မြန်မာနိုင်ငံသစ်တောအသင်းမှ FAO-EU FLEGT Programme အရ ကျင်းပခဲ့တဲ့အလုပ်ရုံဆွေးနွေးပွဲကို မေလ(၁၉)ရက် က ရန်ကုန်မြို့၊ကြို့ကုန်း သစ်တောဝင်းမှာရှိတဲ့ တော်ဝင်ခန်းမမှာပြုလုပ်ခဲ့တာဖြစ်ပါတယ်။ FAO-EU FLEGT စီမံကိန်းဟာ ပြည်တွင်းကတစ်ဆင့် ပြည်ပကို တင်ပို့တဲ့သစ်တွေကတရားဝင်ဖြစ်ကြောင်း အထောက်အထားပြနိုင်အောင် ဆောင်ရွက်နေတဲ့လုပ်ငန်းစဉ်တွေကို စိစစ်ပြီး အားနည်းချက်တွေကို ထောက်ပြအကြုံပြုခြင်း၊ ပြုပြင်ခြင်းတွေကို လေ့လာသုံးသပ်ပေးတဲ့ စီမံကိန်းဖြစ်ပါတယ်။ ဒီစီမံကိန်းအတွက် အရပြုလုပ်ခဲ့တဲ့အလုပ်ရုံဆွေးနွေးပွဲမှာ မြန်မာနိုင်ငံသစ်တော ပြန်လည် ထူထောင်ရေးစီမံကိန်းနှင့် ခရိုင်သစ်တောအုပ်ချုပ်လုပ်ကိုင်မှု စီမံကိန်းတို့ရဲ့ဆ က်စပ်မှုကိုတင်ပြခြင်း၊ ဂေဟစနစ်အခြေခံတဲ့ သစ်တောများရေရှည်တည်တံ့စေရေးအုပ်ချုပ်လုပ်ကိုင်မှုစီမံကိန်း၊ FAO-EU FLEGT စီမံကိန်းလုပ်ငန်းများဆောင်ရွက်ပြီးစီးမှုနဲ့ အကျိုးသက်ရောက်မှုတွေကို ဆွေးနွေးပြောကြားခဲ့တာဖြစ်ပါတယ်။

FAO-EU FLEGT စီမံကိန်းကို အထောက်အကူပြုနိုင်ဖို့အတွက် မြန်မာနိုင်ငံသစ်တောအသင်းက ပြည်တွင်းမှာရှိတဲ့ သစ်တောခရိုင်(၆၈)ခရိုင်က ကျေးရွာနေပြည်သူတွေကို လက်တွေ့ကွင်းဆင်းပြီး သစ်တောနဲ့ပတ်သက်တဲ့ အသိပညာဖြန့်ဝေခြင်း၊ သင်တန်းများပို့ချခြင်း၊ အစည်းအဝေးများပြုလုပ်ခြင်းတွေကို ဆောင်ရွက်ပေးနေတယ်လို့ သိရပါတယ်။မြန်မာနိုင်ငံသစ်တောအသင်းက FAO-EU FLEGT Programme ကို လာမယ့် အောက်တိုဘာလကုန် အထိ ပြုလုပ်သွားမယ်လို့ သိရပါတယ်။

 

Related News