သန်လျင်မြို့ နယ် ကိုယ်စားပြုအနေနဲ့ ပန်းချီဆရာ ၊ ပန်းချီဆရာမ(၁၃)ဦးပါဝင်တဲ့ TL & BAK ပန်းချီပြပွဲကို မေလ(၂၄)ရက်မှ (၂၆)ရက်အထိ (၃)ရက်ကြာ ရန်ကုန်မြို့  ၊ ဗိုလ်အောင်ကျော်လမ်းရှိ ဗိုလ်အောင်ကျော် Art Gallery မှာ ကျင်းပပြုလုပ်နေပါတယ်။ပြပွဲမှာတော့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ပုံ၊ သဘာဝရှု့ခင်းပုံကို ဖော်ပြတဲ့ ပန်းချီကားများ၊ လူနေမှုပုံစံကို ဖော်ပြတဲ့ ပန်းချီကားများ စတာတွေကို ပြသထားတာဖြစ်ပါတယ်။ပြပွဲမှာ ပြသထားတဲ့ ပန်းချီကားတွေကို အခရိုင်းလစ်၊ရေဆေး၊ဆီဆေး၊မစ်မီဒီယမ်တွေနဲ့ ရေးဆွဲထားတာဖြစ်ပါတယ်။

ပြပွဲမှာ ပန်းချီကားပေါင်း (၃၆)ကား ပြသထားတာဖြစ်ပြီးပန်းချီကားတွေကို အမေရိကန်ဒေါ်လာ(၈၀)ကနေ ဒေါ်လာ(၁၃၀၀)အထိသတ်မှတ် ရောင်းချသွားမှာဖြစ်တယ်လို့သိရပါတယ်။ဒီလို ပန်းချီကားရောင်းချလို့ရတဲ့ထဲမှ  ၀င်ငွေတစ်ဝက်ကိုတော့ အခမဲ့ပန်းချီသင်တန်းတွေမှာ လှူဒါန်းသွားမယ်လို့သ်ိရပါတယ်။
အခုလို သန်လျင်မြို့ နယ် ကိုယ်စားပြုအနေနဲ့ ပြုလုပ်တဲ့ ပန်းချီဆရာ၊ပန်းချီဆရာမ(၁၃)ဦးပန်းချီပြပွဲကို ကျင်းပပြုလုပ်တာဟာ (၈)ကြိမ်မြောက် ကျင်းပပြုလုပ်တာဖြစ်တယ်လို့ သိရပါတယ်။

 

 

Related News