ရန်ကုန်မြို့တွင်းလူစည်ကားသည့် နေရာများတွင် စည်းကမ်းတကျလမ်းဖြတ်ကူးနိုင်ရန် အသိပညာပေးလုပ်ငန်းတွေ ဆောင်ရွက်လျှက်ရှိပါတယ်။ မြန်မာနိုင်ငံယာဉ်ထိန်းရဲတပ်ဖွဲ့အနေနဲ့ လူစည်ကားပြီး သွားလာမှုများပြားတဲ့ လမ်းဆုံ၊လမ်းခွတွေနဲ့ ရန်ကုန်မြို့တွင်းဧရိယာတွေမှာ စည်းကမ်းတကျနဲ့ လူကူးမျဉ်းကြားတွေကကူးဖို့၊ လူကူးခုံးကျော်တံတားတွေကနေ လမ်းဖြတ်ကူးကြဖို့အတွက် ပြည်သူတွေကို အသိပညာပေးမှုတွေ ဆောင်ရွက်ပေးလျက်ရှိပါတယ်။ ဒီလို အသိပညာပေးဆောင်ရွက်မှုကိုတော့ မေလ(၁၅)ရက်ကစတင်ပြီး ဆောင်ရွက်လျှက်ရှိတာဖြစ်ပါတယ်။

ဒါ့အပြင် လက်ရှိမှာလည်း ရန်ကုန်မြို့တွင်းက လူကူးခုံးကျော်တံတားတွေကို လိုအပ်တဲ့နေရာတွေမှာ တည်ဆောက်ပေးထားပြီး ယခင်ကတည်ဆောက်ခဲ့တဲ့လူကူးခုံးကျော်တံတားတွေမှာ စက်လှေခါးမပါဝင်ပေမယ့် အခုတည်ဆောက်ထားတဲ့ လူကူးခုံးကျော်တံတားတွေမှာတော့ ခရီးသွားပြည်သူတွေအဆင်ပြေစေဖို့ စက်လှေခါးတွေတပ်ဆင်ပေးထားတယ်လို့သိရပါတယ်။

စည်းကမ်းတကျလမ်းဖြတ်ကူးနိုင်ဖို့အတွက် အသိပညာပေးလုပ်ငန်းတွေဆောင်ရွက်ရာမှာ ရန်ကုန်မြို့တွင်းကို အဓိကထားဆောင်ရွက်နေတာ ဖြစ်ပါတယ်။ လမ်းဖြတ်ကူးရာမှာ စနစ်တကျရှိစေဖို့အတွက် ခရီးသွားပြည်သူတွေကို အသိပညာပေးလုပ်ငန်းတွေ ဆောင်ရွက်နေသလို ခရီးသွားပြည်သူတွေ လူကူးမျဉ်းကြားမှာ လမ်းဖြတ်ကူးနေစဉ် ယာဉ်မောင်းတွေအနေနဲ့ ယာဉ်ကိုအရှိန်လျှော့ မောင်းနှင်ဖို့နဲ့ ရပ်တန့်ပေးဖို့ အတွက်လည်း ပါဝင်တယ်လို့သိရပါတယ်။လက်ရှ်ိမှာတော့ အသိပညာပေးလုပ်ငန်းတွေကို ဆောင်ရွက်ပြီး နောက်ပိုင်းမှာတော့ စည်းကမ်းလိုက်နာမှုမရှိတဲ့ ယာဉ်မောင်းတွေနဲ့ လမ်းဖြတ်ကူးတဲ့ခရီးသွားပြည်သူတွေကို  အသစ်ရေးဆွဲပြဌာန်းထားတဲ့ မော်တော်ယာဉ်ဥပဒေအရ သက်ဆိုင်ရာ တရားရုံးကို တရားစွဲဆိုတင်ပို့ပြီး ပြစ်ဒဏ်ထင်ရှားရင် ဒဏ်ငွေ(၃)သောင်း ပေးဆောင် ရမယ်လို့သိရပါတယ်။

မြန်မာနိုင်ငံယာဉ်ထိန်းရဲတပ်ဖွဲ့အနေနဲ့ အခုလိုဆောင်ရွက်တာဟာ ယာဉ်မောင်းတွေနဲ့ လမ်းဖြတ်ကူးတဲ့ ခရီးသွားပြည်သူတွေအတွက် ယာဉ်အန္တရာယ်ကင်းရှင်းစေဖို့ ဆောင်ရွက်တာဖြစ်တယ်လို့သိရပါတယ်။စည်းကမ်းလိုက်နာမှုမရှိဘဲ ယာဉ်စည်းကမ်း၊ လမ်းစည်းကမ်းဖောက်ဖျက်တဲ့ ယာဉ်မောင်းတွေ၊လမ်းအသုံးပြုသူတွေရဲ့ ပေးဆောင်ရတဲ့ဒဏ်ကြေးငွေတွေကို နိုင်ငံတော်ဘဏ္ဍာအဖြစ် အသုံးပြုသွားမှာဖြစ်ပြီး လိုအပ်တဲ့နေရာတွေမှာ လမ်း၊ တံတားတွေ တည်ဆောက်ပေးသွားမယ်လို့ သိရပါတယ်။

 

Related News