မြန်မာနိုင်ငံမွေးမြူရေးလုပ်ငန်းအဖွဲ့ချုပ် အနေနဲ့မွေးမြူရေးကဏ္ဍဖွံ့ဖြိုးတိုးတက်ရေးအတွက် မွေးမြူရေးလုပ်ငန်းဆိုင်ရာသင်တန်းတွေ၊ အလုပ်ရုံဆွေးနွေးပွဲတွေ စဉ်ဆက်မပြတ် ပြုလုပ်ပေးနေတယ်လို့ မေလ(၂၃) ရက်က မန္တလေးမြို့ မွေးမြူရေးနှင့်ကုသရေးဦးစီးဌာန၊ တိုင်းဒေသကြီးဦးစီးမှူးရုံးမှာပြုလုပ်ခဲ့တဲ့ ကျွဲ၊ နွား၊ သိုး၊ ဆိတ် အစရှိတဲ့ စားမြုံ့ပြန်သတ္တဝါ မွေးမြူရေးမှာ အစာကျွေးမွေးခြင်းနဲ့ပတ်သက်တဲ့ အလုပ်ရုံဆွေးနွေးပွဲကသိရပါတယ်။ကျွဲ၊ နွား၊ သိုး၊ ဆိတ် အစရှိတဲ့ စားမြုံ့ပြန်သတ္တဝါမွေးမြူရေးမှာ အစာကျွေးမွေးခြင်းနဲ့ ပတ်သက်တဲ့ အလုပ်ရုံဆွေးနွေးပွဲကို မြန်မာနိုင်ငံမွေးမြူရေးလုပ်ငန်းအဖွဲ့ချုပ်က ဦးစီးပြီး ထိုင်းနိုင်ငံမွေးမြူရေးဖွံ့ဖြိုးတိုးတက်မှုဦးစီးဌာန၊ တိရစ္ဆာန်အာဟာရဗေဒ ပညာရှင်များအဖွဲ့နဲ့ မြန်မာနိုင်ငံနို့လုပ်ငန်းအသင်းတို့ ပူးပေါင်းပြုလုပ်တာဖြစ်တယ်လို့ သိရပါတယ်။

ဒီဆွေးနွေးပွဲကိုကျွဲ၊ နွား၊ သိုး၊ ဆိတ်အစရှိတဲ့ စားမြုံ့ပြန်သတ္တဝါတွေမွေးမြူရာမှာ တိရစ္ဆာန်တွေရဲ့ အသက်အရွယ်အလိုက်လိုအပ်တဲ့ အဟာရဓာတ် ကိုတွက်ချက်ကာလိုအပ်ချက်ကိုပြည့်မီစေမယ့်အစာဖော်မြူလာကိုတွက်ချက်ပြီး အစာနု၊အစာကြမ်းစတဲ့ အစာအမျိုးအစား တွေပေါင်းစပ်ထုတ်လုပ်ထားတဲ့အစာTotal Mixed Ration (TMR) နည်းပညာကို နို့စားနွားမွေးမြူသူတွေနဲ့အခြားတိရိစ္ဆာန် မွေးမြူရေးလုပ်ငန်းလုပ်ကိုင်သူတွေလေ့လာသိရှိနိုင်ဖို့ ရည်ရွယ်ပြုလုပ်တာဖြစ်တယ်လို့ မြန်မာနိုင်ငံမွေးမြူရေးလုပ်ငန်းအဖွဲ့ချုပ် ဒုတိယဥက္ကဋ္ဌ ဒေါက်တာခင်လှိုင်က ပြောပါတယ်။မွေးမြူရေးကဏ္ဍဖွံ့ဖြိုးတိုးတက်ရေးအတွက် အလုပ်ရုံဆွေးနွေးပွဲတွေကို ရန်ကုန်၊ မန္တလေးအပါအဝင် တိုင်းဒေသကြီးနဲ့ ပြည်နယ် အသီးသီးမှာ ပြုလုပ်ပေးနေတယ်လို့သိရပါတယ်။

ဒီဆွေးနွေးပွဲမှာအစာနု၊ အစာကြမ်းစတဲ့ အစာအမျိုးအစားတွေပေါင်း စပ်ထုတ်လုပ်ထားတဲ့ အစာကျွေးမွေးခြင်းဖြင့် မွေးမြူရေးခြံရဲ့စီးပွားရေးအကျိုးအမြတ်အပေါ် သက်ရောက်မှု၊နို့စားနွားမွေးမြူ ရေးဖွံ့ဖြိုးတိုးတက်မှုအတွက် မွေးမြူသူတွေအစုအဖွဲ့ ဖွဲ့စည်းလုပ်ကိုင်ခြင်းရဲ့အရေးပါပုံ နို့ထုတ်လုပ်မှုနဲ့ အရည်အသွေး မြှင့်တင်ခြင်း စတာတွေကို ထိုင်းနိုင်ငံမွေးမြူရေးဖွံ့ဖြိုးတိုးတက်မှုဦးစီးဌာနမှ ပညာရှင်တွေက ဆွေးနွေးပေးခဲ့တယ်လို့သိရပါတယ်။ ဒါ့အပြင် နို့စားနွားမွေးမြူရေး ၊ တိရစ္ဆာန်အစာအရင်းအမြစ်နဲ့ နို့စားနွားမွေးမြူရေးမှာပြောင်းလဲတိုးတက်လာတဲ့ အစာကျွေးမွေးမှုစနစ်တွေကိုလည်း ဆွေးနွေးခဲ့တယ်လို့သိရပါတယ်။အခုပြုလုပ်ခဲ့တဲ့အလုပ်ရုံဆွေးနွေးပွဲကိုမန္တလေးတိုင်းဒေသကြီးအတွင်းရှိမွေးမြူရေးလုပ်ငန်းလုပ်ကိုင်နေသူတွေတက်ရောက်ခဲ့ပြီး လာမယ့်ဇွန်လအတွင်းမှာ တန်ဖိုးမြင့်နို့ထွက်ပစ္စည်းထုတ်လုပ်တဲ့ သင်တန်းပြုလုပ်ပေးသွားမယ်လို့ သိရပါတယ်။ တက်ရောက်လိုသူတွေ အနေနဲ့ မြန်မာနိုင်ငံမွေးမြူရေးလုပ်ငန်းအဖွဲ့ချုပ်ရုံးနဲ့ Myanmar Livestock Facebook Page တို့မှာ ဆက်သွယ်စုံစမ်းနိုင်တယ်လို့ သိရပါတယ်။

 

 

Related News