မြန်မာ-တရုတ်ချစ်ကြည်ရေးအသင်း(ဗဟို)မှ (၆)နှစ်မြောက် နှစ်ပတ်လည်အစည်းအဝေးကို မေလ(၂၀)ရက်က ရန်ကုန်မြို့  Myanmar Sport Hotel မှာ ပြုလုပ်ခဲ့ပါတယ်။ မြန်မာ-တရုတ်ချစ်ကြည်ရေးအသင်း(ဗဟို)ကို (၂၀၁၃)ခုနှစ်က စတင်တည်ထောင်ခဲ့တာဖြစ်ပြီး အခုနှစ်မှာ (၆)နှစ်မြောက်ခဲ့တာဖြစ်ပါတယ်။  မြန်မာ-တရုတ်ချစ်ကြည်ရေးအသင်း(ဗဟို)မှ တိုင်းဒေသကြီးနှင့်ပြည်နယ်အသီးသီးက ပညာရည်ထူးချွန်ထက်မြက်ပြီး ဆက်လက် ပညာသင်ကြားနိုင်ရန် အခက်အခဲရှိတဲ့  ကျောင်းသား၊ ကျောင်းသူတွေကို ပညာသင်ထောက်ပံ့ကြေး ငွေပေးအပ်နေတာဖြစ်ပါတယ်။ 

ဒီလိုထောက်ပံ့နေတာဟာ လက်ရှိမှာတော့ ကျောင်းသား၊ ကျောင်းသူ (၁၁၇)ယောက်ကို ထောက်ပံ့နိုင်ခဲ့တာဖြစ်ပါတယ်။ မြန်မာ-တရုတ်ချစ်ကြည်ရေးအသင်း(ဗဟို)အနေနဲ့  တရုတ်ပြည်သူ့ သမ္မတနိုင်ငံအတွင်းရှိ တရုတ်-မြန်မာ ချစ်ကြည်ရေး အသင်းတို့ ပူးပေါင်းပြီး မြန်မာနိုင်ငံမှ စကောလားရှစ်ကျောင်းသားကျောင်းသူများကို တရုတ်ပြည်သူ့ သမ္မတနိုင်ငံသို့ လက်မှုပညာများနှင့် အခြားဘာသာရပ်များပညာသင်ရန် စေလွှတ်လျှက်ရှိပြီး လေ့လာရေးခရီးစဉ်များ၊ ဆွေးနွေးပွဲများ၊ တွေ့ ဆုံပွဲများကိုလည်း စေလွှတ်ခဲ့တာဖြစ်ပါတယ်။ 

မြန်မာ-တရုတ်ချစ်ကြည်ရေးအသင်း(ဗဟို)နှစ်ပတ်လည်အစည်းအဝေးပွဲကို ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံသံရုံးမှ သံအမတ်ကြီး၊ မြန်မာ-တရုတ်ချစ်ကြည်ရေးအသင်းဥက္ကဋ္ဌများနဲ့ တာဝန်ရှိသူများ အသီးသီးတက်ရောက်ခဲ့ကြပါတယ်။

 

Related News