စားသောက်ကုန်ထုတ်လုပ်ခြင်းနှင့် ၀န်ဆောင်မှုပေးခြင်းဆိုင်ရာ သက်မွေးပညာသင်တန်းကို ပညာရေးဝန်ကြီးဌာန၊ နည်းပညာ၊ သက်မွေးပညာနှင့် လေ့ကျင့်ရေးဦးစီးဌာန၊ ကိုရီးယားအပြည်ပြည်ဆိုင်ရာ လေ့ကျင့်ရေးအေဂျင်စီ၊ ကိုရီးယားနိုင်ငံအခြေစိုက် WITH အဖွဲ့နဲ့ မေတ္တာအလင်းအသင်းတို့ပူးပေါင်းဖွင့်လှစ်တာလို့သိရပါတယ်။ စားသောက်ကုန်ထုတ်လုပ်ခြင်းနှင့်ဝန်ဆောင်မှုပေးခြင်းဆိုင်ရာသက်မွေးပညာသင်တန်းမှာ ပေါင်မုန့်နှင့်ကိတ်မုန့်ဖုတ် သင်တန်းသင်ကြားပေးနေပြီး သင်တန်းတက်ရောက်သူတွေ အနေနဲ့ အဋ္ဌမတန်းအောင်မြင်ပြီး အသက် (၁၅)နှစ်မှ (၂၁)ထိသတ်မှတ်ထားတယ်လို့သိရပါတယ်။ သင်တန်းကြေးက အခမဲ့ဖြစ်ပြီး သင်တန်းတက်ရောက်တဲ့ ကာလအတွင်း လစဉ်လမ်းခရီးစရိတ် (၃၀၀၀၀) ကျပ်၊ နေ့လည်စာကျွေးခြင်းအပြင် သင်တန်းဝတ်စုံ ကိုပါ ထောက်ပံ့ပေးတယ်လို့သိရပါတယ်။ သင်တန်းဖွင့်လှစ်တဲ့ ရည်ရွယ်ချက်က ကျောင်းမနေတော့တဲ့ လူငယ်တွေအတွက် စားသောက်ကုန်ထုတ်လုပ်ခြင်းနဲ့ဝန်ဆောင်မှု ပေးခြင်းဆိုင်ရာလုပ်ငန်းခွင်အရည်အချင်း သင်ကြားမြှင့်တင်ပေးဖို့ ရည်ရွယ်တယ်လို့သိရပါတယ်။ပေါင်မုန့်နှင့်ကိတ်မုန့်ဖုတ်သင်တန်းမှာ ကိတ်မုန့်နဲ့ ပေါင်မုန့်မျိုးစုံလုပ်နည်း ၊ ကွတ်ကီးမျိုးစုံလုပ်နည်း၊ မွေးနေ့ကိတ်လုပ်နည်းတွေအပြင် မုန့်လုပ်နည်းပေါင်း(၅၀)ကျော်ကို စာတွေ့၊လက်တွေ့သင်ကြားပေး တာဖြစ်ပါတယ်။

ဒါ့အပြင်လုပ်ငန်းခွင်အတွင်းအခေါ်အဝေါ်များနဲ့ လူမှုဆက်ဆံရေးပညာ၊ အင်္ဂလိပ်စာအခြေခံ၊ပြည်သူ့နီတိ စတဲ့ပညာရပ်တွေလည်း သင်ကြားပေးနေတယ်လို့သိရပါတယ်။ သင်တန်းအပတ်စဉ်တစ်ခုကို (၄)လကြာသင်ကြားပေးသွားမှာဖြစ်ပြီး စာတွေ့လက်တွေ့ကို (၃) လနဲ့  လုပ်ငန်းခွင်လက်တွေ့ဆင်းခြင်းကို(၁)လ သင်ကြားပေးနေတာဖြစ်ပါတယ်။ သင်တန်းဆင်း ပြီးသင်တန်းသားတွေကိုတော့ သက်ဆိုင်ရာဘာသာအလိုက် လုပ်ငန်းခွင်အတွင်းချိတ်ဆက်ပေးတယ်လို့သိရပါတယ်။သင်တန်းသားသင်တန်းသူတွေကတော့ ပညာရေးမှာပြီးဆုံးတဲ့အထိ မရှိတာကြောင့် အလုပ်အကိုင်မရှိခဲ့သလို စိတ်ပိုင်းဆိုင်ရာလည်းအားငယ်မှုတွေရှိခဲ့တယ်လို့ပြောပါတယ်။ဒီလိုအသက်မွေးဝမ်းကျောင်းပညာတွေကို သင်ကြားရပြီး နောက်မှာတော့ ဘ၀အတွက် ရည်မှန်းချက်တွေ၊မျှော်လင့်ချက်တွေများစွာရရှိလာပြီး အသိပညာ၊ အတက်ပညာတွေ များစွာရရှိခဲ့တယ်လို့သိရပါတယ်။စားသောက်ကုန်ထုတ်လုပ်ခြင်းနှင့်ဝန်ဆောင်မှုပေးခြင်းဆိုင်ရာသက်မွေးပညာသင်တန်းမှာ ပေါင်မုန့်နှင့်ကိတ်မုန့်ဖုတ် သင်တန်းအပြင် အနောက်တိုင်းနှင့်အရှေ့တိုင်းအစားအစာအချက်အပြုတ်သင်တန်း၊ကော်ဖီနှင့်ဖျော်ရည်သင် တန်းတို့ကို သင်ကြားပေးနေတယ်လို့သိရပါတယ်။သင်တန်းအပတ်စဉ်တစ်ခုမှာ ပေါင်မုန့်နှင့်ကိတ်မုန့်ဖုတ်သင်တန်းအတွက်သင်တန်းသားအယောက်(၂၀)၊အနောက်တိုင်းနှင့်အရှေ့တိုင်းအစားအစာအချက်အပြုတ်သင်တန်းအတွက်သင်တန်းသားအယောက်(၂၀)၊ ကော်ဖီနှင့်ဖျော်ရည်သင်တန်းအတွက်သင်တန်းသားအယောက် (၂၀) စုစုပေါင်းသင်တန်းသားအယောက်(၆၀)သင်ကြားပေးနေတယ်လို့သိရပါတယ်။

 

 

Related News