မြန်မာနိုင်ငံကို ၀င်ရောက်လာတဲ့ ပြည်ပရင်းနှီးမြှုပ်နှံမှုတွေကိုကြည့်ရင် ဆယ်စုနှစ်နဲ့ချီတရုတ်နိုင်ငံမှ ရင်းနှီးမြှုပ်နှံမှုတွေကသာ ဦးဆောင်ထားတဲ့ အနေအထားဖြစ်ပါတယ်။ ဒါပေမယ့် အခုနှစ်ပိုင်းတွေအတွင်း စင်္ကာပူ ရင်းနှီးမြှုပ်နှံမှုတွေဟာ မြန်မာနိုင်ငံမှာ သိသိသာသာ မြင့်တက်လာနေပြီး မြန်မာနိုင်ငံရဲ့ နံပါတ်တစ် ပြည်ပရင်းနှီးမြှုပ်နှံသူနေရာကို ရောက်ရှိလာပြီဖြစ်ပါတယ်။ ပြည်ပရင်းနှီးမြှုပ်နှံမှုတွေစဖွင့်ပေးခဲ့တဲ့ (၁၉၈၈)ခုနှစ်ကနေ လက်ရှိအချိန်အထိ နှစ်ပေါင်း(၃၀) ကာလအတွင်း မြန်မာနိုင်ငံကို ပြည်ပရင်းနှီးမြှုပ်နှံမှု အမေရိကန်ဒေါ်လာ (၈၀)ဘီလီယံကျော် ၀င်ရောက်ထားပါတယ်။ ဒီထဲမှာ စင်္ကာပူနိုင်ငံမှ ရင်းနှီးမြှုပ်နှံမှု တွေက (၂၁)ဘီလီယံကျော်ရှိပြီး တရုတ်နိုင်ငံမှရင်းနှီးမြှုပ်နှံမှုတွေက (၂၀)ဘီလီယံခွဲကျော်ရှိနေပါတယ်။

နှစ်(၃၀)ကာလအတွင်း ပမာဏသိပ်မကွာလှပေမယ့် (၂၀၁၂)ခုနှစ်အရှေ့ပိုင်းကို ကြည့်ရင် တရုတ်ရင်းနှီးမြှုပ်နှံမှုကသာ နှစ်စဉ်ဦးဆောင်ထားတာဖြစ်ပါတယ်။ဒီကာလအတွင်းဝင်ရောက်ခဲ့တဲ့ ရင်းနှီးမြှုပ်နှံမှုတွေကိုကြည့်ရင် တရုတ်ကအမေရိကန်ဒေါ်လာ (၉)ဘီလီယံ ခွဲရင်းနှီးမြှုပ်နှံမှုရှိခဲ့ပြီး စင်ကာပူနိုင်ငံက (၂)ဘီလီယံတောင်မပြည့်ခဲ့တာဖြစ်ပါတယ်။ (၂၀၁၂)နောက်ပိုင်းမှာတော့ စင်္ကာပူနိုင်ငံရင်းနှီးမြှုပ်နှံမှုတွေက သိသိသာသာမြင့်တက်လာပြီး တရုတ်နိုင်ငံရဲ့ နံပါတ်တစ်နေရာကိုပါ လွှဲပြောင်းယူနိုင်ခဲ့တာ ဖြစ်ပါတယ်။ မကြာခင် စင်္ကာပူနဲ့ မြန်မာနိုင်ငံကြား ရင်းနှီးမြှုပ်နှံမှု သဘောတူ စာချုပ်ချုပ်ဆိုဖို့ရှိပြီး ဒီလိုဆောင်ရွက်ပြီးပါက စင်ကာပူမှရင်းနှီးမြှုပ်နှံမှုတွေ ပိုဝင်လာနိုင်မယ်လို့ ဦးအောင်နိုင်ဦးက ခန့်မှန်းပါတယ်။

စင်္ကာပူနိုင်ငံက၀င်ရောက်လာတဲ့ ရင်းနှီးမြှုပ်နှံမှုတွေကိုပြန်ကြည့်ရင် သူတို့နိုင်ငံသားတွေရဲ့ရင်းနှီးမြှုပ်နှံမှုထက် တတိယနိုင်ငံသားတွေရဲ့ ရင်းနှီးမြှုပ်နှံမှုတွေက အများစုပါဝင်နေတယ်လို့ ဦးအောင်နိုင်ဦးက ပြောပါတယ်။ စင်္ကာပူဟာ ကမ္ဘာ့အနောက်ခြမ်းကရင်းနှီးမြှုပ်နှံသူတွေအတွက် မြန်မာနိုင်ငံရဲ့ အဓိက၀င်ပေါက်တစ်ခုအဖြစ် ရှိနေတာဖြစ်တာကြောင့် ဖြစ်တယ်လို့ ပြောပါတယ်။ဘဏ်စနစ်အပါအ၀င် ၀န်ဆောင်မှုစနစ်ပိုင်းပြည့်စုံသလို၊ အာဆီယံနိုင်ငံချင်းဖြစ်တာကြောင့် အာဆီယံအသိုက် အ၀န်းသဘောတူညီချက်အောက်မှာ အခြားခံစားခွင့်တွေ ရှိနေတာကလည်း စင်္ကာပူရင်းနှီင်္းမြှုပ်နှံမှုတွေတိုးလာ စေတဲ့အချက်ဖြစ်တယ်လို့ ပြောပါတယ်။လက်ရှိ (၂၀၁၈-၂၀၁၉)ဘဏ္ဍာရေးနှစ်ကိုကြည့်ရင်လည်း ဧပြီလ(၃၀)ရက်အထိ ပြည်တွင်းကို နိုင်ငံခြား ရင်းနှီးမြှုပ်နှံမှု အမေရိကန်ဒေါ်လာ သန်း(၂၄၀၀)ကျော်ဝင်ရောက်ထားပြီး ဒီထဲမှာ သန်း(၁၆၀၀)နီးပါးက စင်္ကာပူနိုင်ငံကရင်းနှီးမြှုပ်နှံမှုတွေ ဖြစ်ပြီး တရုတ်ရင်းနှီးမြှုပ်နှံမှုက သန်း(၃၀၀)နီးပါးသာရှိထားပါတယ်။

 

 

Related News