အိမ်ခြံမြေဝန်ဆောင်မှုလုပ်ငန်းလုပ်ကိုင်နေသူကိုယ်စားလှယ်တွေအတွက် အိမ်ခြံမြေဆိုင်ရာအသိပညာပေးသင်တန်းတွေကို အခမဲ့သင်ကြားပေးနေတယ်လို့ သိရပါတယ်။အိမ်ခြံမြေဆိုင်ရာပညာပေးသင်တန်းကို မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းနဲ့ မန္တလေးတိုင်းဒေသကြီး အိမ်ခြံမြေကိုယ်စားလှယ်များဖွံ့ဖြိုးတိုးတက်ရေးအသင်းတို့ပူးပေါင်းပြီး အခမဲ့သင်ကြားပေးနေတာဖြစ်ပါတယ်။ ဒီသင်တန်းကို အိမ်ခြံမြေအကျိုးဆောင်တွေအနေနဲ့ ပြည်သူတွေနဲ့ဆက်ဆံတဲ့အခါ ဆောင်ရွက်ပေးရမယ့် တာဝန်ဝတ္တရား၊ သိရှိသင့်တဲ့ဥပဒေ၊ နည်းဥပဒေ၊ စာချုပ်စာတမ်း၊ လယ်ယာမြေ၊ လူမှုဆက်ဆံရေးနဲ့ပတ်သက်တာတွေကို သိရှိစေဖို့အတွက် ရည်ရွယ်သင်ကြား ပေးတာဖြစ်တယ်လို့ သိရပါတယ်။

အိမ်ခြံမြေဆိုင်ရာအသိပညာပေးသင်တန်းတွေကို ရန်ကုန်၊မန္တလေးနဲ့နေပြည်တော်မြို့တွေမှာ အပတ်စဉ်အလိုက် ဖွင့်လှစ်သင်ကြားပေးနေပြီး သက်ဆိုင်ရာအစိုးရဌာနမှ ပညာရှင်တွေ ကိုယ်တိုင်သင်ကြားပို့ချပေးတယ်လို့သိရပါတယ်။ သင်တန်းမှာ မြေလွတ်မြေရိုင်းနဲ့ လယ်ယာမြေဆိုင်ရာဥပဒေ၊ ကျေးရွာနဲ့မြို့ပြမြေယာဂရန်၊ စည်ပင်သာယာ မြေယာလုပ်ထုံးလုပ်နည်းနဲ့ နည်းဥပဒေ၊ အိမ်ခြံမြေ၊ရောင်းဝယ်ခြင်း၊အကျိုးဆောင်ခြင်းနဲ့ပတ်သက်တဲ့ သိကောင်းစရာများ၊ အခွန်ဥပဒေနဲ့စာချုပ်စာတမ်းဥပဒေ၊ လူမှုဆက်ဆံ ရေးစတဲ့ဘာသာရပ်တွေသင်ကြားပို့ချပေးနေတာဖြစ်တယ်လို့ သိရပါတယ်။
လက်ရှိမှာလည်း အိမ်ခြံမြေဆိုင်ရာအသိပညာပေးသင်တန်း (၄/၂၀၁၉)ကို   မန္တလေးမြို့  Royal Mingalar Hotel မှာ မေလ(၂၁)ရက်မှ(၂၃) ရက်အထိ ဖွင့်လှစ်သင်ကြားပေးလျက်ရှိပြီး အဆိုပါသင်တန်းမှာတော့ တိုင်းဒေသကြီးနဲ့ ပြည်နယ်အသီးသီးက အိမ်ခြံမြေအကျိုးဆောင်လုပ်ငန်း လုပ်ကိုင်နေသူ(၁၅၀)ကျော် တက်ရောက်သင်ကြားလျက် ရှိတယ်လို့ သိရပါတယ်။ 

 

Related News