၂၀၁၉-၂၀၂၀ ပညာသင်နှစ်အတွက် ကျင်းပတဲ့ ကျောင်းအပ်နှံရေးနေ့အခမ်းနားကို မေလ(၂၅)ရက်က ရန်ကုန်မြို့ အမှတ်(၄)အခြေခံပညာ အထက်တန်းကျောင်းမှာပြုလုပ်ခဲ့တာဖြစ်ပါတယ်။ကျောင်းနေအရွယ်ကလေးတိုင်း ကျောင်းအပ်နှံနိုင်ဖို့အတွက် လူထုလှုပ်ရှားမှုတစ်ခုအနေနဲ့ ကျောင်းအပ်နှံရေး ရက်သတ္တပတ်ကို မေလ(၂၅)ရက်မှ(၃၁)ရက်ထိ သတ်မှတ်ထားတာဖြစ်ပါတယ်။ 

ဒီလိုသတ်မှတ်ဆောင်ရွက်တာက နိုင်ငံအတွင်းမှာရှိတဲ့ ကျောင်းနေအရွယ်ကလေးများအားလုံး အခက်အခဲမရှိဘဲ အခြေခံပညာကျောင်းတွေတိုင်းမှာ ပညာသင်ကြားနိုင်ဖို့ကို ဆောင်ရွက်နေကြောင်းကို မိဘပြည်သူတွေနဲ့အတူ ပညာရေးဝန်ကြီးဌာနမှ ဆရာ၊ဆရာမ တွေကို နှိုးဆော်အသိပေးခြင်းဖြစ်ပါတယ်။ 

ယခုနှစ်မှာ ရန်ကုန်တိုင်းဒေသကြီးအတွင်း ကျောင်းအပ်နှံတဲ့ မူလတန်းအဆင့်ကလေးငယ်များကို ကျောင်းသုံးပုံနှိပ်စာအုပ်များနဲ့ ဗလာစာအုပ်တစ်ဒါဇင် အခမဲ့ထောက်ပံ့ပေးတယ်လို့သိရပါတယ်။ ဒါ့အပြင် ကျောင်းအပ်ရေးကာလပြီးမြောက်ပါက ရန်ကုန်တိုင်းဒေသကြီးအစိုးရအဖွဲ့က ဦးဆောင်ပြီး မြို့နယ်တိုင်း၊ နယ်မြေတိုင်းမှာရှိတဲ့ အခြေခံပညာကျောင်းတွေ ဖွံ့ဖြိုးတိုးတက်ဖို့ကို မြို့နယ်လွှတ်တော်ကိုယ်စားလှယ်တွေ၊ အုပ်ချုပ်ရေးမှူးတွေ၊ ရပ်မိရပ်ဖ တွေနဲ့ပူးပေါင်းပြီး တွေ့ဆုံဆောင်ရွက်သွားရန် လုပ်ငန်းစဉ်တွေလည်းရှိတယ်လို့ သိရပါတယ်။

၂၀၁၉-၂၀၂၀ ပညာသင်နှစ် ကျောင်းအပ်နှံရေးနေ့ အခမ်းအနားကို ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ် ဦးဖြိုးမင်းသိန်း၊ လူမှုရေးဝန်ကြီးဦးနိုင်ငံလင်း၊ လွှတ်တော်ကိုယ်စားလှယ်များ နဲ့ဌာနဆိုင်များမှ တာဝန်ရှိသူတွေက တက်ရောက်ခဲ့ကြပါတယ်။

 

Related News