အချက်အလက်ဖြည့်စွက်မှုမှားယွင်းတာတွေ ၊ ပြန်လည်အတည်ပြုဖို့ခေါ်ယူရာမှာ ကြန့်ကြာမှုတွေမရှိပါက နိုင်ငံသားစိစစ်မှုလုပ်ငန်းစဉ်ဟာ (၄)လခွဲကနေ (၆)လကြားသာ ကြာမြင့်မှာဖြစ်တယ်လို့ နေရပ်စွန့်ခွာသူများ ပြန်လည် လက်ခံရေးနှင့်ပြန်လည်နေရာချထားရေး ကော်မတီ ဥက္ကဋ္ဌ ပြည်ထောင်စုဝန်ကြီး ဒေါက်တာ ၀င်းမြတ်အေးကပြောပါတယ်။ ဒီလုပ်ငန်းစဉ်အတွင်း စိစစ်ရာမှာ အချက်လက်မှားယွင်းရေးသားထားတာတွေ၊  ပြန်လည်ခေါ်ယူမေးမြန်းမှုတွေမှာ ရောက်မလာတာတွေ၊ ကတ်ထုတ်ပေးရာမှာ ပြန်လည်လာရောက်ယူဖို့ ကြန့်ကြာတာတွေရှိနေတာကိုတွေ့ရပြီး မူလ သတ်မှတ်ထားတဲ့ လုပ်ငန်းစဉ်ကာလကတော့ (၄)လခွဲဖြစ်တယ်လို့ ပြည်ထောင်စုဝန်ကြီးက ပြောပါတယ်။

နိုင်ငံသားစိစစ်မှုလုပ်ငန်းစဉ်မှာ ၁၉၈၂ ခုနှစ်မြန်မာနိုင်ငံသားဥပဒေနဲ့ အညီ စိစစ်မှာဖြစ်ကာ စိစစ်တွေ့ရှိမှု အပေါ် မူတည်ပြီး နိုင်ငံသားအဆင့်အမျိုးအစား သတ်မှတ်ကာ ကိုင်ဆောင်သင့်တဲ့ ကတ်တစ်မျိုးမျိုးကို ထုတ်ပေး မှာ ဖြစ်ပါ တယ်။နိုင်ငံသား သက်သေခံကတ်ပြားတစ်ခုခု အထောက်အထား မရှိသူတွေအတွက် နိုင်ငံသားစိစစ်မှုလုပ်ငန်းစဉ်ကို ၀င်ရောက်နိုင်ဖို့ နဲ့ ဒီကာလအတွင်း သွားလာ နေထိုင်နိုင်ဖို့ နိုင်ငံသားစိစစ်ခံရမည့်သူ၏ သက်သေခံကတ်ပြား(NV ) ကတ်တွေကို အရင် ထုတ်ပေးထားတာဖြစ်ပါတယ်။ရခိုင်လိုဒေသမှာ နယ်စပ်ခြံရိုးက အပြည့်အ၀မပြီးစီးသေးတာကြောင့် အ၀င်အထွက်တစ်ချို့ရှိသေးပြီး ပြန်လည်ဝင်ရောက် လာသူတွေအနေနဲ့ကတော့ နိုင်ငံသားစိစစ်မှုခံယူရမှာဖြစ်တယ်လို့ ဒေါက်တာဝင်းမြတ်အေးကပြောပါတယ်။

လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ရဲ့ စာရင်းတွေအရ ပြီးခဲ့တဲ့လအထိ နိုင်ငံသားစိစစ်နိုင်ဖို့  လူဦးရေ ၆၇၀၀၀ ကျော်ကို နိုင်ငံသားစိစစ်ခံရမည့်သူ၏ သက်သေခံကတ်ပြား (National Verification NV) ကတ် တွေကို ထုတ်ပေးပြီးဖြစ်ကာ အများစုက ရခိုင်ပြည်နယ်ကဖြစ်တယ်လို့သိရပါတယ်။

 

 

Related News