ဖန်တီးရာနဲ့ The Asia Foundation ပူးပေါင်းပြီး  Data 4 Change  Hackathon ပြိုင်ပွဲကို အခုလအတွင်း ကျင်းပပြုလုပ် သွားမယ်လို့ မေလ(၂၁)ရက်က ဖန်တီးရာရုံးခန်းမှာ ပြုလုပ်ခဲ့တဲ့ အကြိုစာနယ်ဇင်းမိတ်ဆက်ပွဲမှ သိရပါတယ်။ 

လက်ရှိပြည်တွင်းမှာ သတင်းအချက်အလက်တွေကို သိမ်းဆည်းရာမှာ စာရွက်၊စာတမ်းတွေနဲ့သာ အများဆုံး အသုံးပြုနေတာကြောင့် ထိုသတင်းအချက်အလက်တွေကို ဒီဂျစ်တယ်အချက်အလက်အနေနဲ့သိမ်းဆည်းဖို့၊ သတင်းအချက်အလက်တွေရဲ့ အရည်အသွေးတွေကိုမြှင့်တင်ပေးနိုင်ဖို့၊ သတင်းအချက်အလက်တွေကို ကောင်းမွန်တဲ့ ပုံစံနဲ့ပြသနိုင်ဖို့ နဲ့  ပြည်သူတွေဆီကျယ်ပြန့်စွာရောက်ရှိနိုင်စေဖို့အပြင် ပိုမိုပွင့်လင်းမြင်သာလာစေပြီး အကျိုးသက်ရောက်မှုများစွာဖြစ်ထွန်းလာစေဖို့ စတဲ့ရည်ရွယ်ချက်တွေနဲ့ ပြိုင်ပွဲကို ကျင်းပသွားမှာဖြစ်ပါတယ်။ 

Data 4 Change Hackathon ပြိုင်ပွဲမှာ Township Development Indicators (TDI) Data base ကို အစိုးရ၊ အရပ်ဖက်အဖွဲ့အစည်းနဲ့ Development Partner တွေအတွက် မူဝါဒချမှတ်ရာမှာ လွယ်ကူအဆင်ပြေစေမယ့် နည်းပညာဝန်ဆောင်မှုတွေကို ရှာဖွေဖော်ထုတ်ပြီး ယှဉ်ပြိုင်ရမှာဖြစ်တယ်လို့ သိရပါတယ်။ ပြိုင်ပွဲကို ရန်ကုန်မြို့ရှိ မြို့နယ်ပေါင်း(၃၃၀)မှ ပြိုင်ပွဲဝင်(၁၀၀)ကျော် ၀င်ရောက်ယှဉ်ပြိုင်မှာဖြစ်တယ်လို့ သိရပါတယ်။ 

Data 4 Change Hackathon ပြိုင်ပွဲကို မေလ(၂၅)ရက်နဲ့(၂၆)ရက်တို့မှာ ရန်ကုန်မြို့ ဖန်တီးရာရုံးခန်းမှာ ပြုလုပ်သွားမှာဖြစ်ပါတယ်။ ပြိုင်ပွဲမှာ ဆုချီးမြှင့်မှုအနေနဲ့ ပထမဆုကို  အမေရိကန်ဒေါ်လာ(၃၀၀၀) နဲ့ The Asia Foundation နဲ့အတူ လက်တွဲလုပ်ဆောင်ရန် အမေရိကန်ဒေါ်လာ (၁၄၀၀၀)တန်ဖိုးရှိတဲ့ ထောက်ပံ့ငွေကို ရရှိမှာဖြစ်ပြီး ဒုတိယဆုကို အမေရိကန်ဒေါ်လာ(၂၀၀၀)နဲ့ တတိယဆုကိုတော့ အမေရိကန်ဒေါ်လာ(၁၀၀၀)ပေး အပ်သွားမှာဖြစ်တယ်လို့သိရပါတယ်။ 

 

 

Related News