သီရိမင်္ဂလာကမ္ဘာအေးစေတီတော်မှာ လာမယ့်အောက်တိုဘာလမှာတော့ နိုင်ငံခြားသားဝင်ရောက်ခတိုးမြှင့် ကောက်ခံသွားမယ်လို့ သီရိမင်္ဂလာကမ္ဘာအေး စေတီတော်ဂေါပကအဖွဲ့ထံက သိရပါတယ်။လက်ရှိနိုင်ငံခြားသားဝင်ရောက်ခကို နိုင်ငံခြားသား(၁)ဦးကို ငွေကျပ်(၃၀၀၀)နှုန်း ကောက်ခံနေပြီး လာမယ့်အောက်တိုဘာလ(၁)ရက်ကစတင်ကာ နိုင်ငံခြားသားတစ်ဦးကို ငွေကျပ်(၅၀၀၀) မှ (၁၀၀၀၀)ကြားအထိ တိုးမြှင့်ကောက်ခံသွားမယ်လို့ သိရပါတယ်။ ဒါ့အပြင် သီရိမင်္ဂလာကမ္ဘာအေးစေတီတော်ဂေါပကအဖွဲ့ထံ ကြိုတင်အကြောင်းကြားထားပြီး လာရောက်ဖူးမြော်တဲ့ နိုင်ငံခြားသားတွေကို ဂေါပကအဖွဲ့မှ သီရိမင်္ဂလာ ကမ္ဘာအေးစေတီတော်ရှိ ဓာတ်တော်တွေကိုထုတ်ထားပေးပြီး ခေါင်းပေါ်တင်ကာဓာတ်တော်တွေကို ပူဇော်ခွင့်ပေးတယ်လို့ သီရိမင်္ဂလာကမ္ဘာအေးစေတီတော်ဂေါပကအဖွဲ့မှ အဖွဲ့ဝင် ဦးသိန်းဦးကပြောပါတယ်။သီရိမင်္ဂလာကမ္ဘာအေးစေတီတော်မှာ နှစ်တစ်နှစ်ရဲ့ဘတ်ဂျက်ကို ဧပြီလမှစက်တင်ဘာလအထိ၊ အောက်တိုဘာလမှ မတ်လအထိ (၆)လ တစ်ကြိမ်သတ်မှတ်ထားတယ်လို့ သိရပါတယ်။ ယခုနှစ် (၂၀၁၉)ခုနှစ် ဧပြီလကနေ မေလအထိကို ခရီးသွား (၄၀၀၀)ကျော် ၀င်ရောက်ခဲ့ပြီး ၀င်ကြေးအနေနဲ့ ကျပ် (၁၁)သိန်းကျော် ရရှိထားပြီးဖြစ်တယ်လို့ သိရပါတယ်။သီရိမင်္ဂလာကမ္ဘာအေးစေတီတော်မှာ ရရှိခဲ့တဲ့ ဧည့်ဝင်ကြေးတွေကိုတော့ စေတီတော်ပြုပြင်မွမ်းမံတာတွေနဲ့ ၀န်ထမ်းလစာပေးရာမှာ အသုံးပြုလျက်ရှိတယ်လို့ သိရပါတယ်။        

 

 

Related News