နေပြည်တော်ရှိမြို့နယ် အားလုံးကို ရေပေးဝေနိုင်ရေးကို လာမည့် (၂၀၃၀) ပြည့်နှစ် နောက်ဆုံးထားရရှိအောင် ဆောင်ရွက် သွားမယ် လို့နေပြည်တော်ကောင်စီ ဥက္ကဋ္ဌ ဒေါက်တာမျိုးအောင်က မေလ(၂၃)ရက်က နေပြည်တော်ရှိ မြန်မာအပြည်ပြည် ဆိုင်ရာ ကွန်ဗစ်ရှင်းဗဟိုဌာန-၂(MICC-2) မှာ ပြုလုပ်ခဲ့တဲ့ နေပြည်တော် တိုးချဲ့ရေပေးဝေရေးစီမံကိန်း ဆောင်ရွက်နိုင်ရန် အတွက် နည်းပညာ၊ဘဏ္ဍာငွေရရှိနိုင်မယ့် နည်းလမ်းနှင့်သဘာဝပတ်ဝန်းကျင် ရှုထောင့်တို့ပါဝင်သော ဆွေးနွေးပွဲမှာပြောကြားခဲ့တာပါ။ နေပြည်တော်မှာ မြို့နယ် (၈)မြို့နယ်ရှိပြီး ဒီမြို့နယ်တွေထဲမှာ ဇဗ္ဗူသီရိမြို့နယ်၊ပုဗ္ဗသီရိမြို့နယ်နဲ့ ဥတ္တရသီရိမြို့နယ်(၃)ခု၏ မြို့ပြဧရိယာ(၃)ခုကိုသာ ရေပေးဝေနိုင်သေးတာပါ။

နေပြည်တော်မှာ မြို့ပြနေလူဦးရေ စုစုပေါင်း (၃၇၅၁၈၉) ဦးရှိပြီး ရေသုံးစွဲတဲ့ လူဦးရေစုစုပေါင်းဟာ (၁၇၂၉၈၈)ဦးသာ ရှိတဲ့ အတွက် စုစုပေါင်း၏ (၄၆)ရာခိုင်နှုန်းသာရေပေးဝေနိုင်သေးတာလည်း ဖြစ်ပါတယ်။ ဒါကြောင့် တစ်မြို့လုံးနီး ပါး ရေပေးဝေနိုင်ရေးအတွက် အစိုးရသစ်စတင်တာဝန်ယူခဲ့တဲ့ (၂၀၁၆)ခုနှစ်ကစလို ဆောင်ရွက်ခဲ့ပေမယ့် ဘတ်ဂျတ်အခြေအနေအရ ၂၀၃၀ပြည့်နှစ် အထိရည်မှန်း ဆောင်ရွက်ခြင်း ဖြစ်တယ်လို့ နေပြည်တော်ကောင်စီ ဥက္ကဋ္ဌ ဒေါက်တာမျိုးအောင် ကပြောပါတယ်။နေပြည်တော်မှာ လက်ရှိ အခြေအနေအရ ရေအရင်းအမြစ်တွေကနေ တစ်နေ့ ရေဂါလံ(၁၅)သန်း သာ ရရှိပြီး အဆိုပါ(၁၅)သန်းကို ပေးဝေနေရတာပါ။ဒီလိုရေပေးဝေနေပေမယ့် ကျန်ရှိတဲ့ ဧရိယာတွေနဲ့   မြို့တော် အဂါင်္ရပ်နှင့်အညီဖြစ်ပေါ်လာမည့် လူဦးရေတွေကို  တိုးချဲ့ပေးနိုင်ရေးကို  မဖြစ်မနေ ဆောင်ရွက်ရန် လိုအပ်လာတာဖြစ်ပါတယ်။

တစ်မြို့လုံးအတိုင်းအတာနဲ့ရေပေးဝေမယ်ဆိုပါက လက်ရှိ အသုံးပြုနေတဲ့ ရေပမာဏအပြင် တစ်ရက်ကို  ရေဂါလံ (၃၅) သန်းခန့် ထပ်မံ လိုအပ်မှာဖြစ်ပြီး တိုးချဲ့ရေပေးဝေရေး အတွက် လိုအပ်တဲ့ ရေအရင်းအမြစ်အသစ်တွေကို ပေါင်းလောင်းဆည်မှရရှိနိုင်ရေး လျာထားဆောင်ရွက်သွားမယ်လို့ သိရပါတယ်။ပေါင်းလောင်းဆည်အနေနဲ့ တစ်နေ့ကို  ပျှမ်းမျှရေဂါလံ(၁၃၄၇)သန်းမှ (၄၀၄၃) သန်းအထိ လျှပ်စစ် ဓါတ်အား ထုတ်လုပ်ရာမှာ အသုံးပြုနေရတာဖြစ်ပါတယ်။တိုးချဲ့ရေးပေးဝေရေးအတွက် လိုအပ်တဲ့ ရေဂါလံ(၃၅)သန်းကို ရရှိလာပါက ပျဉ်းမနားမြို့နယ်ကို  ရေဂါလံ (၅)သန်း၊ ဥတ္တရသီရိမြို့နယ်ကို ရေဂါလံ(၄)သန်း၊ ပုဗ္ဗသီရိမြို့နယ်ကို ရေဂါလံ(၆)သန်း၊ ဒက္ခီဏသီရိ မြို့နယ်ကို (၇)သန်း ဇဗ္ဗူသိရီမြို့နယ်ရှိရုံးများကို ရေဂါလံ (၂)သန်းနဲ့ မြို့နယ်အတွက် ရေဂါလံ (၈)သန်းတို့အပါအ၀င် လယ်ဝေးမြို့နယ်ကို ရေဂါလံ (၃)သန်း နှုန်းနဲ့ ခွဲဝေပေးသွားမယ်လို့ သိရပါတယ်။

 

 

Related News