ်ရေး ကုမ္ပဏီက ရန်ကုန်စတော့အိတ်ချိန်း ကို ၀င်ရောက်ဖို့ပြင်ဆင်ခဲ့ပေမယ့် အကြောင်းအမျိုးမျိုးကြောင့် လက်ရှိအချိန်မှာ ခေတ္တဆိုင်းငံ့သွားတာဖြစ်ပါတယ်။ဒါကြောင့် လက်ရှိမှာတော့ ထောက်ပံ့ပို့ဆောင်ရေး Logistic ကုမ္ပဏီတစ်ခုက ပြင်ဆင်နေပြီး အခုနှစ် အတွင်း စတော့အိတ်ချိန်းကို ၀င်ရောက်လာဖို့မျှော်လင့်ထားတယ်လို့ငွေကြေးသက်သေခံလက်မှတ်လုပ်ငန်း ကြီးကြပ်ရေးကော်မရှင်တာဝန်ရှိသူကပြောပါတယ်။တစ်ဖက်မှာလည်း စတော့ဈေးကွက်အခြေအနေကောင်းမွန်လာဖို့ နိုင်ငံခြားသားတွေပါ ရှယ်ယာ ရောင်းဝယ် နိုင်ခွင့်အတွက်ပြင်ဆင်နေပြီး သက်ဆိုင်ရာဝန်ကြီးဌာနရဲ့ခွင့်ပြုမိန့်စောင့်ဆိုင်းနေတဲ့ အဆင့်ဖြစ်တယ် လို့သိရ ပါတယ်။ဒီခွင့်ပြုမိန့်ရရင်တော့ ဒီအခွင့်အရေးကို ပြည်တွင်းမှာ နေထိုင်ခွင့်ရထားတဲ့ နိုင်ငံခြားသားတွေက စတင်ရရှိဖို့ရှိနေပါတယ်။

ရန်ကုန်စတော့အိတ်ချိန်းဟာ ၂၀၁၆ ခုနှစ် မတ်လ(၂၅)ရက်မှာ အရောင်းအ၀ယ်စတင်ခဲ့တာဖြစ်ပြီး လက်ရှိ (၃)နှစ်တာကာလအတွင်း ရှယ်ယာအရေအတွက်(၁၀)သန်းခွဲ ၊ ပမာဏအားဖြင့် ကျပ်ဘီလီယံ (၁၂၀)ဖိုး နီးပါးအရောင်းအ၀ယ်ရှိခဲ့တယ်လို့သိရပါတယ်။အချက်အလက်တွေအရ ပထမ တစ်နှစ် တာကာလအတွင်း တုန်းကတော့ ကျပ်(၈၀)ဘီလီယံနီးပါးရှိတဲ့ အစုရှယ်ယာပေါင်း(၃)သန်းခွဲကျော် အရောင်းအ၀ယ် ဖြစ်ခဲ့ပါတယ်။

 

Related News